Apostoro ikip oma kambi 2
2
2 Ik.
1Orowa, Pentekoste toho tane auweomare shiri an ita anak ne, nei utara obitta shineanda uwekarapa wa okai. 2Awa, ekushkonna kando orowa no poro rera pash humi humkosanu hine, otta nei utara rok wa okai chisei upshoro etushnatki nisa ruwe ne. 3Aige, ausaraye wa okai abe-o nepkoro parumbe nei utara otta anukara, awa, pishno okai nei utara kata rok nisa ruwe ne. 4Orowa nei utara Ashkanne Ramat ani aeshik, aige, nei Ramat yere korachi, oya moshirʼun itak ani itak heashire nisa ruwe ne.
5Nei ita kando choropoketa obitta no okai moshiri uirup wano araki aainukoro Yudea un utara Yerusarem kotan ta oshiroma nisa ruwe ne. 6Awa, tan humi anu chiki, inne utara uwekarapa, orowa, okai utara anak ne pishno pishno yaikota koro kotan un itak ani nei utara ye hawe nu gusu, sambe-a-kokuruse nisa ruwe ne. 7Aige, utara obitta oyamokte wa enushkari hine ene hawe oka-hi :— Ingarʼan, tap ye utara anak ne obitta Gariraya un utara shomo ne ya? 8Yakun, nekon a chi utara anak pishno pishno otta shiko nroshirʼun itak anu ya? 9Partos un utara hene, Medea un utara hene, Eram un utara hene, samata, Mesopotamia, Yudea, 10Kapadokia, Ponto, Asia, Eurugia, Ramfuria, Echipt newa Kurene samaketa an Ribua kotan un utara hene, orowa, Roma otta reushi utara, Yudea un utara newa Yudea un epakashi koikara kuni akara utara hene, 11Kurete un utara newa Arabia un utara hene, chikoro kotan un itak ani nei utara anak ne Kamui kiroro ki ikip ye-hi chi nu ruwe ne, sekoro itak. 12Orowa, nei utara obitta oyamokte wa keutum chiutumashbare, aige; — Tap okaibe ikkewehe nekon a ambe ne ya? ari an itak ani 13utashpa ye nisa ruwe ne. Koroka, moshima okai utara anak ne eoya-itak wa ene hawe oka-hi :— Nei utara ashiri tonoto aeshik no okai ruwe ne na, ari itak nisa.
14Koroka, Petros anak ne nei shinen ikashima wa niu tura no ash wa hawe sange hine orota ene itak-hi :— Yudea un nishpa utara, shui, Yerusarem kotan ta ne yakka oshiroma utara uwesamamba tambe uonnere yan, tap ku ye itak inu wa en kore yan. 15Echi yainu-hi nei no tan utara anak ne ihoshki utara shomo ne ruwe ne; ouse tokap re ikinne an pakihi ne ruwe ne gusu ne na; 16koroka, tambe anak ne uweingara guru ne Yoeru paroho chiitakte hawe ne :—
17Kamui ene itak-hi :— Okese an toho ta,
Kuani anak ne obitta no okai kam kata Ku Ramat Ku ohetu kusu ne:
Aige, echi koro okkai poho newa matne poho uweingara ki,
Echi koro okkaibo utara anak ne anukarape nukara,
Echi koro ekashi utara wendarap nukara kusu ne:
18Ruwe nu, nei toho ta, ku goro usshiune okkai usshiune matne utara kata
Ku Ramat Ku ohetu kusu ne; aine, nei utara uweingara ki kusu ne na.
19Orowa, rikta an kando ta aeiyokunnure ambe kene,
Rata an moshiri kata hene shirosh Ku nukare kusu ne;
Kem newa abe newa shupuya pa ne ruwe ne:
20Aige, Utarapa koro toho,
Nei poro newa ashitoma toho ek etokota,
Tokap chup anak ne kunne ne kuni aitasare,
Orowa, kunne chup anak ne kem ne kuni aitasare kusu ne:
21Orowa, inan guru ne yakka Utarapa reihei konishuk gurʼanak ne kashi-a-obiuki kusu ne na.
22Israeru un echi utara tap an itak nu wa ikore yan: Echi utara yaikota echi eraman korachi, ari Kamui anak ne echi tumugeta iki ari Kamui sonnere kiroro an ikip newa iyokunnurep newa shiroshi newa kara Nazaret un Yesu anak ne; 23Shinuma, Kamui etoko wano an eraman irenga newa aesanniyo esanniyop an gusu aekoshi okere chiki, echi utara anak ne ikashpaotte otereke utara koro teke ani, utasa chikuni otta kungi kokikkik 24wa raigere nisa ruwe ne: Kamui anak ne rai gusu an nuwapbe pita chiki Shinuma hetopo-shiknure nisa: inambe gusu ne yakun, nei ambe ani Shinuma ashikkashima eaikapbe ne ruwe ne. 25Shinuma gusu Dabid ene itak-hi :—
Ramma ku shik-samata Utarapa ku nukan nisa;
Shinuma ku shimon-tek samata an gusu shomo a en moimoigere kusu ne:
26Tambe gusu ku sambe yainuchattek, orowa, ku parumbe nupetne nisa;
Orosama, ku kam anak ne chipachipa wa oshiroma kusu ne na.
