KUITIR 1
1
1 #
Lk 1.1-4
O Theophil,
Mansana ka lekha han Isua sintho le ei manchu ngai ei phut ata, 2aman ami phun kuitir ngai ha Ratha Anthiang lehan chong apeka chung ei lon tenpei. 3Antak atiar suana riatna tampa lehan amani kom aringa ei anlang hava han ni sommanli pei hangai ha ei antong pui hanuk Pathian ram rui chongtin ei ril. 4Hatuka hangai bila ei van chela hiva chong hi ei pek: “Jerusalem mathan u no ro tenchu Pa chongtin ei na pek u ranga ka koma chong nei riat u ha, hava ha maruanga ngak u ro. #Lk 24.49 5Asik chu Johon tina baptisma ei pek tenchu nangnin Ratha Anthianga baptisma chang un na ti sot lai no ni.” #Mt 3.11; Mk 1.8; Lk 3.16; Jn 1.33
Isua Vanrama Antuang
(Mk 16.19-20; Lk 24.50-53)
6Hanke hangai han lokona ei rakel u, “Puma hava tik han Israel kuta ram nei makhir rang mo?”
7Hangai rang ha ei ti, “Hun le nikhua dora Pan ama a kuta a ningneina na ei siak keng hava ha nangni nei riat u ranga ni mak. 8Tenchu Ratha Anthiang na chung u na a hong le ranak nei un na ti hatuka nangnin Jerusalema, Judana le Samari rama hanuk phil mongna tenpei ka chong man re un na ti.” #Mt 28.19; Mk 16.15; Lk 24.47-48 9Hiva chong aril suale amani makunga ei mu chung u na chunga a kala hatuka ansum khat ei en u na ta a hong man liana a lak. #Mk 16.19; Lk 24.50-51
10Ama ase zei hangai ha anvan tiang a la tang chian u hava han en ta puan var ansila anni amani matona anding u. 11Hatuka amanin, “O, Galili mi ngai, ichangmo anvantiang a ena nei anding chiana nei om u? Ha Isua ha, na kom u ata vana chunga kal, ama ha vana ei kal nei mu u anga han hong kir ret inti,” ei ti u.
Juda Rathul
(Mt 27.3-10)
12Hanke amani ha Oliv tang anti mual ata Jerusalema a kira ase u, ha mual ha Jerusalem kola Pongansa nikhua kal lam khat bak ani. 13Khuana alut sua u le amani ei om u na han ha achung tadana akal u: Pitor, Johon, Jakob le Andria, Philip le Thoma, Bartholomai le Mathai Alphai a nai Jakob le takasat Simon hanuk Jakob a parual Juda. #Mt 10.2-4; Mk 3.16-19; Lk 6.14-16 14Alom u na nupang ngai hanuk Isua a nu Mari le ama parual ngai malung munkhat anputa borzonga ei lut u.
15Nikhat chu ha lai han mi raza khat somanni ni inti munkhata anchun u hava han Pitor a parual ngai bila andinga ei ti. 16“O, parual ngai, Isuan sura lampui anmu Juda ama ruia Ratha Anthiang David amur le mana ei ril ha, hava Lekha chong ei kip a nang. 17Asik chu ha mi ha koini bila antel, hanuk hiva hasondom theina ei man.”
18Aman dik luina lo le munkhat ei man hatuka asuka anthoi a phila achula avon ei puak sika a a ril dora a suak. #Mt 27.3-8 19Hatuka Jerusalem mi a om doran hava ha ei riat u hasik han ama ni chonga so mun so Akeldama ati u na.Hava ti na chu “Thisen Mun” ani. 20“Hantin han Sam Buna ei anziak: #Sam 69.25; 109.8
‘Na in saikoronga om rase.
Hava han tute a om om no rase,’
‘Hanuk mi teiin a ulian sut mun lua rase,’
ati na.
21“Hasik han Johon Baptispu ata ei phuta Puma Isua koini kom ata chunga ei lon ha nikhua tenpei. Ni itukmo ha aman koini kom asunga ei lut apang ei suak hador pei koini bila na lom a om ba bang. 22Hava ngai angkhat koini bila ama ei anthuiretna ariatpu chang rang hava ha a nang.” #Mt 3.16; Mk 1.9; 16.19; Lk 3.21; 24.51
23Hanke amanin hiva anni hi aman ding u Joseph Barsaba anti na Justa atia hanuk Matthia. 24Hatuka amanin bor azong u na, “O Puma, nangin mi malung dora na riat Juda ama muna ei sena ranga hiva a dorbondom le kuitir nina amaka ase zei! 25Ama muna anlak ranga nangin hi anni ata nei phun tak ha, hava ha na manmu ro.” 26Hanke amanin ha anni rang thum avor u na Matthia raming thuma anlang hava han ama ha somleikhat kuitir bila antel.
Currently Selected:
KUITIR 1: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
