ROM 6
6
Iamna Mara Dika Aleng
1Hanle imo ti mani? Lungkham ei tamna rang hava rang han asia mo nei om rang? 2Hava chu khai ro! Koini hi asia sika nei thi ni zei hontinmo asiana nei om ret rang mo? 3Hanle nangnin re u mak che mo? Koinin Krista Isua sika baptisma alak dora chu na loma ama thina sika baptisma nei chang ni mak mo? 4Hantin han ama thina sika baptisma lehan ama bila thanam nei anphum Krista han, Pa liana le athi ngai bil ata ei anthuiret hantin han koinin damna thara nei leng. #Kol 2.12
5Asik chu koinin ama thina bila munkhat nei ni ani taka niten ei anthuiretna bilam ni inti. 6Koinin hiva hi nei riat, na mi marua ama bila krosa antar zei asia taksa ranak abui ei ni na rang. Koinin asia suaka nei om lai nok na rang. 7Asik chu athi sua chu ama ha asia ata adika antel ani zei. 8Hatuka koinin Krista bila nei thi anitak anten hava han na iam ama bila dam nam man inti. 9Asik chu na riat athi ngai bil ata ei anthui atia Krista thi thak lai mak ama chunga thinan chong nei thei lai mak. 10Hava ama ei thi ha hava lehan asia sika voikhat ei thi hanuk ama ei dam ha hava lehan aman Pathian sika ei dama ei om. 11Hava anga nangnim asia sika naninga asia sika nei thi u ni tenchu Krista Isua na Pathian sika a dama antel u ro.
12Hantin han asian nangni na phil taksa u na reng chang no rase, achang ten nangnin ama ei zot ngai tela om un na ti. 13Hatuka na taksa u ngai dik luina na asia kom pe u no ro, tenchu naning u na a thi ata adam anriata Pathian kom anpe u ro, hatuka naning u na na taksa u ngai dikna na Pathian kom pe u ro. 14Asik chu asian na chung u na ruiril u no ni; Dan thuaia a om nei ni u nok sika tenchu lungkham thuaia a ke nei ni u.
Dikna Suak
15Hanle imo anlang dan thuaia ni mak me, lungkham thuaia ke na ni hasik han asia mo nei tho rang? Hava chu khai ro! 16Re u mak che mo ha, chong atela akoma suak anga nei anpek u. A chong nei tel pe tak ha asuak nei ni u. Hano thina asia suak ani nok ten dikna ranga hetel suak ke. 17Tenchu Pathian ha anpak rase nangni hi asia suak ha chu nei ni u. Atun anchuna a lak rua anpek malung tak le, ha om lak rua nei lei tel u. 18Hanuk asia ata nei zok u na dikna suak nei ni u. 19Nangni na taksa u ranak ei bui sika miring anga kei ril ani zei, asik chu nangnin machin dik lui ranga na taksa u ngai annima le dik lui kom suak anga nei anpek u, hava anga atun anthiang ranga na pum u ngai dikna koma suak anga anpe u ro.
20Asik chu asia suak na ni u lai han, hava han dikna sika han chu azok nei ni u. 21Hanle atun hava ngai dorana nan zak u ten hava lai han, hava ngai dora ha nangni imo nei ni u rang? Hava ngai dora mara chu thina ke do. 22Tenchu atun asia ata azok nei ni u na hatuka Pathian suak nei ni u na anthiang ranga mara nei man u, hatuka hava amara chu ringanlona ke. 23Asik chu asia ei lo chu thina, tenchu Pathian lungkham pek koini na Puma Isua Krista na ringanlonna.
Currently Selected:
ROM 6: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
