THUPHUANDOH 10
10
Angel haat leh lehkhabu neu
1Huleh angel haat dang khat meilum a kithuam a vaan a kipana hung kumsuh ka mu a; a lutungah sakhituihuup a um a, a maai chu ni bang ahi a, a keengte chu mei khuam bang mei ahi. 2Huleh a khut ah lehkhabu neutakhat pheetsa a tawi a: a keeng jiatlam chu tui khang lian tungah a nga a, a keeng veilam chu leitung ah. 3Huleh amah chu humpibahnei huum haam bangin aw ngaihtahin a kikou a; a kikou zohin vaanging sagihte’n a aw a suahta uhi. 4Huleh vaanging sagihte’n a aw uh a suah tahun gial diingin ka kisata a, huleh vaan akipan aw khat in ka kawmah, Vaanging sagihte silsoi chu iim bihbeh inla, gial sin, chi'n ka ja a. 5Huin angel, tui khang lian leh leitung a ding ka muh in a khut vaan lamah a tungtou a. 6Kumtuang kumtuang a hing zingpa, vaan leh a sunga sil umte, lei leh a sunga sil umte, tui khang lian leh a sunga sil umte bawltu minin a kihaahsial a, hun a um nawn louhna diingin: 7Hizongleh angel sagihna aw gin lai nite a, a muut di’kuan chiangin Pathian thuguuh kiphual chu a suaah zawlneite kawma ana soisa bangin suhkim ahita diing hi, chi'n. 8Huleh vaan akipan aw ka jah in, Chiah inla, tui khang lian leh a tunga ding angel khuta lehkhabu neutakhat pheetsa um chu va la in, a chi a. 9Huin angel kawmah ka va chiah a, a kawmah, Lehkhabu neutakhat chu hung pia’n, ka va chi a. Huin ama’n ka kawmah, La inla ne zou veh in; hi in na gil a khasah diing a, hizongleh na kam ah chu khuaizu bangin a hum diing hi, a chi a. 10Huchi'n angel khut apatin lehkhabu neutakhat chu ka ladoh a, ka ne zou veh a; huleh hichu ka kamah khuaizu bangin a hum a; huleh ka neeh zohin ka gil chu a khata hi. 11Huin ama’n ka kawmah, Mi tampite leh, namte leh, haamte leh, kumpipate ma ah Pathian thu na soisawn ngei diing ahi, ahung chi hi.
Currently Selected:
THUPHUANDOH 10: SIMTBSI
Highlight
Copy
Compare
Share
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.
