TIMOTHI I 2
2
Vaantaang Pathian biahna thu a hilhnate
1Hujiahin a masapen in, silngetnate, haamteinate, haamteisahnate, huleh kipaahthusoinate mi zousiah diing a bawlsah diingin ka hung hasuan hi; 2Kumpipate leh thuneihna mun a um zousiahte a diingin zong; huchia Pathian ngaihsah leh zahumtah a hinkhua kituaah leh hamuanhuai i man theihna diingun. 3Hichu i hundampa uh Pathian mitmuh in a hoihin a pomtaah hi. 4Ama’n chu mi zousiah hutdama um diing leh thutah hung he diingin a deih hi. 5Ajiahchu Pathian khat a um a, huleh Pathian leh mihing kikal a palai khat a um hi, mihing Khrist Jesu chu; 6Amah chu mi zousiah tatdohman diingin ahung kipia hi; a huntaha heetsah a um diingin. 7Hu diing a thusoitu leh sawlleh a guat ka hi; (Khrist ah thutah ka soi hi, ka zuau sih hi). Ginna leh thutah a Jentelte hilhtu ka hi hi. 8Hujiahin pasalte’n mun chinah khut siangthou jah in, lungthah lou leh ginglel lou in haamtei le’uh ka deih hi. 9Huchimahbangin numeite chu puansilh kilawmhun leh zumtheihna leh umtansiam in kithuam le uh; sam pheehkiil aha, sana aha, tuikep suang aha, ahihlouhleh sil mantam a kithuam lou in. 10Hizongleh (numei Pathian ngaihsah kichite a hun giapin) silbawl hoihin kithuam le’uh ka deih hi. 11Numei in thumangtahin sipkhian in zil u’heh. 12Hizongleh numei in thu a hilh chu ka phal sih, huleh pasal tunga thu a neih zong ka phal sih hi, sipkhian in um zaw u’heh. 13Ajiahchu Adam siam masat ahi a, hunungin Evi siam ahi. 14Huleh Adam heem in a um sih a, hizongleh numei chu heem in a um a, bohsiatna ah a puuhta hi. 15Hizongleh ginna leh lungsiatna leh siangthouna nei a umtansiamtah a, a um zing uleh naupaaina ah hutdam in a um diing hi.
Currently Selected:
TIMOTHI I 2: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.