LUKA 3

Yoni Tobapitaisi la kamituli

(Md 3.1-12; Mk 1.1-8; Yn 1.19-28)

1Tuta matutona Taibiria#Matauna mina Roum si Giyouveka paila 14-37 AD. Mapaila taitu kweluwotala kwailimala baisa 28 kaina 29 AD, e Yesu kala taitu eiboda kaina kweluwotolu taitu (kugisi mailela 23). Sisa la karaiwaga taitu kweluwotala kwailimala, Ponitio Pailato#Matauna mina Roum si tokwaraiwaga paila mapilasina Yudia, Sameria deli Idumia, iyosi la guyau 26-36 AD. ikaraiwogi Yudia, Erodi#Matauna Erodi Anitipasa, mina Roum si tokwaraiwaga paila mapilasina Yudia deli Peria, iyosi la guyau 4 BC bila 39 AD. guyoula Galili, e bodala Pilipi#Matauna iyosi la guyau 4 BC bila 34 AD, e la kabokwaraiwaga isisu opiliyavata. guyoula Ituria toyo Tirakoniti, e Lisania guyoula Abilene; 2tuvaila, Anasa deli Kaiapa#Anasa matauna Tolula Toveka wa taitu 6-15 AD. Oluvi yawala Kaiapa eimila Tolula Toveka 18-36 AD. tolula tovakaveka.#Kugisi makasana Biga Kala Katumiki. Tuta matutona la biga Yaubada imakaia Yoni latula Sekaraia oviloupakala.#Kugisi Lk 1.80 kala katumiki. 3E matauna ilokaia viluwela Yoridani komwaidona, e ikamituli, kawala, “Kuninavilasi e babapitaisaimi e Yaubada biligaiwa mi mitugaga.” 4Makawala Aisea tovitoubobuta leigini ola buki,

“Taitala idoudou oviloupakala, kawala,

‘Kukwatubiasaisi la keda Guyau,

kukiduwosisiaisi la keda. #Ais 40.3-5

5Sakalela komwaidona bivakasauwaisi,

komwaidona koya kwevakaveka toyo kwekikekita bibusisi,

doudogala keda bikiduwosisiaisi,

pitupitula keda bikatudubunaisi.

6E tomota komwaidosi bigisaisi la katumova Yaubada.’”

7Mapaila tobobawa imaisi mwada matauna bibapitaisi, e iluki matausina, kawala, “Tubula mitugaga yokomi! Availa ilukwaimi bukusakaulasi metoya omi sula mapula igau Yaubada bimai? #Md 12.34; 23.33 8Kuvagaisi avaka bivituloki mi ninavila. Taga kukwaibigasi oninami, ‘Matauna Eberaam tabudasi’. Paila alukwaimi, gagabila Yaubada bikau dakuna makwaisina bivigaki tubula Eberaam.#Mina Yudia eidokaisi titoulesi Yaubada la tomota tatousi paila uula Yaubada omitibogwa eilivala biga katotila baisa tubusi Eberaam. #Yn 8.33 9Baisa tuta kema eikatubiasaisi mwada biteyasi kai ouula; mapaila avai kai gala biuwa kaiuwala bwaina, biteyasi bilavaisi bila wa kova.” #Md 7.19

10E tobobawa ikatupoiyaisi matauna, kawasi, “Avaka bakavagaisi?”

11Ivitakauloki matausina, kawala, “Matauna isim kala kwama yayu, ibodi bisaiki matauna gala kala kwama; e matauna isim kʹala, ibodi bipati makawala.”

12Tuvaila tokougugula pokala#Kugisi makasana Biga Kala Katumiki. imaisi mwada matauna bibapitaisi e ikatupoiyaisi matauna, kawasi, “Tovituloki, avaka bakavagaisi?” #Lk 7.29

13E iluki matausina, kawala, “Taga bukukwauwaisi bikalisau avaka ikaraiwogaisi paila yokomi.”

14Tokwabilia#Matausina mina Roum omitibogwa eikabiliasi deli mina Yudia, e mina Roum eikalisauwaisi e baisa tuta mina Roum si tokwabilia iiyamataisi valu. tuvaila ikatupoiyaisi matauna, kawasi, “E ammakawamasi avaka bakavagaisi?”

E iluki matausina, kawala, “Taga kulebwaisi metoya baisa availa, tuvaila taga kutabinakaisi availa; e taga bukutakumdusi paila kami mapu.”

