GENESIS 25
25
Abraham Suan Dangte
(1 Kron. 1.32,33)
1Huan, Abraham in zi dang a nei nawn a, a min Keturah ahi. 2Aman Zimran, Jokshan, Medan, Midian, Ishbak leh Shuah a neihsak hi. 3Jokshan in tapa Sheba leh Dedan a nei a, Dedan tapate Ashurim leh Letushim leh Leummim ahi uh. 4Midian tapate Ephah, Epher, Hanok, Abidah leh Eldah ahi uh. Huai tengteng Keturah tate ahi uhi.
5Abraham in a neih tengteng Isak a pia hi. 6A mei tapate kiang ah Abraham in thilpiakte a pia a; amah damlai ngei in a tapa Isak a kipan amaute suahlam gam ah a sawlmang hi.
Abraham Sihna Leh Vuina
7Abraham damsung kum za leh sawmsagih leh nga ahi. 8Abraham in a kha a khahta hi. Lu a kelsam pouvek in tekpi tekkun a dam in a si a, a chipihte kiang a pi in a omta hi. 9A tapa Isak leh Ishmael in Hit mi Zohar tapa Ephron lou a, Mamre phak ma a Makpel kawkhuk ah a vuita uh. 10Huai lou, Abraham in Hit suante apan a leisa ahi a, huai ah Abraham leh a zi Sarah a vui uhi. 11Hichi ahi a, Abraham sih nung in, Pathian in a tapa Isak a vualzawl a; Isak Beer-lahai-roi ah a teng hi.
Ishmael Suante
(1 Kron. 1.28-31)
12Hiaite Abraham tapa Ishmael, Sarah sikhanu, Aigupta mi Hagar in Abraham a neihsak suante ahi uh. 13Hiaite a min chiat uleh a suante uh bangzel in Ishmael tapate min ahi. Ishmael tapa upapen Nebajoth ahi a, huai ban ah Kedar, Adbeel leh Mibsam, 14Misma, Dumah leh Massa, 15Hadar, Tema, Jetur, Naphish leh Kedemah ahi uh. 16Huaite Ishmael tapate ahi ua, huaite a khua uh bang leh a giahphual uh bangzel a a min uh gelh ahi a, a chi uh bangzel in kumpipa sawmlehnih ahi uhi. 17Ishmael damsung kum za leh sawmthum leh sagih ahi a; a kha a khah a, a si a, a chipihte kiang ah pi in a omta hi. 18A tapate Havilah gam a kipan Assuria gam lamsang a Aigupta gam phakma a Shur tan in a teng ua, a unau dangteng a kipan a tuamten uhi.
Esau Leh Jakob Pianna
19Hiaite Abraham tapa Isak suante ahi uh: Abraham in tapa Isak a nei a. 20Isak in Padan-aram gam a Suria mi Bethuel tanu, Suria mi Laban sanggamnu Rebekah zi a, a neihlai in kum sawmli a upa ahi. 21A zi a chiin ziak in Isak in Toupa kiang ah a zi ading in nget petmah in a ngetsak hi. Toupa’n a ngetna a ngaihkhiak sak a, a zi Rebekah a hong gaita hi. 22Asung a a nau paite a kisual uhi; aman, “Hichibang a hih ngal leh, bangziak in ahia, ka hi chih?” a chi a; Toupa dong ding in a kuanta hi.
23 Toupa’n a kiang ah,
“Na sul ah nam nih a om uh.
Na gil sung a kipan nam nih
a kikhen ding ua,
Nam khat nam khat sang in a hat zaw ding.
A upa zaw in a naupang zaw
nna a sem ding” a chi hi.
24A nau neih a hun in, ngai in, a sul ah phik a om hi. 25Amasa zaw a san a san seksawk, puanmul bang a mul thiapthuap a hongpawt a, a min Esau a sa uh. 26Huai nung in a nau a pawt nawn a, a khut in Esau khetul a lenkip a; amah min Jakob a sa uh. Rebekah in amaute a neihlai in Isak kum sawmguk a upa ahi.
Esau In Ta Masa A Hihna A Zuak
27Naupangte a hong khanglian ua; Esau sabetsiam, gamvakmi ahi a; Jakob mi mawl, puanin a teng mi ahi. 28Isak in a sakhi sa a nek zel ziak in Esau a it a; Rebekah in bel Jakob a it hi.
29Jakob in be a huan a; Esau gamkuan a hongtung a, a tawl mahmah hi. 30Esau in Jakob kiang ah, “Hehpih in na be huan hon nesakin; ka bah mahmah hi” a chi hi. Huaiziak in ahi, a min Edom a chih uh.
31Jakob in, “Na tamasa hihna hon leisak phot lechin” a chi hi.
32Esau in, “Ngai in, si dek ka hi ngal a; hiai tamasa hihna kei ading in bang a phatuam dia?” a chi hi.
33Jakob in, “Tuni in ka kiang ah kichiam phot in” a chi hi. A kiang ah a kichiam a, a tamasa hihna Jakob kiang ah a khong maimah hi. 34Jakob in Esau tanghou leh a be huan a pia a; aman ne in a dawn a, a thou a, a paita hi. Huchibang in Esau in a tamasa hihna a ngaineu hi.
