MARKIN 10

Isuan Ansenna rui Manchu

(Mt 19.1-12; Lk 16.18)

1Hava mun ata anthuia ama ha Judai ram biala Jordon a varal a honga hava han ama kom a thara mi anchun reta hatuka ama abalam anga han hangai ha a manchuna. 2Hava han Pharisi ngai ha a kom a hong u na ama ha ansinna anga a rakel u na, “Nungak amak hi adik mo?” ati na.

3Aman a masanga hangai rang ha ei ti, “Mosin imo chong ei na pek u?”

4Amanin ei ti u, “Ansenna lekha anziaka a nungak a mak na Mosin chong ei pek.” ati u. #Dan 24.1-4; Mt 5.31

5Isuan hangai rang ha ei ti, “Na malung u ei anchang sika aman hiva riti hi ei maziak. 6Tenchu ansin aphut ata Pathianin, ‘Pasal le nupang ei sin ani zei.’’ #Anp 1.27; 5.2 7‘Hasik han min a nu le a pa maka a nungaka an pen ti.’ #Anp 2.24 8‘Hatuka hava anni ha pumkhat nin ti, hangai ha anni nilai maka ten pumkhat keng ani zei.’ 9Hasik han Pathianin ei malop tak chu min sen no rase.”

10Hatuka a zolai ngaiin ina hava rui ha a rakel ret u. 11Aman ei ti pe, “Min a nungak a maka atei ava lak tak chu ama ha uiare ani zei. #Mt 5.32; 1 Kor 7.10-11 12Hatuka a nungak han a ruathar a maka atei ava lak ten amam uiare ani zei.”

Isuan Naipangngai Bor Apek

(Mt 19.13-15; Lk 18.15-17)

13Hava suale mi ngaiin naipang hozetmo ama kom a hong tuang u na aman ton rase ati na hava han a zolai ngaiin hava ngai ha a leia ngo u na. 14Tenchu Isuan hava ha amu na zot lai maka hangai rang ha ei ti, “Naipang ngai ha ka kom hong man hong u ro, hela u no ro asik chu Pathian ram chu hiva ang mi ngai ta keng. 15Ataka kei na ti u ni zei Pathian ram hi chu naipang pham anga a pham nok ten hava han lut pial thei no ni.” #Mt 18.3 16Hava suale aman hangai ha apoma a chung u na a kut adapa bor a pek.

Aneipa Khat

(Mt 19.16-30; Lk 18.18-30)

17Hatuka a suaka lampuia ase hava lai tak han mi khat a hong atana a makunga a ke bila a rakela, “Minchupu asa, ringanlonna kei changna rang imo kei tho rang?” ati na.

18Isuan ama ha ati pe, “Koi hi ichangmo asa nei na ti angkhat dak baka chu asa atei om mak ama ha Pathian. 19Nangin chongpek ngai na riat mi that no ro, anru no ro, milak tho no ro, na nu na pa lalchi tho ro, ui re no ro,” ati na. #Ant 20.12-16; Dan 5.16-20

20Ha mi han ama rang ati, “Minchupu naipangte ka ni lai ata hava ngai dora ha kei hong mang ani zei,” ati na.

21Isuan ama tiang a ena, “A dik zei hatuka ei ti rui khata nei machai ala om se tan la na nei ngai dora va zuar ro hatuka anriang ngai va pe ro hava han vana nei manin na ti. Hatuka hong ro ka nuk hong zi ro,” ati pe. 22Hava chonga han anngui a a malung ana na ase asik chu achalaka nei adon.

23Hanke Isuan a sir apang anhoia a zolai ngai ha ei ti pe, “Nei a don ngai ranga han Pathian rama lut hi itukmo ei antak pe!”

24Ama chong han a zolai ngai anlai u na ten Isuan hangai ha aril reta, “Kalong ngai, neia anngam ngai Pathian rama a lut amani rang antak sabak. 25Pathian rama anei ngai a lut nek ten simphuai kua na sakuarpar a lut a bei.”

26Hava han hangai ha achalaka achang aman dong u na ei ti u, “Hanle tumo sandam ani thei rang?”

27Isuan hangai tiang han anhoi a ei ti, “Hiva hi miring phasam tenchu Pathian phasam nimak asik chu Pathianin a tho kiar thei.”

28Hava han Pitorin ama ha ei ti, “Enta, koinin aloma a maka nang na nuk nei hong zi ni zei.”

