LUKIN 10
10
Isuan Somsari anni Atir
1Hava suale Puman atei somsari anni athanga anni annia a man se a matona khopui tina hanuk ama ei se na rang muntina. 2Amani kom ati, “Sang a at rang atam, a at rang atom a puma kom zong tan la sang a at rang hong tir inti. #Mt 9.37-38 3Se u ro! ngelang bila kel anga kei na tir u ni zei. #Mt 10.16 4Na bila, marsa, kekok choi u no ro, lampuia mi pham u ta ni. #Mt 10.7-14; Mk 6.8-11; Lk 9.3-5 5Ina na lut u rang kip, ‘Hiva ina phukdaina om rase,’ ti bak u ro. 6Phukdaina andit a om ten a chunga phukdaina tung rase, azot nok ten na kom u na kir ret rase. 7Hava ina han ne ro, sa ro, ei na pek u tak sin a tho ngai chu ei lo apek anang. In ateia anthot titir u no ro. #1 Kor 9.14; 1 Tim 5.18 8Khopuia na se le ana lei pham u na ei na pek tak ne u ro, 9hava khopuia ana ngai mandam u ro hava na mipui kom, ‘Na kola Pathian Ram ahong zei ti u ro.’ 10Tenchu khopuia na se na ana lei pham u nok ten lampuia se tan ti u ro, #Kts 13.51 11‘Na khopui u na philvut koini na kena kop nangni rang na khong, tenchu re u ro Pathian Ram na kol u na atung zei!’ 12Kei na ril u ni zei ruiril nikhua Pathianin Sodom ha hava khopui nek ten lungkham la mu inti! #Anp 19.24-28; Mt 11.24; 10.15
Khopui Iamlui
(Mt 11.20-24)
13“Ituk anchi rua mo ei ni rang nang Korazin na rang! Nang Bethsaida ha tichangabui sin ngai ha Tura le Sidona antho nisela chu ansuta bosta rasila moirahol anbual u zei ni, ei masial u ata ansir ti riatna rang! #Isa 23.1-18; Ez 26.1—28.26; Joel 3.4-8; Am 1.9-10; Zek 9.2-4 14Pathianin ruiril nikhua Tura le Sidon lungkham mu bet inti nangni nek ten. 15Hatuka nang Kapernaum! Na theia vanram tenpei andom rang nei anti? Ansinsakna muna anpei na ti!” #Isa 14.13-15
16Isuan a zolai ngai kom ati, “Nangni anan ngai tak koi anan ngai, ana heng tak koi ana heng, hatuka koi ana heng tak chu ana hong anthuanpu aheng.” #Mt 10.40; Mk 9.37; Lk 9.48; Jn 13.20
Somsari anni Eihongkirna
17Ha somsari anni ngai ha raisanna lian tak le ahonga kir u. “Puma,” ati u na, “raluai ngalin na he tel na raminga na rahok le!”
18Isuan a masanga, “Soitan anvan ata machek anga ei chul ka mu, ati. 19Rangai u ro! Thotheina kei na pek u ni zei, marul le ainuvet bila kal na choi uam ni rase iten na manna u no ni. #Sam 91.13 20Ratha asian na he ei tel u sika na raimansan u no ro; tenchu vanrama na raming ei anziak u sika na raimansan u ro.”
Isua Raisan
(Mt 11.25-27; 13.16-17)
21Havalai tak han Isua raisanna na abita Ratha Anthiang le, hatuka “Ka Pa, vanram le phil Puma! Ka na manpak asik chu nangin a thei ngai kom nei thupa a thei nok ngai kom nei man mu. Ani, Ka Pa hintina ei ni rang hi nei zot.
22“Ka Pan aloma ei na pek kiar sua keng ani zei. Naipasal hi tumo tuten re mak Pa nok chu, hatuka tumo Pa hi tuten re mak Naipasal nok chu, hatuka Naipasal in ei athang ama ei anlangna ranga.” #Jn 3.35; 10.15
23Isuan a zolai ngai tiang anhoi a abinga ati, “Ituk chanasa mo na ni u nei mu u ngai nei mu hi! 24Keina ril u ni zei deari ngai reng ngaiin ei mu zot, nei mu u hi tenchu mu thei u mak, nei rangai u anngai rang tenchu thei u mak.”
Samari Mi Sa Ankhina
25Dan minchu khat ahonga Isua mandok rong atina. “Minchupu, imo tho ning umor damna kei manna rang?” atia a rakel. #Mt 22.35-40; Mk 12.28-34 26Isuan amasanga, “Imo Pathian chongin ei ti? Hontinmo nei malet?”
27Ha mi han a masanga, “ ‘Na Puma na Pathian hi na malung dora le na ratha dora le na ranak dora le, nei mandon dora le; madit ro,’ hanuk ‘Na inkol mi nang nei andit anga adit ro.’ “ #Lev 19.18; Dan 6.5
28“Na dik,” ati na Isuan a masanga, “Hintin hin tho ro dam na ti.” #Lev 18.5
29Tenchu Dan minchupu ha atheia anzek rang a zota, hasik han Isua a rakel reta, “Tumo ka u ka nai?”
30Isuan amasanga, “Voikhat chu mi khat Jerusalem ata Jeriko tiang a pana, anru ngai le antonga azem u arazik u na athi vita amak u. 31Hatuka chaizung khat hava lampui tiang kal achoia ase; tenchu hava mi ei mu le arakana ase. 32Hava lampui tiang den han Levi khat ahonga hava mi han a en vuaia akhela ase. 33Tenchu Samari mi khat havan tiang ahonga ha mi ha ei mu le atiang asena a chan lungkham a mu. #2 Kr 28.15 34A kola asena apop ngai sariak le uain a khua pena athuam pe hatuka a sakuarpar chunga abanga khual tungna na aruaia aen azon ranga. 35Hanuk nikhua rupa dangka cheng anni ei om u na a puma a peka, ‘En ro kiavang ro,’ ati pe, hatuka ‘ka honga kir le nei tham dora na pe ka ting,’ ” ati. 36“Hiva anthum bila hovamo a unai na ti?” 37Dan minchupu han a masanga, “Lungkham amu tak ha,” ati. Isuan amasanga, “Se tan hantin den va tho ro.”
Isuan Martha le Mari ava En
38Isua le a zolai ngai kal achoi tir u na kho khat ahonga suak u na Martha atia nupang khatin a ina alei mantung. #Jn 11.1 39Zuarpui adona a raming Mari ama ha Puma ke kola ansuta ei ril ngai arangai. 40Martha ha inrui athona a takasi hasik han Puma kom ahonga, “Inrui dora a tho ranga ei namak hi na tel mak che mo?” ati.
41Puman amasanga, “Martha, Martha! Nang chu inruia le nan pon zata, 42tenchu angkhat dak ke anang Marin hava ha athang, hava ha a kom ata anpei lai no ni.”
Currently Selected:
LUKIN 10: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
