MARKIN 9

1Hatuka aman amani ha ei rila, “Kei na ti ani u zei, hiva anding ngai bila senkhat chu a om thina reng tem u no ni Pathian Ram apui sabaka a hong amu u nok maseng.” atia.

Mel Anthulna

(Mt 17.1-13; Lk 9.28-36)

2Ni ruk suale Isuan Pitor, Jakob le Johon rong abila maruka mual ansang khata a ruaia ase. Hatuka ama ha amani makunga a mel atei a. #2 Pit 1.17-18 3Hatuka a puan a ngui achalaka anthianga phil chunga tuten hador manthiang thei no ni. 4Hanke Eliza le Mosin hiva ngaiin anmupui a amani ha Isua le a chong u. 5Hava han Pitorin Isua ha ei ti, “Minchupu hiva hin koini nei om hi asa chubuk anthum sin inti, nang na rang angkhat Mosi rang angkhat hanuk Eliza rang angkhat.” 6Achi sabak u na imo ei ril rang remak.

7Hava suale ansum rapom a honga a mani ha a manlia na. Hatuka ha ansuma han hintin chong ei om, “Ama ha ka Naipasal madit ama he rangai u ro,” tina. #Mt 3.17; Mk 1.11; Lk 3.22 8Hatuka anlaiseka asir apang a en u na tute mu u lai mak Isua rong a bil u na a amu u. 9Mual ata a chum u le aman hangai ha adet mata chong a peka, “Nei mu u ngai dora ha tute ril u no ro. Miring Sapa athi ngai bil ata anthui sir maseng chu.”

10Hava han, “A thi ngai bil ata anthui hi imo?” tina hangai han hava ruia amani le amani ankel ansiat u na hava chong amani rang an ril u. 11Hatuka amanin ama ha a rakel u, “Lekhanziakpu ngaiin chu Eliza hong mansa inti ei ti u.” #Mal 4.5; Mt 11.14

12Aman hangai ha ei ti, “Eliza hong mansana rui tin zeka sin inti ani chu ei ni, hatuka Miring Sapa ruia hantina ei anziaka ei om ha ama chu antak tong sabak inti anpengsom inti. 13Tenchu keina ti u ni zei Eliza ruia anziak anga hava anga han a hong sua zei hatuka min ama rang ei zo zota ei lot u ani zei.”

Rathasian ei Sur Amandam

(Mt 17.14-21; Lk 9.37-43)

14Hatuka a zolai ngai kom a honga ei hong mu a sir apang u na mitampa hatuka Lekhanziakpu ngaiin amani ankhalpui u na. 15Ama ei mu u le mi dora achalaka anlai u. Hatuka ama kom a tan u na ava pham u. 16Aman hangai ha a rakela, “Amani le hongzat ruia mo nei ankhal u?” ati na.

17Hava han mi ngai bila angkhatin a masanga, “O Minchupu, ka naipasal khat na kom kei hong ruai ama ha chonglui rathan ei man. 18Hava ha asur tik pei ei anba len hatuka a mura acher huan ei suaka a ha ei ariala ei ankhir chachak, na zolai ngai ha na manbang pe u ro kei ti tenchu tho thei u mak.”

19Aman a masanga hangai ha ei ti, “O iam lui khuk ngai ituk ten ngal mo na kom u na kei om rang? Itukmo phuk kei mansot rang hava nai ha ka kom hong koi u ta.” 20Hava nai ha ama kom a hong tuang u ama amu le ha ratha han achalaka ama hera phila anzuana acher huan a suaka a pu titira a om. 21Hatuka aman a pa ha a rakela, “Hiva hi itukmo ei sot ani zei hintin ei om?” ati. 22Aman ei ti, “Pasal sanaite ani lai ata ha ratha han a that ranga voi itukmo moi, voi itukmo tina ei masul ani zei, na thei ten lungkham na mu tan na san ro,” ati.

23Isuan ama ha ei ti pe, “Na thei ten mo a iam takin ama ranga aloma a bei.”

24Hanke ha pasal sanai a pa ankheka a mitrathi suak chunga ei ti, “Ka iam zei kei iam nokna na khai pe ro,” ati.

