Luk Tơlơi pơthâo brơi
Tơlơi pơthâo brơi
Tơlơi Phrâo Hiam tui hăng Luk pơrơđah Khua Yang Yêsu jing Pô Pơklaih tui hăng tơlơi ƀuăn brơi kơ ƀing Israel laih anŭn ăt jing Pô Pơklaih brơi kơ abih bang mơnuih man mơ̆n. Luk čih glaĭ Khua Yang Yêsu tŭ tơlơi truač ia jâu mơ̆ng Yang Bơngăt Hiam Ơi Adai kiăng kơ “ră ruai Tơlơi Phrâo Hiam brơi kơ ƀing mơnuih ƀun rin” (4:18), laih anŭn hră Tơlơi Phrâo Hiam anai brơi ƀing ta ƀuh Khua Yang Yêsu hmâo hyơ̆k bơngơ̆t nao kơ abih bang tơlơi ană mơnuih kiăng. Tơlơi hơ̆k mơak anŭn jing tơlơi phŭn yom biă mă amăng Tơlơi Phrâo Hiam Luk, boh nik ñu amăng khul črăn tal blŭng laĭ nao kơ tơlơi tơkeng Khua Yang Yêsu, laih anŭn hmâo mơñă glaĭ dơ̆ng amăng črăn hnal tuč tơdang Khua Yang đĭ glaĭ pơ adai. Tơlơi ră ruai kơ tơlơi đĭ kơyar laih anŭn tơlơi ngă pơlar hyu tơlơi đaŏ kơ Yang Krist tơdơi kơ Khua Yang đĭ glaĭ pơ adai ăt hmâo ră glaĭ yua mơ̆ng sa čô pô čih hră hmâo čih laih hră Bruă Mơnuă Kơ Ƀing Ding Kơna.
Hmâo črăn tal dua (črăn 1-2 laih anŭn 9-19) ruai glaĭ lu bruă mơnuă kơnơ̆ng hơduah ƀuh amăng hră Tơlơi Phrâo Hiam anai đôč, hrup hăng tơlơi adoh ƀing ling jang hiam laih anŭn tơlơi čuă ngui mơ̆ng ƀing mơnuih wai triu hlăk Khua Yang Yêsu tơkeng rai, Khua Yang Yêsu đĭ nao pơ Sang Kơkuh Pơpŭ hlăk ñu dŏ čơđai prŏng, tơlơi ră ruai kơ mơnuih Samari hiam klă laih anŭn ană tơdăm rơngiă. Amăng abih hră tơlơi Phrâo Hiam anai, Luk phŭn kơñăm nao kơ tơlơi iâu laĭ, Yang Bơngăt Hiam, bruă ƀing đah kơmơi amăng bruă mơnuă Khua Yang Yêsu, laih anŭn tơlơi pap brơi tơlơi soh.
Jar pơpha
Tơlơi pơthâo (1:1-4)
Tơlơi tơkeng kơ Yôhan Ƀatem, hlăk ñu dŏ čơđai laih anŭn Khua Yang Yêsu (1:5 – 2:52)
Bruă mơnuă Yôhan Ƀatem (3:1-20)
Khua Yang tŭ ƀatem laih anŭn tŭ tơlơi lông lăng (3:21 – 4:13)
Bruă mơnuă klă rơđah Khua Yang Yêsu amăng čar Galilê (4:14 – 9:50)
Tơlơi rơbat nao mơ̆ng Galilê truh pơ čar Yêrusalem (9:51 – 19:27)
Hrơi kŏm hnal tuč jĕ Yêrusalem laih anŭn amăng Yêrusalem (19:28 – 23:56)
Tơlơi Khua Yang Yêsu hơdip glaĭ, pơrơđah Ñu pô laih anŭn đĭ glaĭ pơ adai (24:1-53)
Currently Selected:
Luk Tơlơi pơthâo brơi: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.