ROM 5
5
Pathian le Dik Neianlo
1Hasik han iamna sika, dikna na nei antel sika koini na Puma Isua Krista na Pathian le anzomna nei man. 2Hanuk ama sik den han koinin iama hi lungkhama nei lut nei andingna hin Pathian lianna sabeia nei dorsai. 3Ha rong ni mak tenchu antakna tin um nei dorsai. Asik chu koinin na riat, 4antak hi diarna, diarna hi, riat anthiangna, riat anthiangna hin sabeina a manpiang. 5Hanuk sabeina han maimok na sak mak; koinia anpek Ratha Anthiang le Pathian anditna koini malunga asip ke ani zei.
6Asik chu koini hi ranak abuia na om lai han, hava han Krista ha ahun taka anmok abui ngai ranga ei thi. 7Ataktaka chu mi dik ngai ranga tuten a nuk phal no ni atianga mi ranga hohonmo chu ngam khakhaka anuk apekam pe inti. 8Tenchu Pathianin koini ranga ei na ditna ei man lang, asik chu asia na ni lai han havan um Krista koini ranga a nuk ei pek. 9Hasik han atun a thisen le dika ana tel zeiten hava han koini hi itukmo hava neka hava lehan Pathian taksit ata zokna nei man rang. 10Asik chu mumak na ni laiam hava han Pathian le, a Naipasal ei thi lehan nei anlopa itukmo haneka ama ei dam nana zokna nei man rang. 11Ha rong nimak tenchu koini na Puma Isua Krista le Pathian um nei dorsai hava lehan atun ha anlopna nei man.
Adam le Isua
12Hantin han mi khat ata asia, asia ata thina ramuala ei lut hatuka hava ang thina mi dora chunga ei hong tung asik chu mi doran asia ei tho. #Anp 3.6 13Asik chu Dan a om man ata ramuala asia ei om tenchu Dan a om nok ten asiana antel mak. 14Hanum Adamin he ei khel anga asia tho lui Adam ata Mosi tenpei achung u na thina han reng ei kai ke.
Hatuka Adam ha ankhina alei ni ranga. 15Tenchu a lungkham pek ha ei masialna le anrual ni mak, asik chu ha angkhat masiala atampa athiten Pathian lungkhamna le hanuk mi khat Isua Krista a lungkhamna manpek mi tampa ranga haneka atam ei chula ei liam nget rang. 16Hatuka mi khatin ei masiala mara ei nei hava pek ha hantin nimak asik chu ruirilna “Achai” ha mi khat ata, tenchu lungkham pek chu masial atampa ata “Dikna” na atel tenpei. 17Asik chu ha angkhat masiala han angkhat sika thinan rui ei ril hava lai han hanuk mi angkhat le Isua Krista lehan lungkham le adikna anpek aman ngai ha amanin itukmo atam damnan ruiril inti.
18Hasika hantin han angkhat masiala mi dora koma choina tenpei mara ei masuak hantin den han dikna sinkhat le mi dora koma damna rang dikna nan tel tenpei mara ei mazir. 19Asik chu hontinmo ha mi khat he khela atam ha asia anlona hantin den han, hanuk mi khat hetela atampa adik atia ansur inti.
20Hatuka hava suale dan ha akol taka ahong anlang. Asial ei tamna ranga. Asial tamna tak han hava han lungkham haneka atam achul. 21Asian hontinmo thina na rui ei ril hantin den athara lungkhama dikna le ringanlonna ranga koini na Puma Isua Krista le rui ei ril theina rang.
Currently Selected:
ROM 5: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
