LUKIN 11

Isuan Borzongna Manchu

(Mt 6.9-13; 7.7-11)

1Nikhat chu Isua munkhata bor azong, ansuale a zolai khatin ati, “Puma bor azong na manchu ro Johonin a zolai ngai ei manchu anga.”

2Isuan, “Bor na zong u le hintin hin ti u ro:

‘Ka pa: Na raming anthiang lalchi om rase,

na ram hong tung rase.

3Nikhuantina rang neksak na pe ro.

4Nei masial ngai na madual ro koini

chunga asia tho ngai nei madual anga.

Ansinna antaka na masul no ro.’ ”

5Hatuka Isuan a zolai ngai kom ati, “Zanchima na mal a ina asena hintin hin na vatin, ‘Ka mal, vaipol anthum apuk na pe ro. 6Ka lom khat ahong atung ite ansak rang don makung!’ 7Na malin asung ata ana masanga, ‘Na hong pol no ro! Suak khar ha ankhar zei, naite ngai le zamuna na zal zei. Anthuia ite na hong pe thei no ning.’ 8Hanle, hontinmo ni zei? Keina ril u ni zei a mal nei ni sika nimaka tenchu nei zong re ret sika nei anzak nok sika ei don dora na pe inti. 9“Hasik han kei na ti ni u zei, zong u ro man u na ti, arok u ro mu u na ti, atok u ro suakkhar malong inti. 10Asik chu azong ngai chu man inti anrok ngaiin mu unti antok ngai rang anlong inti. 11Pa ngai naiin nga a zong le marul pe un mo? 12Arati a zong le ainuvet pe un mo? 13Asia naninam asa pek chu sanai rang na riata. Itukmo Pa vana min azong ngai kom Ratha Anthiang ei pek rang!”

Isua le Beelzebul

(Mt 12.22-30; Mk 3.20-27)

14Isuan chongkului raluai a rasuana; hava raluai asuak suale, hava mi ha achonga mipui aboi adong, 15tenchu mi senkhatin atina, “Beelzebul raluai ulian ke ranak apek anzul ranga.” #Mt 9.34; 10.25

16Senkhatin Isua akhitna en u na, boidong sin tho sa ro Pathianin ei ti ke ti nei riatna rang ati u na. #Mt 12.38; 16.1; Mk 8.11 17Tenchu Isuan amandon u ariata atipe, “Ram, ansena, ansual chu aliak sot ngai mak, insungkua ansen chu achul. 18Hantitin han Soitanin pol adona ansual u ten hontinmo ei diar rang? Beelzebulin ranak ei na peka raluai kei not nei na ti u. 19Hintin hin kei razul aniten, hontinmo na ruaisi ngai le ei razul u? Na zolai ngaiin nei dik nok a manlang! 20Nimaka, Pathian ranak le ke raluai kei razul, hava han Pathian Ram ahong atung zei ti a manlang.

21“Aratpa khatin a ral raling dora le a in arung ten ei don ngai mazok thei inti. 22Tenchu ama neka aratin anthopuia aman doka, a ral raliang dora a choia ei anngamna ngai ha hatuka ei maruk ngai doram athek pe zit inti.

23“Ka tianga a om nok tak chu koi anadui; na bum pui lui chu anthek. #Mk 9.40

Ratha Asia Akir

(Mt 12.43-45)

24“Mi kom ata ratha asia asuak le achei tira ram achara pongansana a en. Aman nok ten atheia anti, ‘Ka ina kir ret ka ting.’ 25A kir reta in ha akorong anthiang vang ava mu. 26Hatuka asena atei sari avalak ama neka asiat hatuka hava han a om u na hava mi ha machina neka asiat.”

Raisanna Dik

27Isuan hava ngai ati suale, nupang khat mipui bil ata achonga ati, “Ituk raisan mo ei ni nupang nang a nan zira ana en chu!”

28Tenchu Isuan, “Pathian chong ariata atel ngai chu itukmo a rai ei san u!”

