LUKA 4

Diabolo itamnabi Yesu

(Md 4.1-11; Mk 1.12-13)

1E Baloma Tobumaboma isividuli Yesu, e ikaimilavau metoya Waya Yoridani. E Baloma Tobumaboma iviyelu nanola Yesu ilau matauna oviloupakala; 2e oviloupakala ikaluwovasi Diabolo#Matauna kala tokwaraiwaga uvagila gaga; maigana yagala kala katumiki “Totabinona”. itamnabi matauna. E wa yam makwaisina ipusoposuma oluvi ikamolu.

3Diabolo iluki matauna, kawala, “Kidamwa yoku Yaubada Latula, kukwaraiwogi dakuna makwaina bimila kaula.”

4E Yesu ivitakauloki matauna, kawala, “Buki Pilabumaboma kala ginigini isisu, ‘Gala kaula wala bimovasi tomota.’” #Kak 8.3

5E ivaligai matauna walakaiwa, ikavitusi baisa matauna watanawa kala kabokwaraiwaga komwaidona okwaitala tuta. 6E Diabolo iluki matauna, kawala, “Baisa yoku karaiwaga makwaina komwaidona basakaim deli kasi katububula; paila komwaidona bogwa isakaigu, e baisa availa magigu basaiki makwaina. 7Mapaila kidamwa bukutemmalaigu bogwa basakaim komwaidona.”

8E Yesu ivitakauloki matauna, kawala, “Buki Pilabumaboma kala ginigini isisu, ‘Bukutemmali Guyau m Yaubada, e matauna kalamwaleta bukuwotitali.’” #Kak 6.13

9E ilau matauna Yesu ilosi Yerusalem, isaili matauna odabala Bwala Kwebumaboma, iluki matauna, kawala, “Kidamwa yoku Yaubada Latula, kukokuwa. 10Paila Buki Pilabumaboma kala ginigini isisu, ‘Bikaraiwogi la anelosi paila yoku, biyamataimsi,’ #Sam 91.11 11deli, ‘Oyumasi bikauwaimsi, taga biwaiya kaikem dakuna.’” #Sam 91.12

12E Yesu ivitakauloki matauna, kawala, “Buki Pilabumaboma ilivala, ‘Taga bukuwakoli Guyau m Yaubada.’” #Kak 6.16

13E Diabolo la tamnabi komwaidona bogwa ivinaku, e isilavi matauna paila igau avai tuta bibodi.

Yesu ivitouula la kamatula Galili

(Md 4.12-17; Mk 1.14-15)

14E Yesu ikaimilavau mapilana Galili e Baloma Tobumaboma la peula eisikaili matauna, e bulogala matauna ikaligiaki valu komwaidona. 15E iuvituloki#Avai tuta tomota bisigugulasi osi bwala tapwaroru, igagabila tovituloki ituwoli ituwoli bisuvisi biuvitulokisi e bititanekwaisi mina Yudia si Buki Pilabumaboma baisa tosusuvi tapwaroru. osi bwala tapwaroru, komwaidosi iyakawolaisi matauna.

Ipakaisi Yesu mapilana Nasaredi

(Md 13.53-58; Mk 6.1-6)

16E imakaia Nasaredi makwaina valu baisa ikaitubwa, e makawala la bubunela wa yam sabate isuvi wa bwala tapwaroru. Itokaia bikalawa#Bwala Tapwaroru kala tokugwa gagabila binagi avai tau goli magila kidamwa bikalawa Buki Pilabumaboma otutala tapwaroru. Buki Pilabumaboma;#Baisa mina Yudia si buki pilabumaboma, yakidasiga tadoki mapilana Kabutubogwa. 17e isakaisi matauna la buki tovitoubobuta Aisea. Buki mpana iulaim, ibani mavilela mavilana kala ginigini isisu,

18“Guyau la Baloma isikailigu,

ibulamaigu kidamwa bakamituli Bulogala Bwaina baisa tonamakava.

Leiwitalaigu bakamituli kasi katuyuvisa tokwatupipi

deli tokwau mitasi bimitalala,

matausina eibodaisi karaiwaga mwau bataneku, #Ais 61.1-2

19e bakamituli kala taitu Guyau mwada bikoli la tomota.”

20Ikatubodi buki, ikaimali baisa tolibaku, e isili. E komwaidosi matausina wa bwala tapwaroru itobu mitasi baisa matauna. 21Ivitouula iluki matausina, kawala, “Lagaila goli ginigini makwaina gala bisala otaigami.”

22E komwaidosi ikamitulaisi paila matauna deli itutu uwosi paila la biga saina bwainigaga ililivala; e ikaibigasi, kawasi, “Ki, matauna Yosepa latula?”

