Markôs Tơlơi pơthâo brơi
Tơlơi pơthâo brơi
Tơlơi Phrâo Hiam tui hăng Markôs pơphŭn hăng boh pơhiăp pơhaih pơklă tui anai: anai jing “Tơlơi Phrâo Hiam Khua Yang Yêsu Krist, Ană Ơi Adai.” Arăng laĭ Khua Yang Yêsu jing kar hăng sa čô mơnuih kơ tơlơi ngă bruă laih anŭn tơlơi dưi mơyang. Tơlơi dưi mơyang Ñu pơrơđah rai amăng tơlơi Ñu pơtô, tơlơi dưi kơtang hloh kơ ƀing yang sat laih anŭn amăng bruă pap brơi tơlơi soh ană plei pla. Khua Yang Yêsu pơhaih Ñu pô jing Ană Mơnuih hmâo rai laih amăng lŏn tơnah pơyơr tơlơi hơdip Ñu pô kiăng pơrơngai ană mơnuih mơ̆ng tơlơi soh sat.
Tơlơi Phrâo Hiam Markôs čih pơhaih Khua Yang Yêsu amăng tơlơi ƀuh rơđah ƀơi anăp mơta, kơtang laih anŭn pơhiăp kơtang kơ khul bruă Ñu hmâo ngă laih hloh kơ boh pơhiăp laih anŭn tơlơi Ñu pơtô pơblang. Giơ̆ng kơ tơlơi pơphŭn ber kơ Yôhan Ƀatem, ƀatem laih anŭn tơlơi Khua Yang tŭ tơlơi tơnap tap, tañ mơtam pô čih hră čih ruai glaĭ kơ bruă pơtô pơhrăm laih anŭn tơlơi Ñu pơsuaih tơlơi duăm ruă. Hrŏm hơbĭt hăng thŭn blan rơgao hĭ, ƀing ding kơna Khua Yang Yêsu thâo hluh kơ Ñu jai rơđah hloh dơ̆ng, kơđai glaĭ bơ kơ ƀing pơkơdơ̆ng glaĭ kơ Khua Yang Yêsu jing hĭ kơtang hloh dơ̆ng amăng tơlơi ngă ayăt hăng Ñu. Khul črăn giăm pơ rơnuč čih ruai glaĭ kơ khul tơlơi truh amăng hrơi kŏm hnal tuč kơ Khua Yang Yêsu ƀơi lŏn tơnah anai, boh nik ñu jing tơlơi klă kơđi pơ̆ng Ñu pơ kơyâo bơrơkal laih anŭn tơlơi Ñu hơdip glaĭ.
Jar pơpha
Tơlơi pơphŭn kơ tơlơi Phrâo Hiam (1:1-13)
Bruă mơnuă klă rơđah Khua Yang Yêsu ƀơi Galilê (1:14 – 9:50)
Tơlơi rơbat nao mơ̆ng Galilê truh pơ Yêrusalem (10:1-52)
Hrơi kŏm hnal tuč jĕ Yêrusalem laih anŭn amăng Yêrusalem (11:1 – 15:47)
Tơlơi Yêsu hơdip glaĭ (16:1-8)
Khul tal Khua Yang Pô Hơdip Glaĭ hmâo pơƀuh rai laih anŭn đĭ glaĭ pơ adai adih (16:9-20)
Currently Selected:
Markôs Tơlơi pơthâo brơi: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.