PETER II 3
3
Khrist hungna ni
1Deihtahte, tu a na kawmva ka gelh, hi lehkhathot a nihna ahi: hute geel ah heetzingna thu daanin na lungsim chiimtahte uh ka tohthou ahi: 2Zawlnei siangthoute’n ana soi masat uh thute, huleh keiuh Lalpa leh Hundampa sawllehte thupiah na heetzingna diingun: 3Hikhu he masa un, ni nununglam ah, simmoh haatte, amahuh utna ngei banga gamta ahung um diing va, 4Ahung kiitna thuchiam khoiah ahiai? silsiam chiil akipat sil bangkim pilepute ihmut ni a kipanin a um ngeingei bangin a um jel, a chi diing uhi. 5Ajiahchu hite haw a kiheetmohbawl jel uh, Pathian thuin nidanglaiin vaante ahung um a, lei zong tui apat leh tui lahah ana um hi. 6Huah chu hu lai a khovel um chu tui in a tuum a, a beimangta hi. 7Hizongleh tua um vaante leh lei chu hu thu jiah mahin Pathian ngaihsah lou mite vaihawmna leh manthatna ni a diinga siitin, mei a gawt diing a kholkhawm ahita hi. 8Hizongleh, deihtahte, hi sil khat he lou in um sih un, Lalpa ngaih in ni khat chu kum saangkhat bang ahi a, huleh kum saangkhat zong ni khat bang ahi. 9Mi khenkhat in zekai a sah bangun, Lalpa chu a thuchiam lamah a zekai sih hi: hizongleh koimah beimang deih louin, mi zousiah kisiih diing deih in eimah lamah a thuaahzou ahi zaw hi. 10Hizongleh Lalpa ni chu jan a guta bangmahin ahung tung diing hi; hu ni chiangin, vaante chu nasataha ging in a mang diing a, huleh silbulte chu mei a haaitui ahi diing, lei zong a sunga natoh umte toh haalmang in a um diing hi.
Kimansa a um a kiphatmohna
11Hu silte zousiah chu huchia beimang diing ahi chih he in, umdan siangthou leh Pathian ngaihsahna lam photah mi bangchi hi diing na hi viai mah? 12Pathian ni hung tung diing kinem leh kilawp in; hu niin vaante chu hung kaang in a mang diing a, huleh silbulte zong mei a haaitui in a umta diing hi. 13Hizongleh a thuchiam dungjuiin a sunga dihtatna umna, vaan thah leh lei thah i kineppih ahi. 14Hujiahin deihtahte, hu silte kineppih na hi uh chih he in, niin baang lou leh dembei a, hamuangtah a ana um a muh na hih heetna diingun thanop suahun. 15Huleh i Lalpa thuaahzohna chu hutdamna in sim un; i unaupa deihtah Paul in a kawma piah pilna dungjui a na kawmva a gelh bangin; 16A lehkhathot zousiah ah hi silte tungtaang a soi phial hi; huah chu thu heetsiam hahsate a um a, hute chu mipillou leh mikiploute’n Pathian lehkhathu dang a ngaihkawi bang va ngaikawi in amahuh siatna diingin a zang veu uhi. 17Huchi'n deihtahte, nangun hu thute na heetlawh jiahun pilvaang un, huchilouin zaw migiloute khelhna a puimang a um in na kipna vapatin na puuhkha diing uhi. 18Hizongleh i Lalpa leh Hundampa uh Jesu Khrist hehpihna leh heetna ah hung khang lian un. Amah kawmah tu leh kumtuang in loupina um hen. Amen.
Currently Selected:
PETER II 3: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.