LUKE 1
1
Laibu In a Tup
(Nas. 1.1)
1Huai thilte i lak ua takpetpet a gintak a om, mi tampi in a thu gelh a na tup uh, 2A tung apat a mute leh thu nasemte’n a honhilh bang un, 3Theophilus aw, a bul apat bangkim chiantak in ka sui a, kizom zel in nang ading in kigelh leh a hoih ding, ka chi hi. 4Tuma a nang a honhilh uh thu dik ahi chih na theihsemna ding in.
Baptispa Johan Pian Ding Thu
5Judia gam kumpipa Herod a damlai in, Abijah pawl a mi a min Zakariah a om a; huai mi in Aron tanute lak a khat zi in a nei a, a min Elizabeth ahi. 6A nih un Pathian mitmuh in diktat in a om ua, gensiatbei in Toupa thupiak leh a dan tengteng zui in a om zel uhi. 7Himahleh Elizabeth a chin ziak in ta a neikei ua, a nih un upa pitak ahi tuak uhi.
8Huan hichibang ahi a, a pawlte hihdan ngeina bang a Pathian ma a siampu nasem a a omlai in, 9Siampu dan bang in Toupa biakin a lut leh gimlim hal a tan ahi. 10Gimlim hal hunlai in mipite avek un inn pua ah a na thum uhi.
11Toupa angel khat gimlim halna maitam taklam a ding in a kiang ah a kilak hi. 12Zakariah in a muhtak in a lungzing a, lau leng a lau hi. 13Himahleh angel in a kiang ah, “Zakariah, lau ken, na ngetna zak a a om ziak in, na zi Elizabeth in tapa hon neihsak dia, a min Johan na sak ding ahi. 14Huan nang nuam in na kipak ding a; amah a pian in mi tampi a kipak ding uhi. 15Toupa ngaih in mi lian ahi dia, uain leh zu himhim a dawn kei ding; a nu sung apat in Kha Siangthou in a dim ding hi. 16Israel suante tampi Toupa a Pathian lam uh a ngasak nawn ding hi. 17Pate lungtang tate lam a ngasak ding, mi chihmawhte mi diktat pilna lam ngasak ding, Toupa adia mipite mansa a omsak ding a bawlkhol ding in Elijah lungsim leh thilhihtheihna pu in Toupa ma ah a pai ding” a chi hi.
18Huan Zakariah in angel kiang ah, “Huai bangchi’n ka thei dia? Kei putek hi ing a, ka zi leng pitek ahi ngal a” a chi hi.
19Angel in a dawng a, a kiang ah, “Gabriel, Pathian ma ading zel ka hi; nang houpih ding leh hiai thu hoih honhilh ding a sawl ka hi. 20Ngai in ka thugente a huntak a hongtung ding, na gintak louh ziak in huai thilte a hongtun masiah na daidide dia, pau leng na pau theikei ding” a chi hi.
21Huan mipite’n Zakariah a na ngak ua, Pathian biakin sung a a om sawt ziak in lamdang a sa mahmah uhi. 22Huan a hongpawt in a kiang uah thu a gen theita kei hi; huchi in, biakin ah kha kilak a mu ahi chih a theita ua; a kiang uah chiamtehna te a bawl a, pautheilou in a om hi.
23Huan hichi ahi a, a nasepna ni a kimtak in a inn ah a paita hi. 24Tua nite nung in, a zi Elizabeth a gaita a, kha nga a kisel zoh in, 25“Mi lak a ka minse khuhna ding in, Toupa’n a honmuh in, hichibang in ka tung ah a hihta” a chi hi.
Jesu Pian Ding Thu
26Huan a kha gukna ah Pathian in Galili gam a khua khat Nazaret a chih uah, angel Gabriel, 27Nungak siangthou khat kiang ah a sawl a, huai nungak tuh David suan mi khat a min Joseph toh kikham ahi ua; nungak min Mari ahi. 28Huan angel a kiang ah a lut a, “Chibai, nang nakpitak a deihtuam: Toupa na kiang ah a om” a chi hi.