27Inambe gusu ne yakun, Aokai anak ne Hedes oshiketa ku ramat ande shomoki,
Shui, e koro Ashkanne Guru iteki munin kuni ne e kara kusu ne gusu ne na.
28Ishu oma ru Aokai en eramande nisa;
Orowa, Aokai an gusu yainuchattek-hi ani e en shikte kusu ne na.
29Iriwak utara, akoro keushut ne Dabid gusu rametokkon no ku ye yak pirika, shinuma rai wa iyurui orota aomare nisa, aige, tanto pakno shinuma gusu an ashni an na. 30Shinuma anak ne uweingara guru ne wa gusu, orosama, koro araset kata rok kuni guru shinuma etumam noshke wa hetuku kusu ne ari an ambe ani Kamui shiyuppa no itak wa uitaknu nisa ruwe ne sekoro eraman gusu; 31shinuma tap okaibe etoko wano eraman wa Kiristo hetopo-shiknu-hi epeka no ye; Shinuma Hedes oshiketa shomo aande nisa, koro kara shomo munin nisa ruwe ne na. 32Kamui anak ne tan Yesu hetopo-shiknure nisa, nei ambe gusu paweteshu ki utara chi ne ruwe ne. 33Shinuma anak ne Kamui shimon-tek samata arikta ande wa an gusu, orowa, Michi orowa aeitakamkire okere Ashkanne Ramat akore gusu, tap echi nukara hemhem ki inu hemhem ki ambe ohetu nisa ruwe ne.
34Inambe gusu ne yakun, Dabid anak ne kando orun rikin shomoki: koroka yaikota yaiotta ene itak-hi :—
Utarapa anak ne ku goro Utarapa otta ene itak-hi :— E epokba utara ani e chikiri andep ne ku kara pakno,
35Ku shimon-tek samata a yau, ari itak.
36Israeru ikiri un utara obitta utura ashi shomoki no tambe uonnere yan, Kamui anak ne, tan echi utara utasa chikuni otta raige Yesu ani Utarapa newa Kiristo ne kan nisa ruwe ne na.
37Aige, nei utara anakne tap an itak nu chiki, koro sarabe aotke-otke wa Petros newa moshima okai Apostoro utara otta, — Iriwak utara, nekon 38a chi ki yak pirika ya? — ari itak. Orota Petros ene itak-hi :— Yaikokatpak yan, orowa, koro katpak atusare gusu pishno pishno Yesu Kiristo kon reihei otta baptisma uina yan; yak anak ne Ashkanne Ramat ari an korarabe akore kusu ne na. 39Inambe gusu ne yakun, nei aeitakamkire ambe anak ne echi koro sanikiri gusu hemhem, otta konishuk chikoro Utarapa ne Kamui koro utara gusu, ehangeko no an ushiketa okai utara gusu hemhem an ambe ne ruwe ne, sekoro itak. 40Orowa, inne moshima okai itak ani shinuma paweteshu ki wa onishnishi hine ene itak-hi :— Tan oheuge ainu ikiri orowa no yaikota yaiohaitare yan. 41Tata otta shinuma ye itak uina utara anak ne baptisma akore nisa: aige, nei toho ta shinuma utara otta san sen nin ne utara tura no akopishki nisa ruwe ne. 42Awa, nei utara ramma-kane Apostoro epakashi koro hine tura no ukopoye, aine, nei pan meshpa hemhem ki nei inonno-itak hera hem ki shiriki okai nisa ruwe ne na.
43Orowa, nei utara pishno pishno ishitoma, awa, Apostoro utara ani inne iyokunnurep newa shirosh aki nisa. 44Orowa, obitta no okai eishokoro utara anak ne ukotura no okai wa nep ne yakka utura ouse no koro; 45aige, ikoro newa korobe newa eiyok wa nen ne yakka aeishiramne-hi an nei no obitta no okai utara gusu eimek nisa ruwe ne. 46Orowa, to pishno shine ikinne ramma keutum atte wa Kamui kora kenru ta okai hene ki, koro uni ta pan meshpa hene ki, aine, oheuge sak no an keutura koro wa yainuchattek no aep ibe hene ki, 47Kamui ramye hene ki, obitta no okai utara gusu irenga koro bene ki wa okai nisa ruwe ne na. Aige, Utarapa anak ne kashiaobiuki shiri okai utara kesto range ko-are nisa ruwe ne.
Currently Selected:
Apostoro ikip oma kambi 2: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