29Isuan ei ti, “Nangni hi kei na ti tatak ani u zei tute om mak koi ka sika le thangahui sika a in, a parual, a sarzuar, a nu, a pa, a nai a rati, a phai a maka atun hi huna mun raza man lui rang. 30Aman a in, a phai, a sarzuar, a nu, a nai, anrahokna le hiva ngai dora man inti hatuka ahong rang huna ringanlonna man inti. 31Ten manansa ngai mi tam tak nuk lan tan ti hatuka nuka ngai amani ha man lan san ti.” #Mt 20.16; Lk 13.30

Isuan Eithi rang Voi Anthum Ei Rilna

(Mt 20.17-19; Lk 18.31-34)

32Voi khat chu Jerusalem ase u na hangai neka man ansa tira hangai han tichangabuia ei riat u, hatuka a nuka ase ngai han ei achi u hava suale athara ha somleianni le ama tak chunga imo ei tong rang hava ha hangai kom ei ril. 33Aman ei ti, “Enro, koini hi Jerusalema na se hatuka Miring Sapa chaizung le Lekhanziakpu ngai kuta anpen ti. Hatuka amanin ama thatna rang om tho unti hatuka Jentail ngai kuta pe unti. 34Hatuka hangai han ama ha elsel unti, a mai machil unti, zem unti hatuka that unti hava suale nin thum suale anthui ret inti.”

Jakob le Johonin Mathemna

(Mt 20.20-28)

35Hava suale Zebedai a naipasal anni Jakob le Johon ha a kom a hong u na ati u, “Minchupu koini nei zot hi, hiva hi nang na koma nei zong tak hi nangin hava ha na tho ro,” atia.

36Aman hangai rang ha ei ti, “Imo nei zot u nangni ranga imo kei tho rang?”

37Amanin, “Koini hi hiva bor na pe ro nang anlianna na chang tik angkhat na changtiang hanuk angkhat na voitiang nei ansut theina rang.” ati u.

38Isuan hangai rang ha, “Nangnin imo nei zong u hava ha re u mak che ka kheng buangna taka buang thei un mo? Hatuka koi baptisma kei changna taka nangnim baptisma chang thei un mo?” ati pe. #Lk 12.50

39Amanin ei ti u, “Na thei,” Isuan hangai ha ei ti pe, “Ka kheng buangna taka buang thei un na ti hatuka ka baptisma lakna baptisma la thei un na ti. 40Tenchu amun u rang ansin ngai rang rong nok chu tute ka chang tiang ka voi tiang ansut ranga koiin thei making.” ati pe.

41Hiva chong hi a riat u na atei som ngai ha Jakob le Johon a chunga a malung dik sabak u lai mak. 42Tenchu Isuan hangai ha akom a paia ei ti, “Nangnin na riat u Jentail ngai bila ulian a changpu ha aman lian sabak u na hava ngai han amani chunga anlala ei om hatuka amani laia alian ngai han hangai chunga ei anlal sabaka ei om. #Lk 22.25-26 43Nangni laia chu hantin han nimak tenchu nangni bila ulian a chang zot tak chu ama ha nangni dorbo adom inti. #Mt 23.11; Mk 9.35; Lk 22.26 44Hatuka nangni bila ulian achang zot tak chu ama ha mi ngai suak chang inti. 45Asik chu ataka Miring Sapam min adorbo ei adom ranga a hong nimak, tenchu mi dorbo andom ranga le mi tampa rathula a nuk zokna rang man anga a pek rang a hong keng.”

Isuan Acho Bartimai Mandam

(Mt 20.29-34; Lk 18.35-43)

46Hatuka Jeriko na a hong u na ama a zolai ngai le mi tampa le Jeriko ata a suak u na ase u na hava han Timai a naipasal Bartimai a tia mi angkhat acho kutado lampui kola ansuta a om. 47Aman hiva hi Nazaret Isua tia ei riat le ankheka, “O Isua David Naipasal, koi hi lungkham na mu ro,” ati.

48Hava han mi ngaiin, dairek ro, dairek ro, ati u na ama ha ei a ngo u.Tenchu haneka ankheka, “Koi hi lungkham na mu ro,” ati.

49Hanke Isua andinga ei ti, “Ha nai ha pai u ro,” hanke mi ngaiin ha acho ha a pai u na, “Anngam ro, anthui ro, aman ana pai,” ati u.

50Hanke a puan a maka antoma anthuia Isua kom ase.

51Isuan ama ha, “Nang imo nei zong, imo kei na tho pe rang?” ati pe. Acho han ei ti, “Rabbi kei mu theina rang,” ati. 52Isuan, “Se ta ro, nei iamna han ana mandam zei,” ati pe. Havalen han amu thei a, hatuka lampuia ama nu nuka ei se.

Currently Selected:

MARKIN 10: RANGBSI

Highlight

Copy