Osey 12
12
1Ipala:im obate gwana ila gi pa:pa itawa elelo, laoda: nanoyana lumagi a:na:pi.
Obate ibasegela asemite a:ma kadepa lewabegale laoda: gwalama:te welelelo.
A:pite obate sewata gita: luma dapola gita: begada:mineno.
Oba Asiliyana lumada gi menagi da:mineno.
A:pite obate Olib sape mamena auwamineno Isipt wama.
2 LODote Yudape gi baminamalelo,
oba Ya:ikob dima wisa atamalelo obape sosawenapa ela gima. Obate obape sosawe a:na:mina gima oba dima wisa atamalelo.
3Obate agipe gwana gobala dolate obape kakape a:i gasima kalekalele gwaliyana,
a:pite oba dalagi tepama saote Gododa lapitadoloyana.
4Obate pa:li lumagida lapitada:dele oba gwalite miditiyana.
Obate adimada:dele Godope amowa gima otidoloyana.
Obate Betel baigale oba tilite
a:pite amale obada gwalemonoyana.
5 LOD God Kamalinapa,
LOD enoba obape gibalama gagi bapi.
6Ameta da: gwama da:pe God dima eseda:te na:da:la,
awe iwalela gita: gibalama gi bamina gita:le kakalele litatala,
a:pite tepa waelabegale da:pe Godope gilala atolominamadelewa.
7Lopala ewadolona lumagite sewatanapa awapaminale luma gasuda:mineno,
obate ilile lopala alela gi begale iwaleda:lo.
8Ipala:imite obaya oba awaga gile lalelo.
Na: ya:biya:bi kabigibeyagai,
na: lopala waelanapa lumagi eyamana.
Na:dowali lopala waelabeyagai gobala eta,
pa: awapanapa gita: sosawe gita: pa:pa tida:madili.
9 #
Leb 23:42,43 Na: enoba da:dowali LOD God,
enobate Isipt wa gobale da: alete wama saoyamana.
Na: da: gwama bikiwa gobala eda:na luma da:minamalowa,
de awanana domoda:na tetepala gaomite sa:keladeleyamana gi a:na:pi.
10Na: gigiwina dala dima gwalemonoyamana,
na: obai dima inigwile gi tida: gi waelabeyagai dapuluyamana,
a:pite gulili gilala obaile gwalemonoyamana.
11Giliyad sosawe bapinapa,
Obape luma enobai sosawena.
Giligal wala obai dala ka:o awanana nagala lopala da:minetedili.
Obaimunu balalelamina awanana ba:kele gegenama enobai ba:kele tilida:mina a:na:pi eda:madili,
a pasaminanapa a:ile dowatelamadili.
12Ya:ikobote Alama wama emote weleyana,
Islael obate oko a:na:munoyana susa:gi gwalila gima,
a:pite a:ma susa:gi wisa gima obate sip wai iwa:la eloyana.
13Isipt wala LODote gigiwinapa dalagile Islael gwalite saoyana.
A:pite gigiwinapa dalagile obate Islael sa:lele iwa:la eloyana.
14Ameta Ipala:imite sokamanapa a:na:mina gile obape ga:o a dima:yana,
obate dede samina gima wisa egelamalelo.
A:pite Lodote oba dima alikikimina wisa atamalelo obape sosawe gima, obate Lododima pisala atayana gima.
Currently Selected:
Osey 12: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
