Pi zi tiki 20
20
Abraham gaini Abimelek
1Woni par Abraham a hala midini afti na war gal n'amai sek na Negev, a sumna arbaɗi Kades gaiɗi Sur, asakal par a halasi a sumna a Gerar. 2Abraham a miɗiɗi wiiɗi ɗai midiɗi Sara na munini ɓa: Te tawala; nɵa Abimelek pai na Gerar a yimiti. 3Amma Alaw a halasi sini war duvuk war weseŋ zi pɵi a miɗini: Aga ku mra buriɗi muni na ku yimiti tini mofaɗi par ɗa, buri na te munini ɗif. 4Won hlai ni Abimelek a fana gaiɗi kai hai, a ɗuula a muɗa: Epin-geza ta gaiɗi ɗaiŋa ɗa mi zi wala na meefeŋ kai. Ku dara ku fiɗiyi edi kadai meere ɗi. 5A muɗaŋa a ni ɓa: Te tawalni, na lai ɓa: A tawalɗi. Mu zaŋ na ɗa gaini agul na ɗikat gaiɗi tiy na hilu lai. 6Alaw a wiyini seŋ war weseŋ zi pɵi: Ta lai, mu sɗa ɓa ku za na ɗa gaiɗi agul na ɗikat, pra mu ɗuluku aŋ za tuwur sa mu ta, buri nɵa mu hunuku aŋ titimiti kai. 7Tiyana, wiyitini muni wiini ɗif hanɗa wai, buri ni a ɗif na mini Alaw, n'aga a siiwa tini Alaw buriku, kapai ku sumna karku. Na ɓa ku wiyitini kai, yimaŋ muduku ɓa aga ku mra, tuku gaiɗi ɗaiku paŋ.
8Abimelek a faka amai gorof, a yikiɗisi ɗaini zi sda paŋ, a miɗiɗi miɗini wala hanɗa, ɗai hanɗa, hunai te yimiɗi gara. 9Asakal par Abimelek a yikasi Abraham a miɗini: Na ku ziyi nɵa na ɗa a maɗa? Na mu zaŋ aŋ tuwur suku ɗa a na wata ɗa? Na kapai ku kiyi, ta gaiɗi paiŋa paŋ aŋ zi tuwur n'abai maini hanɗa nɵa ɗa, wala na ku zaŋŋa hanɗa, ɗif a zaŋŋa kai. 10Abimelek a miɗini pra: Na ku kataŋ warku, wuzani na ku zaŋ hanɗa a maɗa? 11Abraham a waya seŋ a muɗa: Mu hiina ɓa won hlai hanɗa hunai na pini Alaw koo agwiyeŋe tekeɗeɗi aŋ warɗi ɗai kai, nɵa aga e fiɗiŋa buriɗi muniya ɗa, 12war jreni kadai tiɓ, te tawala, t'ahini apa, ama t'ahiɗi ama kai, nɵa te bunda aŋ muniya. 13Won hlai n'Alaw a muɗaŋa buri mu hina dalamni apa edi gaigai sa par, mu miɗiɗi wiiɗi Sara: Woɗi paŋ n'aga mu hulumu, ku zina pa, ku muɗa edi mada ɓa mu tawalku.
14Abimelek a mula haakai gaini adumai gaini ɵaakai, ɗai zi sda na maɵagai gaiɗi na falakai, a siŋni wiini Abraham, a wiyitini Sara na munini wai lai. 15A muɗa: Tala, aftiŋa aŋ wuzaku na, sumna warni hlai na ku daraŋ, 16Asakal par a miɗiɗi wiiɗi Sara: Mu sa wiini tawalku sulai zi arzaŋ dubu ɗaw, hanɗa aga ŋoya siyerku arɗi marku paŋ, pra wuzani arɗi ɗai paŋ aga ku waya warni azuku n'avut.
17Abraham a siiwa Alaw burini Abimelek, Alaw a zuula Abimelek, munini, falakai zi sda na wiini, nagai e tiki piɗi aŋ wii ali pra. 18Buri EPIƊ-ƊAI a bindiɗi falakai n'ahani Abimelek muɗaŋai kafa buriɗi Sara na munini Abraham.
Currently Selected:
Pi zi tiki 20: MUSGUM
Highlight
Share
Copy
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
