JAKOB 4
4
Pawl thu a buaina demna
1Na lahva kidounate leh kisualnate khoia kipana hung kuan ahiai? na sapum hiangte va kidou veu, na tahsa utnate va kipana hung pawt hilou ahi maw? 2Na lunggulh va, na nei tuan sih uhi; tual na that va, na deihgoh va, na nei zou tuan sih uh; na kidou va, gaal na bawl uh, na nei diah sih uh, na nget louh jiahun. 3Na ngen va, na nget dih louh jiahun na mu sih uh, na nopsahna diing va zat na tup jiahun. 4Nanguh aangkawmpate leh aangkawmnute, khovel lawm hihna chu Pathian toh kimeelmaatna ahi chih he lou na hi uh maw? hujiahin koipouh khovel lawm hih ut chu Pathian meelma ahi. 5Hagau eimaha teengin thangse khopin ahung deih hi chih, Pathian lehkhathu in a mawh soi hi diing a gingta na hi u'maw? 6Hihmalahin hehpihna tamsem ahung pia hi. Hujiahin Pathian lehkhathu in, Pathian in mi kisatheite a doudaal a, kingaingiamte kawmah hehpihna a pe veu hi, a chi hi. 7Hujiahin Pathian kawmah kituluut un. Diabol chu doudaal un, huchi'n ahung taimangsan diing hi. 8Pathian naih un, huchi'n ama’n ahung naih diing hi. Misualte, na khut uh silsiang un; lungsim mumal neiloute na lungtang uh susiangthou un. 9Hahsa sa unla, lungdong unla, kap un; na nuihna uh lungdonna suaah henla, na nuamna uh dahna suaah heh. 10Pathian mitmuh in kingaingiam un, huchi'n ama’n ahung tawisang diing hi. 11Unaute, khat leh khat kisoisetuah sih un. Mi a unau soisia a, huleh a unau soisel chu daan soisia a, daan vaihawmkhum ahi; hizongleh daan na soisel inchu, daan juitu na hi sih a, vaihawmtu na hi zaw ahi. 12Daan petu khat a um a, ama’n chu a hundam thei a, a suseveh thei hi; mi dang soiseltu nang koi na hiai?
Mihausa kiuangsahte demna
13Tuin ngai un, nanguh, Tuni aha, jingchiang aha in, hu khopi ah i chiah diing a, hu mun ah kumkhat i va taam diing a, leiin i zuah diing va, i pung diing uh chitute: 14Ahiinlah jing chianga bang ahung um diing na he sih uhi. Na hinna uh bang ahiai? Hichu meilum tomtakhat hung kilang a, mangkiitpah bang giap ahi. 15Hu sangin, Lalpa’n pha a sah leh i hing diing a, hikhu aha, hukhu aha, i bawl diing, na chi diing uh ahi. 16Hizongleh tuin na kiuahsahnate vah nuam na sa uh; huchibang nopsahna zousiah chu sual ahi. 17Hujiahin, mi sil hoih bawl diing he a, bawl tuan lou chu, amaha diingin sual ahi.
Currently Selected:
JAKOB 4: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.