Te Otinako 21
21
Tooro aika Ebera
(Te Tua 15.12-18)
1Aikai tuua ake E anga te UEA nakon Moote i bukiia ana aomata:
2Ngkana kam kabooa te toro ae te Ebera, ao e na riki b'a ami toro i nanon onoua te ririki. Ma kam na kainaomata ngkana e koro itiua ana ririki iroumi, ao akea te b'ai ae e na kabooa iai inaomatana mairoumi. 3Ngkana arona b'a e roronga n te tai are e kabooaki iai, e na kainaomataaki n ti ngaia. Ma ngkana arona b'a e a tia ni mare, ao e na kainaomataaki ma buuna. 4Ao ngkana arona b'a kam anganna buuna, ao a riki natiia, ao bon ti te mm'aane are e na kainaomataaki; ao a na tiku buuna ma natina b'a ana b'ai te tia b'aib'ai.
5Ngkana arona b'a e rangi n tangira buuna ma natina te mm'aane n te aro are e aki konaa ni kiitaniia, 6ao e na tei i rarikin mataroan ke bouan te mataroa n te tabo n taromauri,#21.6 n te tabo n taromauri: N te boki n Ebera e koreaki ae “i matan te Atua”, are e nanonaki iai te tabo are taromauriaki iai te Atua. ao e na ewara taningana teuare e b'aib'ai i rouna n te biti ae kakang tabona. Te aro aei are e na riki iai b'a te toro ni kabane maiuna.
7E na bon aki konaa naba ni karekea te inaomata te nati ae e kaboaki nako iroun tamana n aron te mm'aane anne. 8Ngkana arona b'a e aki kukurei te mm'aane are e kabooaki b'a e na riki b'a buuna, ao e na manga kabooa ni kaokia #21.8 kaboa ni kaokia: Tao irouia ana utu ke iroun temanna Iteraera ae e kan mare ma ngaia. E aki konaa ni kabooa nako nakoia ianena; b'a e na uruaki iai te boraraoi are e karaoia ngkoa ma ngaia. 9Ngkana arona b'a e rineia b'a buun natina te mm'aane, ao e na tararuaia raoi b'a kaanga bon oin natina te aine.
10Ngkana arona b'a e a manga mare te mm'aane anne ma te aine temanna, e na bon teimatoa naba ni kaakarekea kanan te aine are e kabooa ma kunnikaina ma ni karaoa aron ae bon te buu ni koaua. 11Ngkana arona b'a e aki koro bukin aikai i rouna, ao e na kainaomataaki te aine anne n akea boon kainaomataana.
Te Tiritiri ma buure riki tabeua
E taku te UEA:
12Tuaan te tiriaomata bon te manga tiringaki. 13Ngkana arona b'a tiaki nanona n tiritiri, ao bon Ngai ae te UEA ae e karika anne, ao kam na riai ni biri nako n rawea maiumi n taabo ni kamanomano ake I a tia ni kaokoroi. 14Ao ngkana arona b'a kam a kaman iaiangoa tiringan te aomata temanna, ao bon akea maiumi, kam aki maiu naba ngkana arona b'a kam nimta te baonikarea.#21.14 baonikarea: N te tua, ane e biri nako temanna nakon te baonikarea ni kamanoa iai man tiringakina, ni karokoa kakoauaana raoi b'a e bon reke n te bure. Kam na katikitikaki nako ma n tiringaki.
15Tuaan te aomata ae e un ma tamana ke tinana bon te tiringaki.
16Tuaan te aomata ae e iraea te aomata. Ngkana arona b'a kam kaboa nako te aomata are kam kimoaia, ke ngkana kam kawiaaki ma ngaia, kam na bon anganaki naba te tuua are te tiringaki. 17Tuaan te aomata ae e karereantia tamana ke tinana bon te tiringaki.
