LUKIN 24

Anthuiretna

(Mt 28.1-10; Mk 16.1-8; Jn 20.1-10)

1Arkhuana, Pathianni nikhua nupang ngai thana ase u, marim ahui ei sin u ha achoia. 2Than lung amakot taka ha ankhaia ava mu u. 3Hasik han asunga ava lut u na Puma Isua ruak va mu u mak. 4Anponkhapa havan anding u zei, anlaiseka mi anni puan a el ansila akola u na ahong anding u. 5Anchi sabaka anbok laka phila amok u nupang ngai han, hatuka mi ngai han, “Ichangamo athi bila adam nei en u? 6Hivan omlai mak, anthui zei. Galilia a om lai na kom u na imo ei ti mandon u ta: #Mt 16.21; 17.22-23; 20.18-19; Mk 8.31; 9.31; 10.33-34; Lk 9.22; 18.31-33 7‘Miring Sapa mi salui ngai kuta anpen tia, Kros a tar unti, ninthum suale dama anthuiret inti,’ ”

8Hatuka ha nupang ngaiin achong ngai ariat u na, 9than ata akir u na a zolai somlei khat ngai kom ava ril u na hatuka atei ngai kom um aril u. 10Ha nupang ngai ha Mari Magdalini, Joanna le Mari Jakob a nu ha; amani le nupang atei ngaiin zolai ngai kom hava ngai rui aril u. 11Tenchu zolai ngai han ha nupang ngai ei ti a omzia om mak ati u na iam u mak. 12Tenchu Pitor anthuia than tiang a tan; anbuna a ena puan anthep amu atei ite mu mak. In tiang a kir reta imo ei nin zei achangadong chunga ase.

Emmau Khua Pana Se

(Mk 16.12-13)

13Hava nikhua len han Isua azi ngai Emmau khua na ase u Jerusalem ata kilomitar somleikhat ni inti. 14Rui atung dora ha aril tira achong u na. 15Achong u na aril u lai tak, Isua avan chela abil u na kal achoi, 16amu u tenchu mandang thei u mak 17Isuan amani kom ati, “I rui mo nei ril u na kal choi u na na?” 18Abil u na angkhatin a raming Kleopa han arakel, “Nang hi khual mo na ni Jerusalema, atuntaka rui asuak re mak che mo?” ati na.

19“I ang rui mo?” atia arakel:

“Nazareta Isua tak chunga rui asuak.” atina amasanga. “Hava nai ha deari khat Pathianin le mipui doran ei pom ei tho dora le ei ril tak chunga. 20Chaizung ulian ngai le ruaitu ngaiin athi ranga apek u na hatuka Kros a apek u. 21Nei iam chu ama ha Israel anzok ranga ha ni inti! Hanuk ret chu hava nikhua ata avian hi ninthum changna ani zei. 22Koini na bila nupang ngaiin a na manlai u ansal le thana ase u na. 23Aruak va mu u maka ahonga kir ret u na vanpalai na mu, vanpalaiin adam ret zei ati na ana ril ati u. 24Koini bila senkhat ase u na thana nupang ngaiin ei ti u ang taka ava mu u, tenchu ama chu va mu u mak.”

25Hatuka Isuan ati pe, “Itukmo nei mo u, dearin ei ti anga a iam ranga itukmo nei an nu u! 26Messian hava ngai ei tiar zita nimak mo ama ei lianna na ei lut rang?” 27Hatuka Isuan a manthei kiar Pathian chonga ama rui anziak Mosin ei maziak len ata aphuta deari ngaiin ei maziak dora ten.

28Ei se u na rang khua asuak vit u le, Isua ala se sa rang anga a om; 29tenchu a mathem u na, “Koini bila om ro, ani bui rang ani zei azing rang ani zei,” ati u na. Hasik han abil u na ava om. 30Ansuta abil u na anek ranga, vaipol alaka raisanna aril, hatuka akhiaka a manlon. 31Hatuka amit u anlonga, a mandang thei u zei, tenchu anpei diai. 32Amani le amani anti u na, “Lampuia ana chong puia moi ana kang phua mak mo ha Pathian chong ei na ril han?”

33Anrapa anthui u na Jerusalem tiang ase u hava han a zolai somleikhat bila mi atei um anchun u. 34“Puma hi anthui hi le! Simon a kom um anlang!” ati u.

35Ha anni ngai han aril u lampuia imo ei ang, hatuka vaipol akhiak lai hontinmo Puma ei mandang thei u.

Isua Azolai ngai Kom Anlang

(Mt 28.16-20; Mk 16.14-18; Jn 20.19-23; Kts 1.6-8)

36Ha anni ngaiin aril laitak anlaiseka Puma apum avan ding abil u na, hatuka amani rang, “Phukdaina nangni kom om rase,” ati.

37Anlai u na raluai kukui mo nei mu ati u. 38Tenchu, “Ichangmo nei anlai u? Ichangmo iam nokna na malung u na ei chui? 39Ka kut ngai en uta, ka ke en uta, en uta ka ni tatak mo na ton u tan la, na re u na ti, asik chu raluaiin taksa le ru don mak koi nei na mu u anga,” ati pe.

40Hava ei ti le a ke, a kut a manmu. 41La iam bang thei u maka araiasan rei u na a malung achei u na; a rakela, “Asak rua mo om?” 42Nga ansuang sua apek u, 43a laka amaton u na a sak.

44“Hiva ngai rui hi na bil u na ka om lai kei ril; ka rui anziak dora Mosi Dana anziak dearin ei maziak ngai Sam bua anziak dora ei kip rang anang.”

45Hatuka amalung u a malong pe Pathian chong ei riat u thei narang, 46hatuka amani kom ati, “Hiva hi anziak; Messia chu antak tiar intia athi ata ninthum suale anthui inti. 47Hatuka ama raminga ansirna rui le asia andualna rui anril inti, namtin kara, Jerusalem ata anphut inti. 48Nangni hi hiva ngai amu na ni u. 49Hatuka koi ka pumin ka Pa chongtin ha hong tir ka ti nangni na kom. Tenchu khopuia lei maruang u ro, chunga ranak ahong maseng nangni kom.” #Kts 1.4

Vanrama Isua Akal

(Mk 16.19-20; Kts 1.9-11)

50Hatuka khopuia, Bethani khua suak raka aruaia, hava han akut alanga bor apek. #Kts 1.9-11 51Bor apek susung han akom u ata ankhaia vanram tiang ase. 52Amok u na Jerusalema akir ret u raisanna bita. 53A hun u dora amanga Pathian kom raisanna ril chunga Biakina a om u.

Currently Selected:

LUKIN 24: RANGBSI

Highlight

Copy