Methelokên 22

1Navekî baş ji dewlemendiyeke mezin çêtir e; rûmet ji zîv û zêran hêjatir e.

2Dewlemend û belengaz divê tevlîhev bibin, her du jî Xwedê afirandine.

3Eqilmend helaketê dibîne û xwe vedişêre; lê yê çavgirtî pêşve diçe û xesarê dibîne.

4Hatinên pakdilî û tirsa Xwedê; jiyîn, serbilindahî û dewlemendî ne.

5Stirî û kemîn di reya mirovên xirab de ne; lê yê ko ji canê xwe hez dike jê dûr diçe.

6Zaroyan hêj di piçûkahiya wan de bidin ser reya rastiyê; ko ew pîr bû jî, jê dernakeve.

7Dewlemend axatiya belengazan dikin û yê ko deyindar e; xulamê qerddayiyê xwe ye.

8Yê ko tovê xirabiyê direşîne xirabiyê diçine û çoyê erna wî dişkê.

9Mirovê ko nêrîna wî delal e digehe rehmê: ji ber ko ji nanê xwe dide belengazan.

10Qeşmer û tevzekeran biqewirînin; pê pevçûn diqede; û lihevxistin û qedirşkênandin disekine.

11Hevalê mirovê ko ji dilpaqijiyê hez dike û li ser lêvên wî gotinine delal hene, Qral e.

12Çavên Xwedê zanînê dihemîne; lê gotinên bêbextan tevlîhev dike.

13Tiral dibêje: ji ber ve şêr heye; ez di nav kûçe û kolanan de, wê bême kuştin.

14Devê qehbikan çaleke kûr e; û yê ko Xwedê jê eniriye lê dikeve.

15Dînîtî di dilê zaroyan de ye; lê çoya terbiyetê ewê jê dûr têxe.

16Yê ko belengazan têşîne da ko dewlemend bibe; û ji bona piştxurtiya xwe jî, ji malê neheqiyê dide mezinan, dawî dikeve zîvariyê.

17Guh bide, û gotinên eqilmendan bibihîse û zanîna min têxe dilê xwe.

18Rind e ko ev tişt di dilê te de bimînin û li ser lêvên te de bisekinin.

19Da ko tu pişta xwe bi Xwedê xurt bukî, min ev tişt bi te da zanîn.

20Ma min ji bona te pend û şîret ne da nivîsandin;

21Ji bona ko tu hînî tiştine ewle û gotinine rast bibî û ta ko pê bikarî li yê ko tu rêkiriye bi peyivine rast vegerînî.

22Malê belengazan, ji ber ko ew sist û bêçare ne mestîne; û feqîran di devê deriyê xwe de me êşîne;

23Ji ber ko Xwedê wê bibe dawadarê wan û canê yên ko malê belengazan standine wê bistîne.

24Meçe nik peyayên xeydê û bi zorkeran re me meşe;

25Da ko xirabiya di wî jê me girî û xerabiya wî me gehe canê te.

26Têkilî peyayên ko xwe bi gotinan girêdidin û kefiltiya xelkê dikin, me be.

27Heke te ev kir û ketiyî tengiyê, nivîna te jî, ji te dibin.

28Derbazî sînorên kevin yên ko bav û kalên te danîne me be.

29Heke te, di xebata xwe de mirovekî şehreza dît, bizane ko ew di tenişta Mîran de: wê bisekine; ne li ba mirovên hêkêr.

Currently Selected:

Methelokên 22: MKRPRO

Highlight

Copy

Popular Bible Verses from
Methelokên 22