29Huai thu ziak in a lunghimawh mahmah a, bangchidan a chibai honbuk a diam aw? chi in, a kingaihtuah hi. 30Angel in a kiang ah, “Mari, lau ken; Pathian apan deihsakna na tang hi. 31Ngai in, na gai dia, tapa na nei dia, a min Jesu na sa ding hi. 32Amah mi lian a honghi ding a, Tungnungpen Tapa a chi ding uh. Toupa Pathian in a pu David mangtutphah a pedia, 33Jakob suante tung ah tangtawn in a vai a hawm dia, a gam in bei ni a neikei ding hi” a chi hi.
34Huan Mari in angel kiang ah, “Hiai bangchi’n a hithei dia? Pasal lah neilou ing a” a chi hi.
35Huan angel in a dawng a, a kiang ah, “Kha Siangthou na tung ah a hongtung ding a, Tungnungpen thilhihtheihna in a hon liahkhum ding, huaiziak in misiangthou hong piangding leng, siangthou Pathian Tapa, chih in a om ding a chi hi. 36Ngai in, na sanggamnu Elizabeth in leng a teknung in tapa a paita; a ching a chih uh, tu kha a kha gukna ahita hi. 37Pathian thupawt himhim thil hitheilou a omkei hi” a chi hi.
38Mari in, “Ngai in, Toupa sikhanu ka hi, na thu bangzel in ka tung ah tung hen” a chi hi. Huan angel in a paisanta hi.
Mari In Elizabeth A Vehna
39Huailai in Mari a thou a, singtang ah, Judia gam a khua khat ah a hoh pah hi. 40Zakariah inn ah a lut a, Elizabeth chibai a buk hi. 41Huan hichi ahia, Mari in Elizabeth chibai a buktak in, asung a naungek a kitawm a; Elizabeth Kha Siangthou in a hong dimta hi; aw ngaihtak in a kikou hi: 42“Nang numei sapsap din na hampha hi, na gilgah leng a hampha hi. 43Ka Toupa nu ka kiang a na hong bangchidan ahia awi? 44Ngai in, n’on chibai buk husa ka bil a a luttak in, a kipah ziak in ka sung a naungek a kitawm hi. 45A gingtanu leng a hampha hi, a kiang a Toupa thugen tangtung ding a hih ziak in” a chi hi.
Mari Phatna La
46Huan Mari in:
“Ka nuntakna in Toupa a pahtawi e,
47Ka kha leng ka Hondampa
Pathian tung ah a kipak mahmah a.
48A sikhanu namtom dan a mu a,
a hehpih a; ngai in,
tu nungsiah khang tengteng in hampha a honchi ding uh.
49Amah Mi hat in ka tung ah
thil thupitak hon hihsak a,
a min leng a siangthou hi.
50A laudansiamte khang nawn tan in a hehpih zel hi.
51A ban in a thahatdan a ensak a,
mi kisatheite a lunggelna uh a hihdalhta hi.
52A mangtutphah ua tu kumpipate a kaikhia a,
namtomte a pahtawita hi.
53Gilkial te thil hoih in a hihvah a, mihaute khutvuak in a paimang sakta hi.
54A sikha Israel taksap awng a huta a,
a zahngaihna theihgigena ding in.
55I pipute Abraham leh a suante kiang a tangtawn thuchiam a gen bang ahi.”
56Mari kha thum vel a kiang uah a om a, a inn ah a kiknawnta hi.
Baptispa Johan Pianna
57Huan Elizabeth nauneih a hong hunta a; huchi in tapa a hon neita hi. 58A vengte leh a sanggamte’n Toupa’n a hehpih mahmah chih a naza ua, a kipahpih uhi.
59Huan hichi ahi a, a ni giat ni’n naungek zeksum ding in a hongpai ua; a min ding in a pa min mah Zakariah sak a tum uhi. 60A nun, “Hilou e, Johan sak ding ahi” a chi a, a dawng hi. 61A nu kiang ah, “Na sanggamte lak ah hiai min pu kuamah a omkei uhi, a chi uhi. 62Huan a pa kiang ah chiamtehna bawl in, a min ding in bang sa le hang na deih a? a chi uhi. 63Huan laigelhna pek a ngen a, a min Johan ahi” chi in a gelh hi. 64Avek un lamdang a sa mahmah uhi. Thakhat in a kam hong kihong in a lei a hong kiphel a, Pathian phat in a hong paukheta hi. 65A kim ua omte tengteng in a lauta ua; huchi in huai thute Judia gam singtang tengteng ah a thangta hi. 66A za peuhmah in, a lungtang un a vei chiat ua, “Huai naungek bangchi phet a honghi diam aw?” a chi uhi. Huan Toupa khut in amah a panpih hi.
