JAKOB 5
5
Mihausate minuainetna demna
1Nanguh mihausate, tu in ngai un, na tungva hahsatna hung tung diingte jiahin kap unla, peng guaiguai un. 2Na hauhsatnate uh a segawpta a, na puante uh ngetin a ne zouta hi. 3Na sana uleh na dangka uh a tui-eeh vehta hi; hute siatgawpna chu na sualdan uh heetsahna ahi diing a, na tahsa uh chu meikaah bangin a ne zou diing hi. Hun nununglam a diingin gou na kholta uhi. 4Ngai un, na lou va buh aat a kilohte loh, amahuh heem a na piah louh uh a kikou va; huleh a aattute kikou aw chu mipite Lalpa bil ah a luutta hi. 5Khovel ah nuamsatahin na um va, na kimawh zat meimei va; goh ni a bangin na lungtangte uh na thausah uhi. 6Midih chu siamlouh na tangsah va, na thatta uh; huleh ama’n chu ahung doudaal sih hi.
Kuhkal diing a hasotna
7Hujiahin unaute, Lalpa hung masiah in kuhkaltahin um un. Ngai un, lounei mi’n lei gah luultah chu a ngaah a, guah masa leh guah nunung a muh masiah kuhkaltahin a ngaah veu hi. 8Nanguh zong kuhkaltahin um un; na lungtang uh sukip un; ajiahchu Lalpa hungna diing a naita hi. 9Unaute, khat leh khat kiphunsan sih un, siamlouh tansah in na umkha diing uhi; ngai un, vaihawmtu chu kotkhaah bulah a um ahi. 10Ka unaute, Lalpa mina thusoi zawlneite chu gimthuaahna leh kuhkalna lama etton diingin zang un. 11Ngai un, a thuaahaatte chu hampha in i sep uhi. Job kuhkaldan na ja va, Lalpa’n a tawp a, a bawldan: Lalpa chu hehpihna leh khotuahna dim ahih zong na mu uhi. 12Hizongleh ka unaute, sil zousiah sanga a thupipen chu kihaahsial sih un, vaan lou in aha, lei lou in aha, kichiamna dang mawngmawng in aha kihaahsial sih un; hi, na chih uh hi, hisah unla; hilou, na chih uh, hilou, hisah zaw un; huchilou in zaw siamlouh tang in na umkha diing uhi.
Haamteina silbawltheihdan
13Na lahva hahsatna thuaah a um ei? haamtei heh. Kipaah a um ei? phatna la sa heh. 14Na lahva damlou a um ei? kouhtuam upate kou henla, amahun Lalpa mina thau nuh in haamtei u’heh; 15Huleh ginna a haamteina in damlou chu a hundam diing a, Lalpa’n amah chu a kaithou diing hi; huleh silsual ana bawl a ahihleh hute chu ngaihdamsah ahi diing hi. 16Suhdam a na um theihna diingun, na khelhnate uh thupha kitawituah unla, khat leh khat kihaamteisah un. Midihtat guntuhtaha haamteina chu a phatuam mahmah hi. 17Elijah chu eimah bangthou mihing ahi a, ama’n chu guah zut louhna diingin phatuamngaitahin a haamtei a; huleh kum thum leh ha guup sung leitung ah guah zu louin a umta hi. 18Huleh a haamtei kiit a, vaanin guah a zusah a, lei in a gahte ahung suahsahta hi. 19Unaute, na lahva mi koipouh thutah akipat na mangta henla, mi khat in pui kiitta leh; 20Amah misual a lammanna akipan kiheisahtu in sihna apat hagau khat a hundam diing a, sual tampite a khuhmang diing ahi chih kiheet heh.
Currently Selected:
JAKOB 5: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.