Yuhani 17

Ku Yesu pasiakai ki situini inulri

1Samaka iyanga kilakikai ku Yesu, la paswabelenge, si iya kai, “Ama, wakelanga ku vai, lrigwanga ki Lalakesu, lani lrigu muswane kai Lalakesu. 2Ku lrika amarasikaiyane ki sanaka umawmase kudra puku wabaaingasu iniane, pakai ku abaadhaneini ku palralrawthu ka niake kudra ki sudralrusu baai iniane kudra laumawmase. 3Si thingale ala ka amanisu ku vaeva ka patengane ka Twaumase, si la thingale kudra ki pakainganaisu ka Yesu Kirisitu, ka amani ku palralrawthu ka niake. 4Ikai kai kawmasane walrigunga naku muswane; twalrepengenga naku ku baaisu nakwane ku awngane ikai kai kawmasane. 5Ama, kaiasasane lrigwaili icucubungu muswane, si baadhaili kudra nalriguta ikai sakaiyana bekace kai kawmasane!

6“Pathingalanenga naku muswane ikai kwidra ki baaisu nakwane ku patwalaisu kawmasane pilri kudra laumawmase. Kwi lalasu sakwa ka umawmasesu, la baaisu nakwane liniane; kwi lalasu la mialri paluludu ku vagasu. 7Kaiasasane, kwi lalasu wathingalenga makanaelre, kudra baaisu nakwane, twalai muswane patuelre kainganai. 8Ku baaisu nakwane ku vaga patuelre wabaadhaku liniane, kwi lalasu la tarumaranga. Kwi lalasu wathingale ala ka tengatengane ka twaladhaku muswane kainganai, la kasalru ka amanisu ka pakainganai nakwane.

9“Pasiakaiyaku liniane kitubi; kainaku pasiakai ki yakawmasane kitubi, pasiakaiyaku kudra ki baaisu nakwane ku umawmase kitubi, asi lwiyane kwi lalasu muswanenga. 10Ku nakwane patuelre yai, muswane patuelre; ku muswane patuelre yai laka nakwane patuelre. Ku lriguli pangwakai liniane si utaluvaivai. 11Kikai lri mwanga naku muswane kwini, si kai ikainga kawmasane, ai kwi lalasu lri ikaiyana kawmasane. Alrivilrivi ka Ama! Pangukaiya ki naganesu, ka amani kudra baaisu nakwane ku nagane, si palakebe liniane#17.11 “Pangukaiya ki naganesu, ka amani kudra baaisu nakwane ku nagane, si palakebe liniane” yakai ku lasidrumane ka hungu ka amia kai “Kiatubiaku muswane pangukaiya ki puku ki naganesu, si lakebe kwidra baaisu nakwane ka laumawmase”., lani maelrelre si avaevanga, mararaamau ku tamaelreaneta avaevanga. 12Sa ikaiyanaku taelre liniane yai, pangwakaiyaku ku naganesu, kaamani kudra baaisu nakwane ka nagane, palakebe liniane#17.12 “pangwakaiyaku ku naganesu, kaamani kudra baaisu nakwane ka nagane, palakebe liniane”. Yakai ku lasidrumane ka hungu ka amia kai “pangwakaiyaku ku puku ki naganesu, si palakebenga kwidra baaisu nakwane ka laumawmase”.. Palribulaku liniane, ikai liniane kai paelre kudra lri tara kamudu ku umawmase, kadrwa ku natangeanga ku maulrau; kikai yai ngiamianga kudra taiyane ki Sisiu. 13Kaiasasane, lri mwaku kwini muswane, sa ikaiyanaku kai kawmasane amiaku kilakikai kawriva, pakaiyaku ku asueteane ku sakiaragaili ikai liniane. 14Wabaainga naku ku vagasu liniane, kai yakawmasane la kavalracevace liniane, asi lwiyane kwi lalasu kaika swakai kai ki yakawmasane, mararaamau nakwane ka kaika swakai kai ki yakawmasane. 15Kainaku kiatubi muswane ku alranesu iluku liniane patwalai kai kawmasane, ai kiatubiaku muswane ku apakidailanesu liniane kudra ki ngililisiane. 16Mararaamau nakwane ka kaika swakai kai ki kawmasane, kwi lalasu mialri ka kaika swakai kai ki kawmasane. 17Arakaiya ku patengane ka sabulrwane si ani ngipapatarumara baai muswane; kudra vagasu amani ku patengane ka sabulrwane. 18Mararaamau ku tapakainganadhanesu nakwane mwa kai kawmasane, lri mialriaku pamwa liniane kai kawmasane. 19Ngwalai liniane, ngiapapatarumaraku baai muswane, lani mialri kwi lalasu ka patengatengane patarumara baai muswane.

20“Kainaku lri pasikai liniane kitubi sikakathane, lri mialriaku pasikai kitubi kudra ngwalai ku tatarumarane ku pelaela lini ku vagasu si la kasalru ku umawmase, 21kwi lalasu ani maelrelre si avaevanga. Ama! Kwi lalasu ani ikai adringi ki niaketa; mararaamau ku taiyadringanesu ikai ki niakeli, ku taiyadringaneli ikai ki niakesu. Kwi lalasu ani maelrelre makanaelre si avaevanga, pakai ku akasalrwane ki yakawmasane ala ka amanisu ku pakainganai nakwane. 22Ku baaisu nakwane ku lrigu, mialriaku wabaainga naku liniane. Pakai ku amaelrelreane lini si avaevanga, mia mitane maelre si avaevanga. 23Yakaiyaku adringi ki niake lini, la ikaisu adringi ki niakeli, pakai ku akitulrepengane lini maelrelre si avaevanga, lani thingale kai yakawmasane ka pakainganaisu nakwane, si la thingale ka kialibakesu liniane, mia ku takilibakanesu nakwane.

24“Ama! Kwini ki lalasu wabaaingasu nakwane; lu ikainwaku, ani taelre nakwane ikai kwini, pakai ku adrelane lini ku baaisu nakwane ku lrigu, asi lwiyane sakaiyana bekace kawmasane, kialibakengasu nakwane. 25Madringelrese ka Ama! Kai yakawmasane kai wathingale muswane, ai wathingalaku muswane, kilakikai umawmase la mialri thingale ka pakainganaingasu nakwane. 26Pwataluvaivainga naku muswane si pathingale liniane; lai lri pacungulaku pia kikai, pakai ku akadravane ikai ki niake lini ku takilibakanesu nakwane, lai lri mialriaku ikai ki niake lini adringi.”

Currently Selected:

Yuhani 17: NDV

Highlight

Copy