Zakariah Thugenkholhna
67Huan a pa Zakariah, Kha Siangthou in a dim a, a genkhol a,
68“Toupa Israel Pathian phat in om hen,
a mite a hong veh a,
tatna a bawlsak hi.
69A sikha David inkuante lak ah
hotdamna ki a hon bawlsak takziak in;
70Tanglai a pan a zawlnei
siangthoute kam a a gen bang in.
71I doute lak leh hon haw tengteng lak a hotdam a i om ding thu,
72I pipute kiang a a chiam
zahngaihna tangtung sak ding leh a thukhun siangthou theigige ding in.
73I pu Abraham kiang a kichiam a,
74I doute lak a a hon humbit a,
lau lou a a na i sepna ding in.
75I damsung teng a a mitmuh a siangthou leh diktattak a omna ding in.
76Ahi, Bawi, nang zaw
Tungnungpen Zawlnei a honchi ding ua;
a lampite bawlkhol ding in
Toupa ma ah na pai ding hi.
77A khelhnate uh ngaihdamna
dia a mite kiang a
hotdamna theihna pe din.
78I Pathian lungtang a hehpihna
ziak in, huchi a tunglam a kipan i tung a ni a tan chiang a,
79Miallak leh sihna lim a tute tanvak ding leh khamuanna
lampi a i khete kalsuan sak ding in,” a chi hi.
80Huan naungek a hong khanglian deuhdeuh a, a khalam a honghat hiaihiai a, Israelte kiang a a hong kilak masiah gamdai ah a om gige hi.
Currently Selected:
LUKE 1: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
LUKE 1
1
Laibu In a Tup
(Nas. 1.1)
1Huai thilte i lak ua takpetpet a gintak a om, mi tampi in a thu gelh a na tup uh, 2A tung apat a mute leh thu nasemte’n a honhilh bang un, 3Theophilus aw, a bul apat bangkim chiantak in ka sui a, kizom zel in nang ading in kigelh leh a hoih ding, ka chi hi. 4Tuma a nang a honhilh uh thu dik ahi chih na theihsemna ding in.
Baptispa Johan Pian Ding Thu
5Judia gam kumpipa Herod a damlai in, Abijah pawl a mi a min Zakariah a om a; huai mi in Aron tanute lak a khat zi in a nei a, a min Elizabeth ahi. 6A nih un Pathian mitmuh in diktat in a om ua, gensiatbei in Toupa thupiak leh a dan tengteng zui in a om zel uhi. 7Himahleh Elizabeth a chin ziak in ta a neikei ua, a nih un upa pitak ahi tuak uhi.
8Huan hichibang ahi a, a pawlte hihdan ngeina bang a Pathian ma a siampu nasem a a omlai in, 9Siampu dan bang in Toupa biakin a lut leh gimlim hal a tan ahi. 10Gimlim hal hunlai in mipite avek un inn pua ah a na thum uhi.
11Toupa angel khat gimlim halna maitam taklam a ding in a kiang ah a kilak hi. 12Zakariah in a muhtak in a lungzing a, lau leng a lau hi. 13Himahleh angel in a kiang ah, “Zakariah, lau ken, na ngetna zak a a om ziak in, na zi Elizabeth in tapa hon neihsak dia, a min Johan na sak ding ahi. 14Huan nang nuam in na kipak ding a; amah a pian in mi tampi a kipak ding uhi. 15Toupa ngaih in mi lian ahi dia, uain leh zu himhim a dawn kei ding; a nu sung apat in Kha Siangthou in a dim ding hi. 16Israel suante tampi Toupa a Pathian lam uh a ngasak nawn ding hi. 17Pate lungtang tate lam a ngasak ding, mi chihmawhte mi diktat pilna lam ngasak ding, Toupa adia mipite mansa a omsak ding a bawlkhol ding in Elijah lungsim leh thilhihtheihna pu in Toupa ma ah a pai ding” a chi hi.