18Ngkana arona b'a iai i roumi aika kauntaeka, ao a oroia i bon i rouia ke n karekare ke a oro n aia timoi, n te aro are a rang ni ikoaki i bon i rouia. Ngkana arona b'a e aki konaa n nakonako temanna, 19ao i mwiina, e nakonako ma te oko, ao te aomata are e kaikoakia e na kabooi mwiin taai ake a bua iroun teuare e ikoaki ma ni buokia ni karokoa marurungina.
20Tuaan te aomata ae e oroia ana toro ni karokoa mateia bon te tiringaki. 21E ngae n anne, ma ngkana e maiu te toro anne i nanon tabebong i mwiin oreana, ao e na bon katuaaeaki. E bon okiria te kangaanga b'a e na aki m'akuri te toro anne i bukin ikoakina i mwiin oreana ngkai e na bon m'akuri i rouna ngkai bon ana b'ai.
22Ngkana arona b'a e ikoaki#21.22 ikoaki: Ke “bung i m'aain ana tai”. te bikoukou i mwiin unna ma temanna. Ngkana arona b'a e ikoaki korakora, e na kabooa mwiin ana kaikoaki n aron are e tangiria buun te aine are e ikoaki ao ni kaineti naba ma are a tia n ri nanona taani moti. 23Ao ngkana arona b'a e rangi ni korakora, ao e na kabooaki n are te maiu boona te maiu, 24te mata boona te mata, ao te wii boona te wii, te bai boona te bai, ao te wae boona te wae, 25te bue boona te bue, te ikoaki boona te ikoaki, ao te oreaki boona te oreaki.
26Ngkana arona b'a kam orea ami toro temanna n te aro are e ikoaki iai kanoan matana, ao e na riai ni kainaomataaki te toro anne. 27Ti te bo naba te tua aei nakon te toro ae e b'aka wiina-e na kainaomataaki.
28Ngkana arona b'a iai te kao mm'aane ae tiringa temanna te aomata ni korona, e na tiringaki ma ni karenakoaki irikona, ma bon akea ana bure iai te aomata are ana man.
29Ngkana arona b'a e aki toki ana man te kao temanna n unun nakoia aomata, ao e rawa te aomata are ana man ni karinna n te o. Ngkana arona b'a iai konan te kao anne ae e tiringnga, ao a na kaai ni karebanaaki n te atiibu te kao ma te aomata are ana man ni karokoa mateia.
30Ngkana arona b'a a kariaia ana utu te aomata are e mate iroun te kao b'a e na kaboaki mwiin aia mate, ao e na riai te aomata are ana man te man ni kab'aka ni kabane te b'ai are e tangiraki.
31E na b'ainaki naba te tua aei nakon te ataeinimm'aane ke te ataeinaine ae e ikoaki ni korona. 32Ngkana arona b'a e tiringa te toro te kao mm'aane, e na kab'aka boon maiun te toro te aomata are ana man te man, n te m'aiti ae tenibwi te m'akoro n tirewa nakon te tia b'aib'ai iroun te toro, ao e na karebanaaki te kao anne n taian atiibu ni karokoa matena.
33Ngkana arona b'a e mate te kao mm'aane ke te aati ngke e b'aka i nanon te rua ae kam kenna ke kam kiitanna n aki rabunna i abami. 34Kam na kab'aka boon te man are e mate, ao kam na anaia b'a ami man.
35Ngkana arona b'a e tiringa ana man te aomata temanna ami kao mm'aane, e na kaboaki nako ami man anne. Ao e na anaaki te m'ane are boona ao irikon te man are e mate ao e na tib'aaki raoi nako imi ma te tia b'aib'ai are temanna.
36Ngkana arona b'a kam rawa n ooa ami kao ae e unun nakoia maan tabem'aang, ao kam na kabooi mwiin b'aai aika e tiringiia, ao kam na anaa te man are e mate b'a ami man.
Currently Selected:
Te Otinako 21: KNVB
Highlight
Share
Copy
Want to have your highlights saved across all your devices? Sign up or sign in
