Mak 8
8
1Keeakolka, aaci dun dit ke bɛɛr gueer, ku cin ke camki, go Yecu kɔcpiocke cɔɔl, ku yook keek, 2Ye ɣan kɔc piɔu ne duut, ne ke ci kek reer kene an ne nin keediak, ku cin ke camki: 3na ca ke lɔ ne bɛiken e ke thieel, e kaalɔ kuk dholic; kɔk ke keek aake bɔ temec. 4Go kɔcpiocke dhuk, Yi bi ŋa keekɔcka cɔk kueth roor ene ne mono? 5Go ke thiec, Ye naŋka monoi keede? Goki jam, Yi kaye dherou. 6Go duut yɔɔk bi nyuc piiny: ku loom monoi keedherou, ku leec, ku wɛk keyic; ku yin ke kɔcpiocke, bik ke lɔ taau ne kɔc nhiim; goki ke taau ne duut nom. 7Ku kaake nɔŋ rec thii lik: go ke thiei, ku jiɛm bi ke taau ne duut nom eya. 8Goki cam a bik kuɛth: goki thethuei ci doŋ kuany ne akup keedherou. 9Ake cit bianabur ŋuan: go ke jal cɔk jiɛl. 10Ku dɔc lɔ riɛi kene kɔcpiocke, ku bii piny de Dalmanutha.
11Go Parithai bɛn enɔŋ yen, ku gɔlki ne thiɛc, akɔr cit enɔŋ yen cin de pan nhial, them kek yen. 12Go Yecu weei areet, ku jiɛm, Ye yeŋo kore riny de emane cit? We ya yɔɔk neyiic, Ya kacin cin bi yiɛn yekuane, 13ku wɛɛn keek, leer riɛi ku tem lɔŋti.
14Ku cik nhiim maar ne bii de monoi; ku cin mono tɔ riɛi, aye tok rir. 15Go ke jaam, yook ke, Ye ŋemka roth, we nyiɛn keek ne awuro de Parithai ku awuro de Kerod. 16Goki jam ne roth, Yi wɔ cin mono. 17Na ci Yecu ye nyic, e ke yook ke Ye yeŋo jiɛm we roth? ye ke cin we mono? kɛnka guɔ nyic, ku kɛnka tak ne wepiɔth? rir piɔthkuɔn? 18Cin naŋka nyin, ku ŋo ken we ye ŋem? naŋka yith, ku cak piŋ? cak wenhiim ye ciɛt? 19Ɣɔn wak ɣan monoi keedhiec yic ne kɔc keebianabur dhiec, cak thethuei bi jɔt ne thiaŋ akuɔp keede? Goki jam, Yi kaaye akuɔp keethiɛr ku rou. 20Ku monoi keedherou ne kɔc keebianabur ŋuan, cak thethuei bi jɔt ne akuɔp keede? Goki yi kaaye dherou. 21Go ke yɔɔk, Ye ŋuɔtka ke kɛnka jal nyic?
22Goki bɛn Bethaida. Goki ran ci cɔɔr bɛi enɔŋ yen ku lɛŋki bi jak. 23Go cɔɔr dɔm ciin, ku nyiɛi baai; ku ŋuut nyin, ku kɛn eciin e eguɔp, ku thiec, Ye noŋ te ca ŋem? 24Go liec, ku jiɛm, Ye ɣan ŋem kɔc; aaya ŋem e ke cath, e ke cit tiim. 25Go yeciin bɛɛr taau ne yenyin; go jal ŋem apiath, ci jal dhuɔk nyiinke, ku ŋem kaŋ kedhia apiath. 26Ku cɔk lɔ panden, ku yook duɔke bi dhuk pan enhia.
27Go Yecu jaal, kene kɔcpiocke, biki ne bɛi ke Kaithareia de Pilip: go kɔcpiocke thiec dholic, jiɛm, Ye ye kɔc luel yii ya ŋa? 28Goki luel, Yi kaye luel ya ye Jɔn Baptith: ku ne kɔk, Yi kee Elija, ku luel kɔk, Yi kee toŋ de nebii. 29Go ke thiec, Ye yaka luel wuɔ ya ŋa? Go Petero dhuk, Ye yin ye Kritho. 30Go ke yɔɔk duɔke bik cɔk piŋ ran dɛ. 31Go ke gɔl ne pioc, Ye Wen de raan abi kajuec dhiil ne guɔm, ku kabi jai ne roor dit, ku bany ke ka ke Nhialic, ku dugɛɛr, ku kabik nɔk, ku kabi rɔt bɛɛr jɔt ne nin keediak. 32Ee luel ke piŋ raan ebɛn. Go Petero Yecu dɔm ciin ku lee waai. 33Go Yecu rɔt wel, ku ŋem kɔcpiocke, ku wɛɛi Petero, yook. Ye lɔɔr e ɣakɔu, Catan: yin ci ka ke Nhialic ye tak, aa ka ye ka ke kɔc. 34Go duut cɔɔl enɔŋ yen kene kɔcpiocke, ku yook ke, Ye na ye ran kɔr bi a kuany cok, ke ne ye rɔt nyɔŋ, ku loom tiɛm ageerde, ku ye ɣa biɔth. 35Ran ye weike luɔk e kaabi ye wai ciin; ku ran bi wei gam ne ɣɛn ku ne welpiath, e kaabike luɔk. 36Yeŋo ye raan yok te loom en piny nom ebɛn, ku mɛr weike? 37Bi raan weike waar ne ŋo? 38Raan ebɛn bi nyin ya riɔc ne an ku welcie, ne yekuan cin adote ku rɛɛc, ke Wen de raan abi nyin riɔc ne yen eya, te bii yen ne nuɔm de Wun kene malaikai lajik.
Currently Selected:
Mak 8: LEKJOT
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1940, 2017
Learn More About Lek Jot de Jecu Kritho 1940