18Huan Zakariah in angel kiang ah, “Huai bangchi’n ka thei dia? Kei putek hi ing a, ka zi leng pitek ahi ngal a” a chi hi.
19Angel in a dawng a, a kiang ah, “Gabriel, Pathian ma ading zel ka hi; nang houpih ding leh hiai thu hoih honhilh ding a sawl ka hi. 20Ngai in ka thugente a huntak a hongtung ding, na gintak louh ziak in huai thilte a hongtun masiah na daidide dia, pau leng na pau theikei ding” a chi hi.
21Huan mipite’n Zakariah a na ngak ua, Pathian biakin sung a a om sawt ziak in lamdang a sa mahmah uhi. 22Huan a hongpawt in a kiang uah thu a gen theita kei hi; huchi in, biakin ah kha kilak a mu ahi chih a theita ua; a kiang uah chiamtehna te a bawl a, pautheilou in a om hi.
23Huan hichi ahi a, a nasepna ni a kimtak in a inn ah a paita hi. 24Tua nite nung in, a zi Elizabeth a gaita a, kha nga a kisel zoh in, 25“Mi lak a ka minse khuhna ding in, Toupa’n a honmuh in, hichibang in ka tung ah a hihta” a chi hi.
Jesu Pian Ding Thu
26Huan a kha gukna ah Pathian in Galili gam a khua khat Nazaret a chih uah, angel Gabriel, 27Nungak siangthou khat kiang ah a sawl a, huai nungak tuh David suan mi khat a min Joseph toh kikham ahi ua; nungak min Mari ahi. 28Huan angel a kiang ah a lut a, “Chibai, nang nakpitak a deihtuam: Toupa na kiang ah a om” a chi hi.
29Huai thu ziak in a lunghimawh mahmah a, bangchidan a chibai honbuk a diam aw? chi in, a kingaihtuah hi. 30Angel in a kiang ah, “Mari, lau ken; Pathian apan deihsakna na tang hi. 31Ngai in, na gai dia, tapa na nei dia, a min Jesu na sa ding hi. 32Amah mi lian a honghi ding a, Tungnungpen Tapa a chi ding uh. Toupa Pathian in a pu David mangtutphah a pedia, 33Jakob suante tung ah tangtawn in a vai a hawm dia, a gam in bei ni a neikei ding hi” a chi hi.
34Huan Mari in angel kiang ah, “Hiai bangchi’n a hithei dia? Pasal lah neilou ing a” a chi hi.
35Huan angel in a dawng a, a kiang ah, “Kha Siangthou na tung ah a hongtung ding a, Tungnungpen thilhihtheihna in a hon liahkhum ding, huaiziak in misiangthou hong piangding leng, siangthou Pathian Tapa, chih in a om ding a chi hi. 36Ngai in, na sanggamnu Elizabeth in leng a teknung in tapa a paita; a ching a chih uh, tu kha a kha gukna ahita hi. 37Pathian thupawt himhim thil hitheilou a omkei hi” a chi hi.
38Mari in, “Ngai in, Toupa sikhanu ka hi, na thu bangzel in ka tung ah tung hen” a chi hi. Huan angel in a paisanta hi.
Mari In Elizabeth A Vehna
39Huailai in Mari a thou a, singtang ah, Judia gam a khua khat ah a hoh pah hi. 40Zakariah inn ah a lut a, Elizabeth chibai a buk hi. 41Huan hichi ahia, Mari in Elizabeth chibai a buktak in, asung a naungek a kitawm a; Elizabeth Kha Siangthou in a hong dimta hi; aw ngaihtak in a kikou hi: 42“Nang numei sapsap din na hampha hi, na gilgah leng a hampha hi. 43Ka Toupa nu ka kiang a na hong bangchidan ahia awi? 44Ngai in, n’on chibai buk husa ka bil a a luttak in, a kipah ziak in ka sung a naungek a kitawm hi. 45A gingtanu leng a hampha hi, a kiang a Toupa thugen tangtung ding a hih ziak in” a chi hi.
