Genes 25
25
CHAB. XXV.
1HOGEN Abraham a gemeraz eur chreg all hanvet Ketura,
2hag hou-raan a c’hanaz d’ezhan Zimran, Jokshan, Medan, Madian, Jishbak ha Shuash.
3Ha Jokshan a oe tad da Sheba ha da Zedan. Ha bugale Dedan a oe: an Asshurimed, al Letushimed hag al Leümimed.
4Ha bugale Madian a oe: Epha, Epher, Hanoc, Abida, Eldaa. Ar re-ze holl a zo bugale da Getura.
5Hag Abraham a roaz he lioll vadou da Isaac.
6Mes rei a reaz prezanchou da vibien he c’hroa-gez-all, hag ho c’hassaz, keit ha ma chomaz beo, pell euz he vab Isaac, etrezeg bro ar Zav-heol.
7Ha buez Abraham a ieaz da bempzec vloaz hag eiz-ugent.
8Ha neuze Abraham a rentaz he ene hag a varvaz en eur gozni eüruz, oajet braz, ha leun a zervechou; hag ez eaz varlerc’h he dud koz.
9Hag Isaac hag Ismael, he vipien, a enteraz anezhan e cavarn Macpela, dirag Mamre, e park Ephron, mab Tsohar, an Ethian,
10er park-se hen doa prenet Abraham digant bugale Heth. Eno e oe enteret Abraham, gant Sara, he bried.
11Hogen goude maro Abraham, Doue a ven-nigaz Isaac, he vab. Hag Isaac a reaz he zemeurans e-kichen ar punz hanvet punz an Hini beo a vel ac’hanoun.
12Ha setu aman lignez Ismael, mab Abraham, an hini a oa bet ganet d’ezhan gant Agar, an Egyptianes, matez da Sara.
13Ha setu aman mipien Ismael, ho hanoiou hervez ar boblou a zo bet savet euz a wenn pep hini anezhe: Mab hena Ismael a oa Nabajoth, an eil Kedar,
14 ha goude Adbeel, Mibsam, Mishma, Duma,
15Massa, Hadar, Thema, Jethur, Naphish, ha Kedma.
16Ar re-ze eo mipien Ismael, hag ar re-ze eo an hanoiou ho deuz roet d’ho c’heariou ha d’ho douarou; ar re-ze a oe an daouzec prins euz ho foblou.
17Buez Ismael a ieaz da seiteg vloaz ha c’houec’h-ugent. Neuze e rentaz he ene hag e varvaz, hag ez eaz da gavoud he dud koz.
18Ar vro ma chomaz he vugale enhi a ia euz a Havila beteg Shur, pehini a sko var an Egypt, pa’z er etrezeg an Assyri. Eno e chomaz hag e talc’haz ar vro en he c’halloud, dirag he holl vreudeur.
19Ha setu aman lignez Isaac, mab da Abraham: Abraham a oe tad da Isaac.
20Isaac d’an oad a zaou-ugent vloaz a zimezaz da Rebecca, merc h da Vethuel, an Aramead, ginidic euz a Baddan-Aram, ha c’hoar da Laban, an Aramead.
21Hag Isaac a bedaz calonec an Aotrou evit he bried, rag n’he doa ket a vugale. Hag an Aotrou a zelaouaz he beden; ha Rebecca he c’hreg a goncevas.
22Mes ar vugale a strope an eil deuz egile e corf ho mam, ha kement-se a reaz d’ezhi lavaret: Mar d’eo evel-se ema an traou, perag e choman-me beo? Hag ez eaz da c’houlen cuzul digant an Aotrou.
23Hag an Aotrou a lavaraz dezhi: Diou vroad-tud a zo en da gorf, ha daou bobl a vezo disparti etrezhe en eur zond er meaz euz da gorf. Unan euz ar boblou-ze avezo krenvoc’h eged egile; hag ar c’henta ganet anezhe a vezo servicher d’egile.
24Hag an amzer ma tlie gwilloudi a erruaz, ha setu ma oa daou vugel assambles en he c’hov.
25An hini a zeuaz da genta er bed a oa rouz, ha goloet a vleo, evel eul loen; hag e oe hanvet ganthe, Esaü (blevec).
26Goude-ze e teuaz he vreur, crog gant he zorn e seul-troad Esaü; setu perag e oe galvet Jacob (an hini a gemer plas eun all). Tri-ugent vloaz a oa Isaac pa zeuaz he vugale er bed.
27Hag ar vugale a greskaz, hag Esaü a zeuâz da veza eur chasseour habil, hag a blije d’ezhan chom var ar jneaz; mes Jacob zeuaz da veza eun den a beoc’h, hag a oa gwelloc’h ganthan chom en he danten.
28Hag Isaac a gare Esaü, rag mad e kave kig al loened gwez lazet ganthan, mes Rebecca a gare Jacob.
29Hogen eun dervez, pa oa Jacob o poazat eun tam boued, Esaü a zeuaz divar ar meaz hag a oa skuiz.
30Hag Esaü a lavaraz da Jacob: Ro d’in da zebri euz ar boazaden rouz-ze, euz an tam boued rouz ec’h euz aze; rag gwall skuiz oun. Dre’n abek da gement-se eo bet hanvet Esaü, Edom, (rouz).
31Mes Jacob a lavaraz d’ezhan: Gwerz d’in-me, da genta, da wir a vab-hena. Hag Esaii a lavaraz:
32Setu me o vond da vervel, da betra a zervicho d’in-me ar gwir a vab hena?
33Ha Jacob a lavaraz: Tou d’in da genta. Hag e touaz d’ezhan: evel-se e verzaz he wir a vab hena da Jacob.
34Ha Jacob a roaz da Esaü bara hag eur pladad piz rouz da zibri, hag e tebraz hag ec’h evaz; ha neuze e savaz, hag ez eaz kuit. Evel-se Esaü a reaz disprij var ar gwir a vab hena.
Currently Selected:
Genes 25: JEN1897
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society in 1897 and reprinted in 1935.