Boidong Sin Azong U

(Mt 12.38-42)

29Mipui Isua kola ahong anchuntira, achong tita, “Atun taka mi ei siat hi! Boidong sin amu ranga azong u na tenchu tuten mu no ni, Jona omlaia rong nok chu ite atei ni no ni. #Mt 16.4; Mk 8.12 30Havan tin anga han deari Jona ha Ninevi ngai ranga andangna, Isuam ni rase atun taka mi ngai ranga andangna ni inti. #Jon 3.4 31Ruiril nikhua Sheba na rengnu andinga atun taka mi ngai rakel inti asik chu a ram len ata Solomon a kom hianna chong anngai ranga asena, kei na ril u ni zei hivan hin a om Solomon neka alian. #1 Rng 10.1-10; 2 Kr 9.1-12 32Ruiril nikhua chu Ninevi mi ngai andinga na la rakel unti, asik chu amani chu Jona chong ariata ansir u; kei na ti u ani zei hiva hin Jona neka alian a om! #Jon 3.5

Taksa Ra-ang

(Mt 5.15; 6.22-23)

33“Min lem bela thup ngai maka, anhipna le mahip ngai maka, ei chuangna na a manchuanga ahonga lut doran ra-ang ei mu thei na ranga. #Mt 5.15; Mk 4.21; Lk 8.16 34Na mit ngai hi na taksa ranga lem, na mit asa lai chu na taksa dora ra-ang abit; na mit asiat tik chu, na taksa dora a zinga om inti. 35Anriat sadim ro na koma ra-ang ha azing nini. 36Na taksa dora ra-ang abit ten, zing ngal riak lui, aloma el inti lemin ei elna le ei na el anga ni inti.”

Isuan Pharisi le Dan Anchu ngai Ango

(Mt 23.1-36; Mk 12.38-40)

37Isua a chong ril ansua le, Pharisi khatin abila bu nek ranga akui, hatuka asena avan sut. 38Pharisi ha aboi adong Isua kut suk luia bunek rang ati na. 39Hasik han Puman ati na, “Nangin Pharisi ngai na khuri le kheng apang chu anthiang, tenchu na sung u ansualna le asiat abit. 40Amo ngai! Asung asinpu han apang um sin mak mo? 41Tenchu na khuri le khenga ha anriang ngai pe ro hatuka aloma anthiang kiar inti.

42“Nangni Pharisi ngai na ravan aduai u, ansa, kumhoi, chimu dora soma angkhat na pek u, tenchu Pathian dikna le a lungkham tel u mak che na. Tenchu hava ngai hake nei anchu rang atei ngai poisak lui ni luia. #Lev 27.30

43“Pharisi ngai na ravan aduai u! Sinagogue a ansutna min ei hoi a min ei na lei pham u bazara hava ha nei zot u. 44Na ravan aduai u! Nangni hi than, andang lui min kal ei choina na ni u.”

45Dan minchu khatin atina, “Minchupu, havan tin na ti ten koini siat um nei ril keng!”

46Isuan a masanga, “Nangni dan anziak ngai na ravan aduai u, mi ruanga puak na manpel u na apel ngal salui tenchu na maria khat ngal le anpel rang ti mak che na. 47Na ravan aduai u! Nangni deari ngai ranga than ahui nei sin u ha, deari na chipui ngaiin ei that u. 48Na chipui ngaiin ei tho u ha nei riat pui, nei pom pui u; amanin deari ei that nangnin thankhur nei sin u. 49Hasik han Pathian hianna ninum, ‘Deari tir ka tinga asen that unti, asen pangsep unti.’ 50Hasik han atun taka mi ngai ei antak u rang deari ngai ramual ansin len ata ei anthat sika thisen phuba la ka ti ati. 51Abel anthat len ata Zakaria anthat tenpei, mun anthiang le maicham kong kara anthat. Ani, kei na ril u ani zei, atun taka mi ngai hi amani ngai dora sika antak ei tiar u rang! #Anp 4.8; 2 Kr 24.20-21

52“Itukmo na ravan ei duai u Dan anchu ngai! Asik chu hianna anlongna ranga chabi ha na rot pui u na.Nangni lenum lut u mak che na hanuk chu alut rang anuam ngai um na khar u na! ati”

53Isuan hava mun ei mak le Pharisi le Dan minchu ngaiin achalaka asiat aril u na, hanuk ankel rua tampa a rakel u, 54akhit zama an okna a en u na ei ril masial ving mo a om ati na.

Currently Selected:

LUKIN 11: RANGBSI

Highlight

Copy