Jean 17
17
1Tokou Jésus pa ban mbä, nè noun kèmè ke tarr, nè mpana, Bòi, ndò dé mbä, òsou gadji Ngoni, baa Ngoni a kase ta kòsou gadji i.
2Deo kadaba tokou i arè tai do da rò té toï, mbata nè nase ta karedè tébe ke ke ndò ke ndò, dèdè toï ke i arè mbä.
3Yèn to tébe ke ke ndò ke ndò, ke dèdè dase ta geri, i to Allah ke kada tokoro, ke dèdè dase geré Jésus Christ, nè ke i oulè mbä.
4Ma mòsou gadji i nange nèn, mbata mam nda koula ase ke i arem ta karem nda mbä.
5Loshénè, Bòi, òsou gadjim ke ròi té ndja, piti ke ta karem nto deo kadaba tokou ma misi sei dongor leo baa gòl nange nèn to.
6Mam ntòdjou ri dooudjé ke nange nèn ke aremdè. Dèdè nto ngäi leo, baa aremdè, ke dèdè ngem tar loi mbä.
7Loshénè dèdè ngeré né toï ke i arem to ngäi.
8Mbata ma maredè tar ke i arem, dèdè do ke dèdè ngeré tokoro ma mï ròi té, ke dèdè do mèdè té to i ke oulam mbä.
9Mam ndoudjou mbata dèdè, mam ndoudjou mbata dooudjé ke nange nèn ang, mam ndoudjou mbata lodè dèdè ke aremdè, mbata dèdè nto ngäi.
10Né lom toï to ngäi, ke né loi to ngäm, ke ma minga piti mèdè té.
11Ma méh nange nèn ang nga, a dèdè déh nange nèn. Mam ndé ròi té, Bòi ke madji toï, ngemdè ke ri, dèdè ke aremdè, baa dèdè da kase ta dé kadaba deo kadaba tokou djè sei djéh kadaba.
12Tokou ma méh kedè, mam ngemdè ke ri mbä, dèdè ke aremdè. Mam ngemdè madji, doou lodè kada nai ang, bè kadaba, ngon ke ase kwoei, baa ta kare tar maketourou lo Allah ase ta dé to tar ke tokoro.
13Loshénè mam ndé ròi té, ma mpa tar né nèn tokou mam nai nange nèn, baa ta kare koukou lom a kase dousou mèdè.
14Ma maredè tar loi, dooudjé ke nange nèn mbetédè mbä, mbata dèdè nto ngä nange nèn ang, deo kadaba tokou mam nto ngä nange nèn ang.
15Mam ndoudji ta kare i òroudè nange nèn ang, a ta kari ngemdè mbata kare madjang òroudè ang.
16Dèdè nto ngä nange nèn ang, deo kadaba tokou mam nto ngä nange nèn ang.
17Ebardè ke daka mbata loi ndja ke tar ke tokoro. Tar loi to tar ke tokoro.
18Deo kadaba tokou i oulam arem ndé nange nèn, tokou ban ma mouladè nange nèn.
19Mam ngem rom ma ndja mari mbata lodè, baa dèdè da kase ta ngem ròdè dèdè ndja kari to ke tar ke tokoro.
20Mam ndoudjou mbata lodè dèdè nèn ndja kadaba ang, mam ndoudjou mbata lodè to ke do mèdè té sem deo tar té lodè.
21Tokou ban dèdè toï dase ta dé kadaba, deo kadaba tokou i, Bòi, éh mem té, ke ma méh mei té. Tokou ban dèdè dase ta dé kadaba mèdjè té to, baa dooudjé ke nange nèn a kase ko mèdè té to i ndja oulam.
22Ma maredè ndokoo ke i arem, baa ta kare dèdè dase ta kéh kadaba, deo kadaba tokou djè sei djéh kadaba.
23Ma méh mèdè té, ke i éh mem té, mbata dèdè da kase ta dé madji toï ke rò ke kadaba, baa dooudjé ke nange nèn a kase ta geré to i ndja oulam, ke i ndikidè deo kadaba tokou i ndikim.
24Bòi, mam ndiki dèdè ke aremdè ta kare dèdè déh sem to loou ke ma méh kendé. Tokou ban dèdè dase ta ko ndokoo lom ke i arem leo, mbata i ndikim dongor baa gòl nange nèn to.
25Bòi ke gaté gaté, dooudjé ke nange nèn geri leo ang, mam ngeri leo, ke dèdè nèn ngeré to i ndja oulam.
26Mam ntòdjoudè ri, a ma ma tél tòdjoudè. Baa ta kare ndiki ke i ndikim a kase ta kisi mèdè té, ke ma ma kéh mèdè té.
Currently Selected:
Jean 17: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
