Apostoro ikip oma kambi 3
3
3 Ik.
1Orowa, inonno-itak ki kuni pakihi ta, ku ji pakihi ta, Petros newa Yoannes anak ne Kamui kora kenru orun hemeshpa korʼan. 2Awa, koro habo honi wa san orowa no hera ruwe ne a an ainu anak ne aani wa, Kamui kora kenru ta ahup utara otta eungeraitep koramkoro kuni ne, nei kenru koro Chitomtep ari an itak ani aporose apa-ushta samaketa ahotkere wa an nisa ruwe ne; 3nei guru anak ne tane Kamui kora kenru ta ahup korʼan shiri Petros newa Yoannes nukara chiki, eungeraitep koramkon ruwe ne. 4Aige, Petros anak ne Yoannes tura shinuma orun oshit-kurukote wa — Iorun ingara yan, ani itak. 5Orowa, shinuma nep ka akore kuni aramu wa nei utara eun ikokanu nisa ruwe ne. 6Koroka, Petros ene itak-hi :— Shirokani hene kongani hene ku sak: a koroka, koro wa ku an okaibe e kore ash na. Nazaret kotan un Yesu Kiristo reihei ankushkeraipo apkash yan, ari itak. 7Aige, shinuma shimon-teke kishima wa hopunire: awa, nani koro kema newa tokom-pone atumashnure nisa ruwe ne. 8Aine, nei guru matkosanu wa ash, orowa apkash heashi ruwe ne; aige, shinuma apkash hene ki, horipi hene ki, Kamui ramye hene ki wa nei utara tura no Kamui kora kenru ta ahun nisa ruwe ne. 9Orowa, obitta no okai utara shinuma apkash wa Kamui ramye-hi nukara: aige, shinuma anak ne 10eungeraitep akore gusu Kamui kora kenru ta an Chitomte apa samaketa a kane an gunʼne sekoro eraman: orowa, shinuma gusu hetuku orushpe gusu nei utara shiri oyamokte wa ara enushkari nisa ruwe ne.
11Nei guru anak ne Petros newa Yoannes kishima korʼan rapoketa, obitta no okai utara shiri iyokunnure hine Soromon koro shem ari aye ushike un uwekarapa nisa ruwe ne. 12Aige, Petros anak ne nei ambe nukara chiki, utara otta ese wa ene itak-hi :— Israeru un echi utara, hemanda gusu tapan orushpe gusu echi enushkari ruwe he an? Samata shui, nep gusu chi utara yaikota koro kiroro ani hene Kamui kooripakbe pirikap ani hene tan guru chi apkash te korachi un orun oshitkurukote ruwe he an? 13Echi utara ekoshi wa Pirato anak ne Shinuma honnere kusu ne sekoro esanniyo ita, nei kotchaketa echi eshikeshke okere, Abraham newa Isaak newa Yakob koro Kamui, chikoro ekashi koro Kamui anak ne koro poho ne Yesu nupekte nisa ruwe ne. 14Koroka, echi utara anak ne nei Ashkanne Oupeka ambe eshikashke, aige, keuk guru echi kore kuni koramkoro, Inotu esapanep echi raige; 15Kamui anak ne rai orowa no Shinuma hetopo-shiknure, aine, chi utara anak ne Shinuma gusu an paweteshu ki utara chi ne ruwe ne. 16Orowa, tane echi nukara wa eamkiri guru anak ne, Shinuma reihei eishokoro ankushkeraipo atumashnure a an: ruwe un, Shinuma gusu an eishokor-i anak ne, obitta no okai echi utara kotchaketa tapan ara nisashnu ambe hetukure nisa ruwe ne. 17Awa, tane iriwak utara, echi esapane utara poka iki korachi, echi utara ne yakka eramushkare no iki kuni ku ramu. 18Koroka, obitta no okai uweingara utara koro paroho ani etoko wano Kamui eupaskuma okaibe, koro Kiristo ayairamshitnere kuni ambe, tambe nei no auweomare nisa ruwe ne. 19Tambe gusu, echi koro katpak aushka kuni ne, yaikokatpak wa hoshippa yan, tambe anak Utarapa tek-sam wano sambe-shiturire pakihi an kusu ne kuni ambe ne; 20shui, echi utara gusu aashte Kiristo Shinuma ette kuni ambe ne, Shinuma anak Yesu ne ruwe ne: 21obitta no okaibe kanna aatte pakihi pakno kando anak ne Shinuma uk kunip ne; nei ambe gusu moshiri heashi wano koro Ashkanne uweingara utara paroho ani Kamui itak nisa ruwe ne. Mose ene itak-hi :— 22Echi koro uiriwak utara tumuge wano, en korachi Utarapa ne Kamui anak ne uweingara guru hopunire kusu ne; nep nep ne yakka echi otta Shinuma itak chiki echi inu kusu ne na. 23Orowa, nei uweingara orun inu shomoki inan guru ne yakka utara tumuge wano ara aushtekka kusu ne na. 24Ruwe newa, obitta no okai uweingara utara, Samueru okake araki obitta no okai itak sange utara, nei utara ne yakka tapan toho gusu ye nisa ruwe ne na. 25Echi utara anak ne uweingara utara koro san-ikiri echi ne, shui; — E koro santek gusu obitta no okai moshiri uirup anunuke kusu ne — ari an itak ani Abraham otta ye Kamui koro aeuitaknup oma poho echi ne ruwe ne. 26Kamui anak ne koro Poho hetopo-shiknure wa echi utara pishno koro wen-buri wano shiknure an ambe ani echi nunuke kuni ne, hoshiki no echi orota Shinuma omande nisa ruwe ne na.
Currently Selected:
Apostoro ikip oma kambi 3: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
