Markus 2
2
Jesus lækjer ein som er lam, 1-12; kallar Levi og et i lag med tollmenn og syndarar, 13-17; talar um fasta, 18-22, og forsvarar læresveinane som riv av aks på sabbaten, 23-28.
1Då det leid um nokre dagar, kom han til Kapernaum att, og det spurdest at han var heime.#Matt 9,1-8; Luk 5,17-32 2Då samla det seg so mykje folk at det ikkje var rom åt fleire, ikkje ein gong framfor døri, og han tala ordet til dei. 3So kom dei berande til han med ein som var lam; det var fire karar som bar han, 4men dei kunde ikkje koma fram til Jesus for folkestimen; då tok dei taket av der som han var, og då dei hadde brote hol i himlingen, fira dei ned sengi som den lame låg i. 5Og då Jesus såg trui deira, sa han til den lame: Son, syndene dine er tilgjevne! 6No var det nokre skriftlærde som sat der; dei tenkte med seg: 7Kvi talar den mannen so? Han spottar Gud! Kven kann tilgjeva synder utan ein - Gud? 8Jesus kjende straks i åndi si at dei tenkte so, og han sa: Kvi hyser de slike tankar i hjarta? 9Kva er lettast å segja til den lame: Syndene dine er tilgjevne! eller: Statt upp, tak sengi di og gakk? 10Men so de skal vita at Menneskesonen hev makt på jordi til å tilgjeva synder, so segjer eg deg - sa han til den lame -: 11Statt upp, tak sengi di og gakk heim att! 12Då stod han upp, tok sengi si i same stund og gjekk ut for alle manns augo, so dei alle vart reint frå seg av undring og lova Gud og sa: Slikt hev me aldri set fyrr! 13So gjekk han ut til sjøen att. Då kom alt folket til han, og han lærde dei. 14Som han no gjekk frammed der, fekk han sjå Levi Alfeusson - han sat på tollbui - og Jesus sa til han: Fylg meg! Då reiste han seg og fylgde han.#Matt 9,9-17; Luk 5,27-32 15So hende det at Jesus sat til bords i huset hans, og mange tollmenn og syndarar sat saman med han og læresveinane hans; for dei var mange, og dei fylgde han. 16Og då dei skriftlærde og farisearane såg at han åt i lag med tollmenn og syndarar, sa dei til læresveinane hans: Et han i lag med tollmenn og syndarar? 17Jesus høyrde det og sa til dei: Det er ikkje dei friske som treng lækjar, men dei som hev vondt. Eg er ikkje komen for å kalla rettferdige, men syndarar.#Luk 19,10; 1 Tim 1,15 18Både læresveinane åt Johannes og læresveinane åt farisearane heldt fasta. Og folk kom og spurde Jesus: Korleis hev det seg at læresveinane åt Johannes og åt farisearane fastar, men dine læresveinar fastar ikkje?#Matt 9,14-17; Luk 5,33-39 19Kann bruresveinane fasta medan brudgomen er hjå dei? svara Jesus; so lenge dei hev brudgomen hjå seg, kann dei då ikkje fasta. 20Men det kjem ei tid då brudgomen vert teken ifrå dei; då, når den dagen kjem, skal dei fasta. 21Ingen saumar ein lapp av ustampa ty på eit gamalt klædeplagg; elles riv boti burt noko av plagget - det nye tyet av det gamle - og rifti vert større. 22Og ingen hev ny vin på gamle lerflaskor; elles sprengjer vinen flaskone og vinen øydest, og flaskone med; nei - ny vin på nye lerflaskor! 23Ein gong bar det so til at han gjekk yver åkrane på sabbaten, og læresveinane tok til å riva av aks medan dei gjekk etter vegen.#Matt 12,1-8; Luk 6,1-5; 5 Mos 23,25 24Då sa farisearane til han: Sjå, kva dei gjer på sabbaten! det som ingen hev lov til!#2 Mos 20,8-11 25Han svara: Hev de aldri lese kva David gjorde då han leid naud og svalt, han og dei som var med han?#1 Sam 21,6 26korleis han gjekk inn i Guds hus, den tid Abjatar var øvsteprest, og åt skodebrødi - dei som ingen utan prestane hev lov til å eta - og gav fylgjet sitt med seg?#3 Mos 24,5-9 27So sa han til dei: Sabbaten vart til for menneskja skuld, og ikkje menneskja for sabbaten skuld. 28Difor råder Menneskesonen yver sabbaten og.
Currently Selected:
Markus 2: NO1938N
Highlight
Share
Copy
Want to have your highlights saved across all your devices? Sign up or sign in
© Norwegian Bible Society 1938
© Bibelselskapet 1938
https://www.bibel.no/Nettbibelen/Opphavsrett_2