Mari Phatna La
46Huan Mari in:
“Ka nuntakna in Toupa a pahtawi e,
47Ka kha leng ka Hondampa
Pathian tung ah a kipak mahmah a.
48A sikhanu namtom dan a mu a,
a hehpih a; ngai in,
tu nungsiah khang tengteng in hampha a honchi ding uh.
49Amah Mi hat in ka tung ah
thil thupitak hon hihsak a,
a min leng a siangthou hi.
50A laudansiamte khang nawn tan in a hehpih zel hi.
51A ban in a thahatdan a ensak a,
mi kisatheite a lunggelna uh a hihdalhta hi.
52A mangtutphah ua tu kumpipate a kaikhia a,
namtomte a pahtawita hi.
53Gilkial te thil hoih in a hihvah a, mihaute khutvuak in a paimang sakta hi.
54A sikha Israel taksap awng a huta a,
a zahngaihna theihgigena ding in.
55I pipute Abraham leh a suante kiang a tangtawn thuchiam a gen bang ahi.”
56Mari kha thum vel a kiang uah a om a, a inn ah a kiknawnta hi.
Baptispa Johan Pianna
57Huan Elizabeth nauneih a hong hunta a; huchi in tapa a hon neita hi. 58A vengte leh a sanggamte’n Toupa’n a hehpih mahmah chih a naza ua, a kipahpih uhi.
59Huan hichi ahi a, a ni giat ni’n naungek zeksum ding in a hongpai ua; a min ding in a pa min mah Zakariah sak a tum uhi. 60A nun, “Hilou e, Johan sak ding ahi” a chi a, a dawng hi. 61A nu kiang ah, “Na sanggamte lak ah hiai min pu kuamah a omkei uhi, a chi uhi. 62Huan a pa kiang ah chiamtehna bawl in, a min ding in bang sa le hang na deih a? a chi uhi. 63Huan laigelhna pek a ngen a, a min Johan ahi” chi in a gelh hi. 64Avek un lamdang a sa mahmah uhi. Thakhat in a kam hong kihong in a lei a hong kiphel a, Pathian phat in a hong paukheta hi. 65A kim ua omte tengteng in a lauta ua; huchi in huai thute Judia gam singtang tengteng ah a thangta hi. 66A za peuhmah in, a lungtang un a vei chiat ua, “Huai naungek bangchi phet a honghi diam aw?” a chi uhi. Huan Toupa khut in amah a panpih hi.
Zakariah Thugenkholhna
67Huan a pa Zakariah, Kha Siangthou in a dim a, a genkhol a,
68“Toupa Israel Pathian phat in om hen,
a mite a hong veh a,
tatna a bawlsak hi.
69A sikha David inkuante lak ah
hotdamna ki a hon bawlsak takziak in;
70Tanglai a pan a zawlnei
siangthoute kam a a gen bang in.
71I doute lak leh hon haw tengteng lak a hotdam a i om ding thu,
72I pipute kiang a a chiam
zahngaihna tangtung sak ding leh a thukhun siangthou theigige ding in.
73I pu Abraham kiang a kichiam a,
74I doute lak a a hon humbit a,
lau lou a a na i sepna ding in.
75I damsung teng a a mitmuh a siangthou leh diktattak a omna ding in.
76Ahi, Bawi, nang zaw
Tungnungpen Zawlnei a honchi ding ua;
a lampite bawlkhol ding in
Toupa ma ah na pai ding hi.
77A khelhnate uh ngaihdamna
dia a mite kiang a
hotdamna theihna pe din.
78I Pathian lungtang a hehpihna
ziak in, huchi a tunglam a kipan i tung a ni a tan chiang a,
79Miallak leh sihna lim a tute tanvak ding leh khamuanna
lampi a i khete kalsuan sak ding in,” a chi hi.
80Huan naungek a hong khanglian deuhdeuh a, a khalam a honghat hiaihiai a, Israelte kiang a a hong kilak masiah gamdai ah a om gige hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.