Luka ENAITURUK
ENAITURUK
Ore embuku oo lomon supati e LUKA neibalunye Yesu aa ninye Olaitajeunoni oisiligieki Isiraeli naa Olaitajeunoni sii loo ltung'ana pooki. Etisira Luka ajo ore Yesu neipotuo Enkiyang'et Sinyati o Laitoriani “Metolimu ilomon supati aliki ilaisinak”, naa ore ena buku nebore eyieuna too ltung'ana oota iyieunot naapaashipaasha. Ore sii embae kitok enchipai neibala oleng te Luka, eisul ninye too matuan naaituruku naalimu elotunoto e Yesu, neutu ake sii te nkikenoto ina kata nailep alo shumata. Ore enkatini e mbularoto e nkirukoto e Kristo peyie eidip Yesu ailepa, netolimuo ake sii olasirani lena buku te mbuku oo Iasat.
Ore eoroti e 2 o 6 (Ng'ura iorot oo matuan tiabori netii mbaa kumok naa tena buku ake etumi anaa te nkitanyaanyukoto. Kidol eranyare oo lmalaika o lchekuti peyie epuonu aabaiki Yesu pee eini, kidol sii Yesu etii o Hekalu aa enkayioni kisum sii enkatini o ltung'ani supat le Samaria, o enkatini olayioni oisero. Ore tena buku pooki ore entoki natipika olaigeroni endamunoto sapuk naa Enkomono, Enkiyang'et Sinyati, e rubata oo nkituaak te nkisiaayiare e Yesu o empalakinoto e Nkai oo ng'ok.
Iorot oo Matuan
Enaituruk 1.1-4
Einoto o keraisho e Yohana Olaibatisani o Yesu 1.5–2.52
Esiai e Yohana Olaibatisani 3.1-20
Enkibatisa o entemata e Yesu 3.21–4.13
Esiai e Yesu te Galilaya 4.14–9.50
Eiteru te Galilaya o meshomo Yerusalem 9.51–19.27
Ewiki nabayie tiatua o tembata Yerusalem 19.28–23.56
Empiunoto, enkipang'akinoto, o enkilepata o Laitoriani 24.1-53
Currently Selected:
Luka ENAITURUK: MBS
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.