EKSODOS 1

Ka jingshah lehbeiñ tyngeh ki Israel ha Ijipt

1 # Jen. 46:8-27 Ki khun shynrang u Jakob kiba la leit ryngkat bad u sha Ijipt, lem bad la ki ba-ha-ïing ha-sem, ki long 2U Reuben, U Simeon, U Lebi, U Judah, 3U Issakhar, U Sebulun, U Benjamin, 4U Dan, U Naphtali, U Gad, bad U Asher. 5Kine ki briew kiba hiarpateng beit na u Jakob ki long baroh hynñiewphew ngut.#1:5 Ha kawei na ki manuscript barim ka jingkheiñ ka long hynñiewphew san ngut kumba ngi shem ruh ha ka Kitab Ki Kam ki Apostol 7:14. U khun jong u, u Joseph u la don lypa ha Ijipt. 6Katba ka por ka nang ïaid u Joseph, ki hynmen jong u, bad sa kiwei pat ruh jong kata ka pateng, ki la ïap noh, 7#Ki Kam. 7:17hynrei ki khun ki ksiew jong ki, ki la ïaroi shikatdei eh; ki la nang bun nang bun, bad ki la nang khlaiñ haduh ba kata ka ri ka la khapngiah da ki.

8 # Ki Kam. 7:18 Nangta, u syiem bathymmai u bymtip ei ei shaphang u Joseph, u la synshar ha Ijipt. 9Une u ong ha la ki briew, “Kine ki Israel ki la ïaroi palat, bad ki la ïakhlaiñ eh ruh, bad ki long ka jingma ïa ngi. 10#Ki Kam. 7:19Lada ka thma ka khie, ki lah ban leit ïasoh bad ki nongshun jong ngi ban ïaleh pyrshah ïa ngi, bad ban ïohphet noh na kane ka ri. To ngin kham ïaleh sian ban ym shah ïa ki ba kin nang ïaroi shuh shuh.” 11Kumta ki nong Ijipt ki thung ïa ki nongpyntrei mraw kiba pynsaja ïa ki da kaba pynbor ba kin trei ïa ki kam kiba shitom sat. Ki Israel ki tei ïa ki nongbah Pithom bad Rameses ba kin long ki jaka kynshew jingbam u Pharaoh. 12Pynban katba ki Israel ki nang shah pynshitom beiñ, katta ruh ki nang ïaroi bad ki nang saphriang kylleng ka ri. 13-14Te ki nong Ijipt ki la sdang ban sheptieng ïa ki Israel, bad kumta ki pynsaja sat ïa ki da kaba pynlong mraw jubor ïa ki ban trei ha ki kam dewbyrtha bad shna maw-it, bad ha ki lyngkha jong ki, bad kim don jingisynei ïa ki.

15Nangta u syiem ka Ijipt u ong ha ki nongpynkha khun kiba na ki kynthei Hebru, kawei kaba kyrteng ka Shiphrah bad kawei pat ka Puah, 16“Haba phi ïarap pynkha ïa ki kynthei Hebru, bad phi ïohi ba u dei u shynrang, pynïap ïa u; hynrei lada dei ka kynthei, ai kan im.” 17Hynrei kita ki nongpynkha khun ki dei kiba sheptieng ïa U Blei; kumta kim shym kohnguh ïa u, hynrei ki shah ba ki khun shynrang kin im. 18Kumta u syiem Ijipt u phah khot ïa kita ki nongpynkha khun, bad u kylli ïa ki, “Balei phi leh kumne, bad phi shah ïa ki khun shynrang ba kin im?” 19Kita ki nongpynkha khun ki jubab, “Ki kynthei Hebru kim long kum ki kynthei Ijipt; ki kha suk ïa ki khun, bad katba ngin da poi ma ngi, ki la lah kha.” 20-21Namar ba kita ki nongpynkha khun ki sheptieng ïa U Blei, u ruh u pynmanbha ïa ki, bad u ai ha ki ba kin don la ki khun ki kti. Ki Israel ruh ki nang roi bad ki nang khlaiñ. 22#Ki Kam. 7:19Khatduh eh, uta u syiem u hukum ïa ki briew jong u baroh, “Shim ïa u khunlung Hebru baroh uba dang shu lah kha bad bret ïa u sha wah Nile, hynrei ai ba ki khun kynthei kin im.”

Currently Selected:

EKSODOS 1: KHACLBSI

Highlight

Copy