15Tomota itulotulasi ivivinagaiyaisi e komwaidosi inanamsasi paila Yoni, kaina matauna Mesaia. 16Yoni ivitakauloki komwaidosi, kawala, “Yeigu abapitaisaimi metoya wa sopi; mitaga taitala eimaima ikalisauwaigu, katubukolela kaikela kala sipu#Wotetila makwaina bibodi taitala towotetila towatanawa wala bivagi, mitaga Yoni eidoki titoulela gala wala avaka omatala Mesaia. gala ikwanaigu bataneku; matauna bibapitaisaimi metoya baisa Baloma Tobumaboma e deli kova. 17Iyosi la kabokila#Otutala tayoyuwa tobigubagula mina Yudia bisailisi witi komwaidona opwaipwaia e tomota deli mauna bivapupoiyaisi mwada bitavileiyaisi witi kanuvinela. Oluvi biyosisi kabokila bilavi komwaidona walakaiwa, e yagila biyuvisau msomsa mitaga waitunela witi bikapusi bim opwaipwaia. E saina gagabila bikougugulaisi bisailisi wa bwaima. oyamala, kidamwa bikatukili witi kalagila deli kanuvinela; la witi bikedidagi ola bwaima — mitaga kanuvinela bigabu wa kova gala bimata.”

18Mapaila ituwoli biga ituwoli biga ikamituli Bulogala Bwaina baisa tomota. 19Mitaga ibuyoyu guyau Erodi paila Erodiasa la kwava bodala,#Matauwena yagala Pilipi (kugisi Mk 6.17) tolela Roum matauna. Mitaga ibodi bitaluluwaisi taitala Pilipi la iliesa isisu, matauwena tokwaraiwaga (kugisi mailela 1). e paila komwaidona avai mitugaga avai mitugaga Erodi leivagi. #Md 14.3-4; Mk 6.17-18 20E Erodi ikalisuwoli la vavagi gaga komwaidona, paila isaili Yoni wa bwala katupipi.

Yesu ibapitaiso

(Md 3.13-17; Mk 1.9-11)

21E ikugwa tomota komwaidosi ibapitaisasi oluvi Yesu ibapitaiso. Ininigada, e labuma ikivi, 22e Baloma Tobumaboma imila mauna makawala bubuna, italakapusi baisa matauna; e kaigila metoya wa labuma ima, kawala, “Yoku Latugu Tombwailigu; saina kuyomwasalaigu.” #Vit 22.2; Sam 2.7; Ais 42.1; Md 3.17; Mk 1.11; Lk 9.35

Yesu Keriso liliula

(Md 1.1-17)

23E tutala Yesu ivitouula la paisewa, kala taitu kaina iboda kweluwotolu, matauna tamala (idokaisi makawala) Yosepa, eisekaili tamala Ilai, 24eisekaili tamala Madati, eisekaili tamala Libai, eisekaili tamala Meliki, eisekaili tamala Yanai, eisekaili tamala Yosepa, 25eisekaili tamala Matadia, eisekaili tamala Emosi, eisekaili tamala Neum, eisekaili tamala Esili, eisekaili tamala Nagai, 26eisekaili tamala Maadi, eisekaili tamala Matadia, eisekaili tamala Semini, eisekaili tamala Yoseki, eisekaili tamala Yoda, 27eisekaili tamala Yoanani, eisekaili tamala Risa, eisekaili tamala Serubabela, eisekaili tamala Sealitieli, eisekaili tamala Neri, 28eisekaili tamala Meliki, eisekaili tamala Adi, eisekaili tamala Kosam, eisekaili tamala Elimadam, eisekaili tamala Eri, 29eisekaili tamala Yosuwa eisakaili tamala Eliesa, eisekaili tamala Yorim, eisekaili tamala Madati, eisekaili tamala Libai, 30eisekaili tamala Simioni, eisekaili tamala Yuda, eisekaili tamala Yosepa, eisekaili tamala Yonam, eisekaili tamala Eliakim, 31eisekaili tamala Meleya, eisekaili tamala Mena, eisekaili tamala Matada, eisekaili tamala Nadani, eisekaili tamala Debida 32eisekaili tamala Yese, eisekaili tamala Obedi, eisekaili tamala Bwasa, eisekaili tamala Salimoni, eisekaili tamala Nasoni, 33eisekaili tamala Aminadaba, eisekaili tamala Adimini, eisekaili tamala Ani, eisakaili tamala Esironi, eisakaili tamala Peresi, eisekaili tamala Yuda, 34eisekaili tamala Yekobe, eisekaili tamala Aisake, eisekaili tamala Eberaam, eisekaili tamala Tira, eisekaili tamala Nayo, 35eisekaili tamala Serugi, eisekaili tamala Reu, eisekaili tamala Pelegi, eisekaili tamala Eba, eisekaili tamala Sela, 36eisekaili tamala Kainana, eisekaili tamala Apakisadi, eisekaili tamala Sem, eisekaili tamala Nowa, eisekaili tamala Lameki, 37eisekaili tamala Metusela, eisekaili tamala Inoki, eisekaili tamala Yaredi, eisekaili tamala Maalaleeli, eisekaili tamala Kainani, 38eisekaili tamala Inosi, eisekaili tamala Seti, eisekaili tamala Adam, e matauna tamala Yaubada.

Currently Selected:

LUKA 3: PNGKIR

Highlight

Copy