Methelokên 21

1Dilê Qralan; di destê Xwedê de weke avên coya ne; Ew wî ber bi kîjan alî ve divwaze vedigerîne.

2Li gora mirovan her rêke wan rast e; lê yê ko dilan têxe mêzinê Xwedê ye.

3Xwedê kirina heq û edaletê ji qurbana çêtir digire.

4Çavên bel, dilekî xirayî û çira neçeyan gunehkarî ne.

5Daxwazên mirovên baş digihînin bereket û boşahiyê; lê yê ko lezê li xwe dide dikeve tengasiyê.

6Xezîneyên ko bi zimanekî derewîn hatine kom kirin xewn û xiyal in; û qasidên mirinê ne.

7Zorkeriya neçeyan wan winda dike, ji ber ko dil na kin tiştê ko rast e çêkin.

8Yê sûçdar dide ser xaçereyên xwar, lê mirovê bêsûç li ser reya rast dimeşe.

9Cêtir e ko mirov di gûşa binê banî de rûne û ne ko di qesrekê de bi jinikeke teşxelehebîn.

10Canê xeraban xerabiyê dixwazin û hevalê di wan li ber dilê wan, ne şîrîn in.

11Gava qeşmerek tête êşandin, yê ehmeq pê aqil dibe; û heke dersa yekî hişyar hatiye dayîn, ew pê zana dibe.

12Eqilmend, gava xirabî bi ser mala nerindan de tê, jê ibretê distîne.

13Yê ko di pêşiya hawara belengazan de guhê xwe digire (bila bizane): ew ê jî rojekê gazî bike û kes lê venagerîne.

14Dana ko bi dizîka çêbûye ernê disekinîne û diyariya ko bi awakî veşartî hatiye dayîn xezeban nerm dike.

15Ji bona adilan kirina edaletê xweşdiliyek e; lêbelê mirovên xirab pê diqehirin.

16Yê ko ji reya eqilmendiyê derdikeve, dikeve civata miriyan.

17Yê ko ji zewqê hez dike di desttengiyê de dimîne û yê ko ji zeyt û şerabê hez dike dewlemend na be.

18Mirovê xirab divê bibe fidya dilpakan û yê bêbext yê camêran.

19Çêtir e ko mirov di qeracan de bijî û ne ko li tenişta jinikeke rageş û teşxeleker.

20Xezîneyine biqîmet û zeyt di mala eqilmendan de ne; mirovên bêhiş wan daqurtînin.

21Yê ko dide pey edalet û çakiyê, jiyîn, edalet û serfiraziyê peyda dike.

22Eqilmend dikeve şartsianê egîdan û zora yên ko piştxurtiya wî bûn dibe.

23Yê ko bala xwe dide zimanê xwe; canê xwe ji êş û teşxelan diparêze.

24Qeşmer û tevizker in ko nefismezin û ji xwe razî ne, û bi ern û pozbilindî didin, distînin.

25Daxwaza tiralan wan dikuje, ji ber ko destê wan na kin bixebitin.

26Hin hene ro pê de dixwazin; lê yê pakdil bêminet dide.

27Qurbana neçeyan tiştekî kirêt e; nemaze gava têde niyetine nepak hene.

28Şahidê derewîn wê perîşan bibe; lê mirovê ko dizane bibihîse, her dê bipeyive.

29Peyayê xerab bêar xwe dinepixîne; mirovê pak dilnizm û sergiran e.

30Di pêşiya Xwedê de eqilmendî, şîret û hişyarî nî ne.

31Hesp ji bona roja şerî hatiye cilûçek kirin; lê serfirazî di destê Xwedê de ye.

Currently Selected:

Methelokên 21: MKRPRO

Highlight

Copy

Popular Bible Verses from
Methelokên 21