Apostoro ikip oma kambi 1
1
1 Ik.
1Teopirus, eeshiri Kambi-sosh ku heashire, awa, nei kambi kata Yesu anak ne koro numge Apostoro utara otta Ashkanne Ramat ani eikashpaotte yara okaketa, 2Shinuma arikinde toho pakno kara hemhem ki epakashnu hemhem ki heashire obitta no okaibe gusu ku nuye nisa ruwe ne: 3Shinuma ayairamshitnere okaketa inne no okai shirosh ani shiknu wa an wa nei utara otta yainukare ne yakka ki hine tu hotne rereko uturuta nei utara otta anukara wa, Kamui moshiri gusu an orushpe nure nisa ruwe ne: 4aige, nei utara tura no uwekarapa wa an ita Yerusarem kotan orowa no shomo paye kuni ne, koroka, En orowa no echi nu a Michihi kara aeitakamkire ambe ehuye wa okai yan ani ikashpaotte ki nisa ruwe ne: 5inambe gusu ne yakun, Yoannes anak ne son no poka wakka ani baptisma kore; koroka, echi utara anak ne naa pon no okake an koro Ashkanne Ramat ani baptisma akore na.
6Tambe gusu nei utara uwekarapa wa okai ita, Shinuma otta nu wa ene itak-hi :— Utarapa, Aokai tane an pakita Israeru un utara otta moshiri hoshipire ruwe he an? 7Orota Shinuma ene itak-hi :— Michi anak ne yaikota koro mondum rengaine esanniyo pakihi hemhem paha hemhem aeramande kuni-hi anak ne shomo echi akore na. 8Koroka, Ashkanne Ramat echi kashiketa an chiki, kiroro echi akore kusu ne: orowa, echi utara anak ne Yerusarem kotan otta hene, Yudea moshirʼebitta hene, Samaria moshirʼotta hene, moshiripa pakno moshirigesh pakno hene, En gusu paweteshu ki utara echi ne kusu ne, sekoro itak. 9Orowa, nei okaibe Shinuma ye okere chiki, utara ingara korʼan rapoketa, Shinuma arikinde nisa ruwe ne; awa, nei utara shiksam wano nishkuru Shinuma uk nisa ruwe ne. 10Orowa, Shinuma rikin uturuta, nei utara kando orun kashioingara rapoketa, ingarʼan, retara amip rai tu ainu nei samakegeta roshki wa okai awa, itak omare ene oka-hi :— 11Gariraya un echi utara, nep gusu echi roshki kane kando orun ingan ruwe he an? echi orowa no kando otta auk tan Yesu kando orun oman ambe echi nukara okere korachi, nei no Shinuma ek kusu ne na, sekoro itak.
12Orowa nei utara anak ne Kanran-ush ari aye nupuri orowa no Yerusarem kotan orun hekomba nisa ruwe ne; nei nupuri anak ne Yerusarem kotan ehange, Kamui toho ta paye-hi pakno an ushike ne ruwe ne. 13Orowa ahup an chiki, otta okai shiri rikta an tumbu orun rikin nisa ruwe ne; nei ita Petros hemhem Yoannes hemhem Yakob hemhem Andreas hemhem okai, Piripos newa Tomas, Bartoromaios newa Mattaios, Arupeus koro Yakob, Zerotes ne Simon, orowa, Yakob koro Youdas okai ruwe ne. 14Tan utara obitta shineikinne shiwentep utara tura, samata, Yesu koro habo Maria newa Shinuma koro akihi utara tura ramma-kane inonno-itak shiriki okai korʼan nisa ruwe ne na.
15Orowa, nei toho ta Petros anak ne iriwak utara tumugeta ash wa ene itak-hi (nei ita inne utara uwekarapa wa okai, iwan hotne niu pakno ehange ruwe ne) :— 16Iriwak utara, Yesu kishima utara otta ru epakashnu Youdas gusu etokota Ashkanne Ramat Dabid paroho ani ye Kamui kambi auweomare ambe anak ne nekon a ka hetuku kunip ne ruwe ne. 17Inambe gusu ne yakun, nei guru anak un tura aepishki wa tan yaishieiwangere-hi otta iki kuni ikip akore nisa ruwe ne. 18(Tan guru anak ne wenbe pummaha ani shine toi hok; orowa, ehoroka hachiri wa onnaige tuye pereke, orowa, koro kan kan obitta soyoshma nisa ruwe ne. 19Orowa, tan orushpe Yerusarem kotan ta oshiroma wa okai utara obitta nu; nei utara koro itak ani nei toi Akerudama ari an itak ani aporose pakno aeramanbe ne: nei itak ibehe anak ne “kem-ush” toi ari an ibehe ne ruwe ne). 20Inambe gusu ne yakun, Iyobaichish oma kambi kata ene chieshinnuye wa an :—
Nei guru kot chisei mun konchi kore
Orowa, nei chisei ta nen ne yakka iteki oshiroma kuni ne kara yan.
Shui,
Shinuma koro kuni ushike oya guru shikkashimare yan, sekorʼambe anuye wa an ruwe ne gusu ne na.
21Tambe gusu, Yoannes kore baptisma wano heashi wa Shinuma un orowa no arikinde pakno ramma Utarapa ne Yesu un tumugeta soyun shiri hemhem ki ahun shiri hemhem ki rapoketa un tura 22no an teda okai utara otta shinen anak ne Shinuma hetepo-a-shiknure ambe gusu un tura paweteshu ki kuni kusu ne na, sekoro itak. 23Orowa, nei utara tun atte, shinen anak ne Yosep ari areikore Barsabbas Yustus ne, shinen auak Mattias ne ruwe ne na. 24Orowa, nei utara inonno-itak ki wa ene itak-hi :— Aokai, Utarapa, obitta no okai utara koro keutum eraman Kamui E ne ruwe ne; koro ushike orun oman kuni ne orowa no ohaita Youdas kon nisa tap otta yaishieiwangere kunip newa 25Apostoro ki kuni ambe ukouina gusu tan tun otta Aokai numgep inambe ne ya sekoro un eramande wa un kore, ani itak, 26orowa, nei guru gusu ukokonchi etaye; awa, Mattias epeka nisa ruwe ne: orowa, shinuma anak ne nei shinen ikashima wa niu ne Apostoro tura aipishki nisa ruwe ne na.
Currently Selected:
Apostoro ikip oma kambi 1: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
