JOHN I 1
1
Kumtuang hinna Jesu ah suhlata a um
1A chiil apat a um, ka jahsa uh, ka mit va ka muhsa uh, ka etsa uh, huleh ka khutun zong a thamsa, hu hinna Thu chu; 2(Hu hinna chu a kilangta a, huchu ka muta va, ka heetpih uh, huleh hu kumtuang hinna Pa kawma um, ka kawmva suhlata um chu na kawmvah ka hung hilh uhi). 3Hu ka muhsa uleh ka jahsa u’chu na kawmvah ka hung hilh uhi, nangun zong na hung kipawlkhawmpih theihna diingun; huleh tahzetin eiuh kipawlkhawmna chu Pa toh, a Tapa Jesu Khrist toh ahi. 4Huleh na kipaah uh a kimtheihna diingin hi thute na kawmvah ka hung gial uh ahi.
Pathian toh kipawlkhawmna chu sual tawpsan ahi
5Huchi'n hichu a kawm apat a ka jah uh, huleh na kawmva ka hung hilhsawn uh thuhaah chu ahi, Pathian chu vaah ahi a, amah ah mial mawngmawng a um sih hi. 6Amah toh ka kipawlkhawm chi ngal a, mial a i um inchu zuau i soi a, huleh thutah zong i jui sih hi. 7Hizongleh amah vaah a a um banga ei zong vaah a i um leh khat leh khat kipawlkhawmna i nei a, huleh a Tapa Jesu Khrist sisanin sualna zousiah apat ahung silsiang hi. 8Sualna ka nei sih i chih inchu eimahle eimah kihem i hi a, huleh thutah eimah ah a um sih hi. 9I sualnate i phuan inchu, i sualnate ngaidam diing leh, dihtat louhna zousiah apat hung silsiang diingin amah chu a muanhuai in a dihtat ahi. 10Sualna ka nei sih i chih inchu, amah mizuau i hisah a, huleh a thu zong eimah ah a um sih hi.
Currently Selected:
JOHN I 1: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.