Currently Selected:
GENESIS 25: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 25
25
Abraham Suan Dangte
(1 Kron. 1.32,33)
1Huan, Abraham in zi dang a nei nawn a, a min Keturah ahi. 2Aman Zimran, Jokshan, Medan, Midian, Ishbak leh Shuah a neihsak hi. 3Jokshan in tapa Sheba leh Dedan a nei a, Dedan tapate Ashurim leh Letushim leh Leummim ahi uh. 4Midian tapate Ephah, Epher, Hanok, Abidah leh Eldah ahi uh. Huai tengteng Keturah tate ahi uhi.
5Abraham in a neih tengteng Isak a pia hi. 6A mei tapate kiang ah Abraham in thilpiakte a pia a; amah damlai ngei in a tapa Isak a kipan amaute suahlam gam ah a sawlmang hi.
Abraham Sihna Leh Vuina
7Abraham damsung kum za leh sawmsagih leh nga ahi. 8Abraham in a kha a khahta hi. Lu a kelsam pouvek in tekpi tekkun a dam in a si a, a chipihte kiang a pi in a omta hi. 9A tapa Isak leh Ishmael in Hit mi Zohar tapa Ephron lou a, Mamre phak ma a Makpel kawkhuk ah a vuita uh. 10Huai lou, Abraham in Hit suante apan a leisa ahi a, huai ah Abraham leh a zi Sarah a vui uhi. 11Hichi ahi a, Abraham sih nung in, Pathian in a tapa Isak a vualzawl a; Isak Beer-lahai-roi ah a teng hi.
Ishmael Suante
(1 Kron. 1.28-31)
12Hiaite Abraham tapa Ishmael, Sarah sikhanu, Aigupta mi Hagar in Abraham a neihsak suante ahi uh. 13Hiaite a min chiat uleh a suante uh bangzel in Ishmael tapate min ahi. Ishmael tapa upapen Nebajoth ahi a, huai ban ah Kedar, Adbeel leh Mibsam, 14Misma, Dumah leh Massa, 15Hadar, Tema, Jetur, Naphish leh Kedemah ahi uh. 16Huaite Ishmael tapate ahi ua, huaite a khua uh bang leh a giahphual uh bangzel a a min uh gelh ahi a, a chi uh bangzel in kumpipa sawmlehnih ahi uhi. 17Ishmael damsung kum za leh sawmthum leh sagih ahi a; a kha a khah a, a si a, a chipihte kiang ah pi in a omta hi. 18A tapate Havilah gam a kipan Assuria gam lamsang a Aigupta gam phakma a Shur tan in a teng ua, a unau dangteng a kipan a tuamten uhi.
Esau Leh Jakob Pianna
19Hiaite Abraham tapa Isak suante ahi uh: Abraham in tapa Isak a nei a. 20Isak in Padan-aram gam a Suria mi Bethuel tanu, Suria mi Laban sanggamnu Rebekah zi a, a neihlai in kum sawmli a upa ahi. 21A zi a chiin ziak in Isak in Toupa kiang ah a zi ading in nget petmah in a ngetsak hi. Toupa’n a ngetna a ngaihkhiak sak a, a zi Rebekah a hong gaita hi. 22Asung a a nau paite a kisual uhi; aman, “Hichibang a hih ngal leh, bangziak in ahia, ka hi chih?” a chi a; Toupa dong ding in a kuanta hi.
23 Toupa’n a kiang ah,
“Na sul ah nam nih a om uh.
Na gil sung a kipan nam nih
a kikhen ding ua,
Nam khat nam khat sang in a hat zaw ding.
A upa zaw in a naupang zaw
nna a sem ding” a chi hi.
24A nau neih a hun in, ngai in, a sul ah phik a om hi. 25Amasa zaw a san a san seksawk, puanmul bang a mul thiapthuap a hongpawt a, a min Esau a sa uh. 26Huai nung in a nau a pawt nawn a, a khut in Esau khetul a lenkip a; amah min Jakob a sa uh. Rebekah in amaute a neihlai in Isak kum sawmguk a upa ahi.
Esau In Ta Masa A Hihna A Zuak
27Naupangte a hong khanglian ua; Esau sabetsiam, gamvakmi ahi a; Jakob mi mawl, puanin a teng mi ahi. 28Isak in a sakhi sa a nek zel ziak in Esau a it a; Rebekah in bel Jakob a it hi.
29Jakob in be a huan a; Esau gamkuan a hongtung a, a tawl mahmah hi. 30Esau in Jakob kiang ah, “Hehpih in na be huan hon nesakin; ka bah mahmah hi” a chi hi. Huaiziak in ahi, a min Edom a chih uh.
31Jakob in, “Na tamasa hihna hon leisak phot lechin” a chi hi.
32Esau in, “Ngai in, si dek ka hi ngal a; hiai tamasa hihna kei ading in bang a phatuam dia?” a chi hi.
33Jakob in, “Tuni in ka kiang ah kichiam phot in” a chi hi. A kiang ah a kichiam a, a tamasa hihna Jakob kiang ah a khong maimah hi. 34Jakob in Esau tanghou leh a be huan a pia a; aman ne in a dawn a, a thou a, a paita hi. Huchibang in Esau in a tamasa hihna a ngaineu hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.