Mateyo 20
20
Lushimo lwa walima mizabibu.
1Uzumbe wa lwingu wafanana na mγoshi ywa chengo mwekilawa makelo kwa londa wandima, walimile mizabibu yakwe. 2Akiivana na wandima sumuni kwa ndima ya mushi mgima azawatuma kwe mizabibu yakwe. 3Saa ntatu azalawa vituhu, azaona watuhu, waiγoloke bule du he 4ndumi, azawati: Hitai hata inywi kwe mizabibu yangu! Neniminke vyemiagiza. 5Wazahita. Vituhu azalawa saa mtandatu na saa kenda, azaγoshola sa viyaho. 6Hata saa kumi na ṅwenga akiiawa azaona watuhu, wakihaγoloka, azawati: Nini mkihaγoloka aha mushi mgima bule du? 7Wazamuti: Nkakuna atinkileye ndima. Azawati: Hitai hata inywi kwe mizabibu yangu! 8Kukishwa yuja ṅwenye mizabibu azamlonga muluγojo ywakwe: Itanga wandima, uwainke upokezi wawe! Andiila kwa waja washilikizewo, ubontoleze kwa waja walongolewo! 9Kukiiza waja wa saa kumi na ṅwenga, wazainkwa sumuni sumu 10ni. Kukiiza waja waandiilewo makelo, wazaγamba, kuti newazisiγwe, miya wohena wazainkwa sumuni sumuni. 11Wakipokeziγwa ivyoho wazamṅuna yuja ṅwenye mizabibu angwe: 12Awa washilikizewo wazaγoshola ndima saa ṅwenga du, kangi uzawaliγanyanya na ishwi tienewo lulali na ndima mushi mgima tikishindakasiγwa ni zuwa. 13Yuja azamlandula ṅwiyae ywawe muṅwe angwe: 14Ṅwiyangu, sitekueza, nkuivane na imi sumuni? Γuwa vyako, uhite! Nakunda kumunka uyu ashilikizeye, nikunkilevyo iwe. 15Viya vyangu sidaha kuγoshola navyo, nivyokunda? Hambu uteshimbuka, kwa kuti imi nina mbazi? 16Ivyoho washilikizewo watazalongoia, kangi walongolewo watazashilikiza.
Yesu aonyesha vingi ndivyo alumizwe.
17-19.
17Yesu akiunga kukwela Yelusalemu silai azawainula waja kumi na waili na he njama, azawati: 18Olelai, takwela Yelusalemu, ṅwanangwa ywa muntu ainkilwe kwa wavikizi wakulu na kwa watabaluwangwa, wakamlahe masa ya kumkoma, 19wamwinkile kwa wamzimu, wamfyulile, wamtowe, vikibinda wamkome na kumwamba mwe muti, miya mushi wa ntatu atafufulwa.
Mbuli za wana Zebedeyo.
20-28.
20Haja nine ja wana Zebedeyo azamwizila haṅwe na wanae, azamkinila na kumhembeleza mbuli. 21Azamuti: Ukundai? Angwe: Laγiliza, kangwe awa wanangu waili nezewaikale muṅwe kulume, muṅwe kumosho kwako mwe uzumbe wako! 22Yesu azamlandula angwe: Nkamtaila, muvyolombeza. Mwadaha kunywa icho kinywelo, nichounga kunywa? Angwe: Tadaha. 23Angwe: Kinywelo changu nezemuchinywe, miya kumwikaza muntu kulume ao kumosho kwangu so ndima yangu, kuja kutala waja wakufanyanyiziγwewo ni Tate. 24Waja kumi wakiviiva wazaihilwa ni awa wanduγu waili. 25Miya Yesu azawaitanga, azawati: Mwataila kuti: Wazumbe wa mbali za wantu wawatoza wantu na nguvu, hata wafuṅwa watunguluka wantu. 26Kwenyu kusheoneke ivyoho! Miya kwenyu mwekunda kuγaluka mkulu, shuti amitumikile! 27Mwekunda kuγaluka ywa bosi, shuti aγaluke mupuna ywenyu! 28Sa muvyomwona ṅwanangwa ywa muntu: Nkakundile kutumikilwa, miya azakunda kutumikila, akiinkile ṅwenye, akombole wantu wangi.
Matuntu maili ya Yeliko.
29-34.
29Wakilawa Yeliko, wantu wangi wazamtongela. 30Kuna matuntu maili, yaiikale silai; wakiiva kuti: Yesu azinka, wazakema angwe: Zumbe, ṅwana Dawidi, tife mbazi! 31Waja wantu wazawavaila, kangwe waleke lwashu, miya waja wazaisiiza kukema angwe: Zumbe, ṅwana Dawidi, tife mbazi! 32Yesu azaγoloka, azawaitanga, azawati: Mwakunda, nimiγoshwele mbwai? 33Wazamuti: Zumbe, takunda, mesho yetu yaγubulwe! 34Yesu azabulwa ni utungu, azadowa mesho yawe, viya du lushe yazaona, ne wahomtogola Mulungu.
Currently Selected:
Mateyo 20: KISHNT05
Highlight
Share
Copy
Want to have your highlights saved across all your devices? Sign up or sign in
New Testament in Kishambala © Bible Society of Tanzania, 2005.