25Hava suale mi ngai a honga tana amu na Isuan ha ratha sia ha aman laia ei ti pe, “O chongkului le aset ratha, kei na ti ni zei hivan ata suak ro hava pang lut lai no ro,” ati na.

26Hava han ama ankheka ha nai ha a mahera a suaka ase hava han pasal sanai ha a thi anga a oma mi tamin chu, “A thi zei,” ati. 27Tenchu Isuan a kut a sura a mathui le anthui.

28Hava sua ina a hong le a zolai ngaiin maruka a rakel u na, “Koini le ichangmo hava ha nei rasua thei nok?” ati u.

29Aman ei ti, “Borzong le bungoi rong nok anten hiva ang hi chu suak pial ngai mak.”

Isuan Eithi rang Aril

(Mt 17.22-23; Lk 9.43-45)

30Hava mun ata asuak u na Galili malai tiang ase u ama ei zot nok chu min ei riat rang. 31Asik chu ama a zolai ngai ha ei manchuna ei ril, “Miring Sapa miring ngai kuta anpe inti anthat suale ama ha nin thum suale anthui inti,” ati.

32Tenchu amanin ha chong ha re u mak ankel rang um ei achi u.

Tumo Aliankhit

(Mt 18.1-5; Lk 9.46-48)

33Hava suale amani ha Kapernauma ahong u hatuka ina atung u le aman hangai ha a rakela, “Lampuia i rui mo nei ankhal u ha?” ati.

34A daireka a om u na asik chu tumo ulian atia lampui a ei ankhal u. #Lk 22.24 35Hava han ansuta somleianni ngai ha ei paia ei ril, “Mankhita ni rong ati chu nukkhita om inti, hatuka mi dorbo adom inti.” #Mt 20.26-27; 23.11; Mk 10.43-44; Lk 22.26 36Hava suale aman naipangte khat amani alai taka a manding ama ha apoma hangai kom aril, 37“Koi ka raminga hiva anga naipang khat pei apom ten, koi ke ei na pom, hatuka koi ana pom tak chu koi nimak tenchu koi ana tirpu ha ke ei pom.” #Mt 10.40; Lk 10.16; Jn 13.20

Anadui nok chu Natianga

(Lk 9.49-50)

38Johonin ama rang ei ti, “O Minchupu, koinin na raming le mi khat kachai ei rahok na mu hatuka ama ha nei khar asik chu ama ha koini na zi mak.” 39Tenchu Isuan ei ti, “Ha nai ha khar u no ro, asik chu tute om mak ka raming le sin alian ei thona anrappana ananmumak thei.” 40Asik chu mi koini anadui nok chu koini tianga keng. #Mt 12.30; Lk 11.23 41Ataka min nangni hi Krista mi atina ti khuri khat ngal ana man nek u ten ataka kei na ti u ni zei ama ha a phamman ata ankhai no ni.” #Mt 10.42

Asiantho ranga Anthemna

(Mt 18.6-9; Lk 17.1-2)

42“Hatuka mi a na iam tete ngai bila, mi sok ancha tak chu aringa lung alian a thunga tipuiliana ansul ama ranga asa. 43Hatuka na kutin ana lua ten hava ha tana pei ro. #Mt 5.30 44Kut anni le anphenengna ha thilui moia ase nek ten kip luia damna na lut nang na ranga asa. 45Hatuka na ken ana lua ten tana pei ro ke anni le anphenengna muna achul nek ten akhor damna na lut na ranga asa. 46Hatuka na mitin ana lua ten hava ha kela pei ro. 47Mit anni le Gehenna muna achul nek ten mit khata Pathian Rama a lut na ranga asa, #Mt 5.29 48‘anphenengna na chu moi thi ngai mak.’ #Isa 66.24

49“Mitin ha moi le manthiang inti dali andar chunga machi le ei manthiang anga. 50“Machi asa, ten machi ei al anpei ten nangnin ile mo nei man ti u rang. Nangnin naning chip u na na malung machi siak u ro anngoi u ro.” #Mt 5.13; Lk 14.34-35

Currently Selected:

MARKIN 9: RANGBSI

Highlight

Copy