Yona 4
4
Ki̱ni̱ga kya Yona na Mbabazi̱ za Ruhanga
1Ruhanga b̯utafubira bantu ba Ni̱neeva, kyasaali̱i̱ze hoi̱ Yona, yaakwatwa ki̱ni̱ga. 2Yaasaba naazootera Mukama, naakoba yati, “Tikyokyo nyaakobi̱ri̱ nincaali mu nsi gya kwamwetu̱? Kiki kyokyo kinyakubba ki̱mpeeri̱ kwi̱ru̱ki̱ra Tarasi̱i̱si̱. Nyeegi̱ri̱ nka kwoli Ruhanga wambabazi̱ kandi waakisa, tobihiiriirwa wangu, ngonzi zaamu zinene, kandi wei̱zi̱ramwo nooleeka kufubira bantu. 3Ai̱ Mukama, nnzi̱ta ndugeho, kubba gya ku̱kwa, kikunkiira kubba mwomi.”
4Mwomwo Mukama yaamu̱b̯u̱u̱lya naakoba yati, “Kikudwa we kukwatwa ki̱ni̱ga?”
5Yona yo, yaaruga mu lu̱lwo rub̯uga, yaagyenda b̯uhulukalyoba waalwo, yeicaara. Ku̱kwo, Yona yeebi̱mbi̱i̱ri̱yo kasi̱i̱si̱ra, yeicaara mu mu̱tu̱ntu̱lu̱ gwako ali̱ndi̱ri̱ kuwona kyani kyabbaho ha rub̯uga lwa Ni̱neeva. 6Mukama Ruhanga yaaragi̱i̱ri̱ kimera, kyamera, kyahanda kyadwa hakyendi̱, kyaleetera Yona mu̱tu̱ntu̱lu̱, aleke yeezegwe nali kurungi. Mwomwo Yona yaasemereerwa hoi̱ hab̯wa kimera ki̱kyo.
7Bei̱tu̱ kiro kinyakuhonderaho, mambya naakusala, Ruhanga yaaragi̱i̱ri̱ ki̱si̱i̱sa kyadya ki̱kyo kimera, kimera kyomira ki̱mwei̱. 8Lyoba b̯u̱lyasu̱u̱ki̱ri̱, Ruhanga yaaragira mpehu gihyo gya b̯uhulukalyoba gihunge magyenda hali Yona. Lyoba lyokya Yona ku mu̱twe, ku̱doosya b̯u̱yaagwerekereeri̱ kandi yeesabira ku̱kwa, naakoba yati, “Leka nkwe, kubba gya ku̱kwa kikukira kubba mwomi.”
9Mwomwo Ruhanga yaab̯u̱u̱lya Yona naakoba yati, “Mali̱, kikudwa we kukwatwa ki̱ni̱ga hab̯wa ki̱kyo kimera kwoma?”
Yona yei̱ri̱ri̱mwo naakoba yati, “Kikudwa b̯u̱dwi̱ gya kukwatwa ki̱ni̱gi̱, nyaakwendeerye kadi nkwe.”
10Mwomwo Mukama yaakoba yati, “Okurumirirwa kimera kwoma, we kyotakolereeri̱, kandi kyotasi̱mbi̱ri̱, kinyaakuhanda mu kiro ki̱mwei̱ kandi kyahwerekeera mu kiro ki̱mwei̱. 11Bei̱tu̱ rub̯uga lwa Ni̱neeva lulimwo bantu bakukira ha mitwaru i̱ku̱mi̱ na mibiri (120,000) batali na ki̱beegi̱ri̱, hamwenya na bisolo binene. Hab̯waki gya ntasaasira ku̱hwerekeereerya lu̱lwo rub̯uga?”
Currently Selected:
Yona 4: LUGUNGU
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.