TIBIRIK 22
22
Tapa bada Abraham Nyadis Isaac
1 #
Heb 11.17-19
Mua tian ripas anŭ, TUHAN suba Abraham; Ayŭh bagan, “Abraham!” Ka Abraham nam, “Ta aku!”
2 #
2Kr 3.1
“Taban anak mu,” Tapa nang, “Kaŭs kaŭs anak dari mu, Isaac, adi kuu raru rindu, ka di ka tarun tana Moriah. Diginŭ di tibung darŭd adi re Aku kiren di kuu, jugan ayŭh ndu sadis ka Aku.”
3Awar isan isan andu jawa ndi Abraham mutah uwang adi re ngga bisadis, na-i di tunduh kaldi-i, ka taban Isaac samŭn duwŭh naan daya gaji-i. Ngara piguru panu di ka tarun anŭ adi Tapa ko kidaan di ayŭh. 4Ngga andu adi taruh Abraham kiris tarun anŭ so jo. 5Komŭnŭ ayŭh nang di daya gaji-i, “Rŭŭ digiti ngga kaldi ati. Kieh duwŭh manak re di kamajeh di bisambah, muko anŭ kieh re pari ka yŭn ngan.”
6Abraham bada Isaac gŭrŭng uwang adi re ngga bisadis, ka adŭp-i taban sinda ngga bam apui re ngga ndai apui. Darŭm ngara samah samah panu, 7Isaac minyu, “Sama!”
Ayŭh nam, “Ani, nak?”
Isaac siken, “Kaam taban bam apui ngga uwang, pak diki anak biri adi re mai ndu sadis?”
8Abraham nam, “Adŭp Tapa re nggen.” Ngara duwŭh manak pijuu pimanu ngara.
9 #
Jam 2.21
Kan ngara mbŭh ndŭg tarun adi Tapa muko kidaan, Abraham nugung batuh ndu mija-sambah, ka tipan uwang di tunduh-i. Ayŭh mŭŭng anak-i ka na ayŭh di tunduh uwang di tunduh mija-sambah. 10Komŭnŭ ayŭh tambit sinda re ngga siŭ ayŭh. 11Pak malaikat TUHAN bagan ayŭh so rangit, “Abraham, Abraham!”
Ayŭh nam, “Ta digiti aku.”
12“Dŭhnyah bada anak anŭ kinaman bait ida ida ngga ayŭh,” ayŭh nang. “So madin aku puan nang kuu stabi ka taru di Tapa, amai kuu dŭh tungang siŭt kaŭs kaŭs anak dari mu so Ayŭh.”
13Abraham bigiring ka kiris ndi dari biri, tanduk-i nyasang di randa daan anak kayuh. Ayŭh di tambit ka jugan-i ndu sadis badang ngga gati anak-i. 14Abraham kadŭn tarun anŭ, “TUHAN nggen”.#22.14 Nggen; puan kah: Kiris. Ka ndŭg andu ati daya nang, “Di darŭd TUHAN, Ayŭh nggen”.#22.14 nggen; puan kah: dog kiris.
15Malaikat TUHAN bagan Abraham so rangit adi piduwŭh saba. 16#Heb 6.13-14 “Aku ndai ndi payu ngga adŭn adŭp Ku adi TUHAN nang Aku re manŭn nyiberkat kuu. Sabab kuu mbŭh ndai simŭnŭ ka dŭh siŭt kaŭs kaŭs anak dari mu so Aku, 17#Heb 11.12 Aku bipayu Aku re bada bara sesang mu bagŭ keya ka bitang di rangit, puan kah sumat di pang rawŭt. Bara sesang mu re ngarah pinganyu ngara. 18#Png 3.25 Sopŭrŭg bangsa re bada Aku nyiberkat adŭp ngara nimun Aku mbŭh nyiberkat sesang mu, amai kuu tunda pesan ku.” 19Abraham pari ka yŭn daya gaji-i, ka ngara samah samah panu di ka Beersheba, di yŭn Abraham rŭŭ.
Sesang Nahor
20Mua tian ripas anŭ Abraham dingah agah Milcah mbŭh biranak mai madis anak dari yŭn jurud-i Nahor: 21Uz anak pinuai, Buz sude-i, Kemuel sama Aram, 22Chesed, Hazo, Pildash, Jidlaph, ka Bethuel, 23adi Sama Rebecca. Milcah biranak mai madis anak dari ati yŭn Nahor adi jurud Abraham. 24Reumah, dayung nyikŭn Nahor, biranak Tebah, Gaham, Tahash, ka Maacah.
Currently Selected:
TIBIRIK 22: TBVONT
Highlight
Share
Copy
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.
