THUPHUANDOH 15
15
Belhbu sagih leh gawtna sagih muhna
1Huin vaan ah chiamchihna loupi leh limdang, angel sagih, gawtna nunung sagih nei ka mu a; hu a Pathian lungthahna bukimta ahihjiahin gawtna nunung ahi uh. 2Huleh mei toh kihal limlang tui khang lian hileh kilawm leh, gamsa tung leh, a lim tung leh, a chiamchihna tung leh, a min nambar tunga gualzohna tangte Pathian tengtang tawi a limlang tui khang lian tunga ding ka mu a. 3Huleh amahun Pathian suaah Mosi leh Belaamnou la a sa va, Na silbawlte a loupi in a thumah hi, Lalpa Pathian Bangkimbawlthei; na lampite chu a dih in a tah hi, nang misiangthoute Kumpipa, 4Kua’n nang ahung lau louin, Aw, Lalpa, na min a paahtawi lou ngam diai? Ajiahchu nang chauh siangthou na hi; bang jiahin ahiai i chih leh nam zousiah chu ahung diing va, na ma ah ahung be diing uh; ajiahchu na vaihawmna dihte suhlat in a umta hi, chi'n. 5Huleh hi silte nunga ka et leh, ngai in, vaan ah heetsahna biahbuuh pindan sungnung chu a kihong a; 6Huleh angel sagihte chu gawtna sagihte tawi in, puan siangthou leh vaama kithuam in, huleh a awm uh sana kawnggaah a gaah in Pathian biahinn apatin ahung pawtdoh va. 7Huleh silhing lite laha khat in hu angel sagihte kawmah kumtuang kumtuanga hing zing Pathian lungthahna a dim belhbu sagih a peta hi. 8Huleh biahbuuh pindan sungnung chu Pathian loupina leh a silbawltheihna a hung kipan meikhuin a dimta a; huleh hu angel sagihte gawtna sagih chu a kizoh masiah in Pathian biahinn sungnungah koimah a luut theita sih uhi.
Currently Selected:
THUPHUANDOH 15: SIMTBSI
Highlight
Copy
Compare
Share
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.