23Iluki matausina, kawala, “Adoki bukulukwaigusi bigivakala makwaina, ‘Toyuvisa kukwatumovaim titoulem; avaka kalagaisi lokuvagi Kapaneum bukuvagi baisa tuvaila om valu tatoum.’” 24Ikaibiga, kawala, “Kululuwaisi baisa - gala taitala tovitoubobuta ikabwailisi ola valu tatoula. #Yn 4.44

25“Mitaga kulagaisi baisa, bidubadu kwabuya isisuaisi Isireli ola tuta Ilaitia, waigigi kala tuta kala kaduwonaku kwaitolu taitu nalima natana tubukona, e molusaula iviloubusi ovalu komwaidona. #1 Gwe 17.1 26Mitaga Yaubada gala iwitali Ilaitia bilokaia availa mitaga kubuyala Sarepata mapilana Saidoni wala. #1 Gwe 17.8-16 27E bidubadu tokwagwaiguya#Yakidasi taginisi lelia makwaina, mitaga mina Girisi si biga eiginisi ikoumgulaisi mimilisi lelia ituwoli ituwoli tuvaila. isisuaisi Isireli Ilaisa tovitoubobuta ola tuta e gala taitala ikatumigileu mitaga Nemani wala, tolela Siria.” #2 Gwe 5.1-14

28Bogwa ilagaisi vavagi makwaisina, komwaidosi matausina wa bwala tapwaroru saina igibuluwasi. 29E itokaiasi itupaisi matauna osisunela valu, ibiaisi matauna wa koya makwaina eibudaisi si valu odadana mwada bilavaisi matauna watanawa. 30Mitaga Yesu isugigai matausina, e ila.

Taitala tau isikaila baloma gaga

(Mk 1.21-28)

31E ibusi Kapaneum,#Mapilana valu isisu milaveta Galili olumata opilikwaibwagayouya. viluwela Galili. Wa yam sabate ivituloki matausina. 32E itutu uwosi la vituloki, paila ililivala makawala isim la karaiwaga. #Md 7.28-29 33Wa bwala tapwaroru taitala tau isisu eisikaila baloma gaga e iwaiweya deli kaigala kaigaveka, kawala, 34“Aa! Avaka bukuvigakaima,#Baisa bigala kominimani, e metoya baisa tanikoli wala magisi mwada bivataisi sola Yesu. yoku Yesu guma Nasaredi?#Kidamwa magisi bilivalasi paila taitala tau, mimilisi tuta bikaibigimgulisi la valu. Kugisi 1 Gwe 17.1 (Ilaitia tolela Tisibe), Mk 15.43 (Yosepa guma Arimatia) deli VA 9.11 (Saulo guma Tasu). Ki, lokuma bukuyabaima? Yeigu anikolaim, yoku Yaubada la Tokabomi.”#Ililivalasi makawala mwada bikibubotaisi Yaubada la Mesaia.

35Yesu ikatilakai baloma, kawala, “Desi kukwapatu, kusilavi matauna.” E bogwa ilavi matauna oluwalaisi matausina, baloma isilavi matauna, e gala goli iyogagi matauna.

36E komwaidosi saina itutu uwosi, ikatumikisi taitala baisa taitala, “Ammakawala biga mabigana? Matauna isim la karaiwaga toyo peula paila ikaraiwogi baloma gaga e isilavaisi.” 37Mapaila iyoyu bulogala Yesu ikaligiaki komwaidona mapilana katitaikinela.

Yesu ikatumovi bidubadu

(Md 8.14-17; Mk 1.29-34)

38Yesu itokaia e isilavi bwala tapwaroru, e isaitaula isuvi ola bwala Saimoni. E Saimoni yawala ikatoula yuviyavi wowola sainela; iyokakapisisi baisa matauna paila minana. 39E itotu ikululuki minana, ibuyoyu katoula makwaina e isolovi minana kala katoula; nanakwa itokaia ivakoma matausina.

40E kalasia isaku pilatala,#Mina Yudia idokaisi kwaitala yam kala vigimkovila tuta makwaina isisalili kalasia, e oluvi gagabila bivitouulasi yam kwaiyuwela la vavagi. E yam makwaina sabate, mauula avai tuta bogwa eisalili kalasia idokaisi sabate bogwa leiwokuva e gagabila bikokeulasi tokwatoula bimaiyaisi e Yesu bikatumovi. matausina iyosisi si tokwatoula, avai katoula avai katoula, komwaidosi imiakaisi Yesu; e isaili yamala baisa taitala taitala, ikatumovi matausina. 41E baloma gaga isilavaisi bidubadu tokwatoula, iwaiweyasi, kawasi, “Yoku Yaubada Latula.”

Mitaga ibuyoyu matausina, gala itagwala bilivalasi avaka, paila inikolaisi matauna Mesaia.

Yesu ititavina tuwoli valu ikikamituli

(Mk 1.35-39)

42Bogwa eiyam, Yesu isilavi baisa ila ovilouwokuva. E tobobawa ininevaisi matauna; bogwa imakaiasi, mwada biyusaisi matauna kidamwa taga bisilavi matausina. 43Mitaga Yesu iluki matausina, kawala, “Ibodaigu bakamituli Bulogala Bwaina paila Yaubada la Karaiwaga#Kugisi makasana Biga Kala Katumiki. baisa tuwoli valu tuvaila; baisa uula leiwitalaigu.”

44E ikikamituli osi bwala tapwaroru mina Yudia.#mina Yudia. Mimilisi buki pilabubogwa iginisi “mina Galili”.

Currently Selected:

LUKA 4: PNGKIR

Highlight

Copy