Jean 19
19
1Tokou ban Pilate waa Jésus oundè ke djoula.
2Ndjè pouroudjé oudjou djòkedò konn doula dè té, ke dèdè doulè koubou ndörè.
3Dèdè ndé sa, dèdè mpana, Laphia, Mbaibé lo Juifdjé. Ke dèdè ntoundè ke dabala djidè.
4Pilate tél téh daka bai, nè mpa naredè, Woidjé, mam ndé sa maresè, baa ta kare egeridjé to ma mo saria dè té ang.
5Tokou ban Jésus téh daka, djòkedò konn to dè té, ke nè noula koubou ndörè. Pilate pa aredè, Woidjé doou nèn.
6Tokou ban, tokou tòkou ndjè kòrdjé ke padjadjé doè, dèdè mpa ke tarr, mpana, Etòlè, etòlè. Pilate pa aredè, Sésè ndja wèèdjé, etòlèdjé do kake dèse té, mbata ma mo saria dè té ang.
7Juifdjé tél pa sa, Djèdjè djéh ke tar ndedji, deo tar ndedji té lé ase ta kare nè noei, mbata nè mpana nè ndja nto Ngon lo Allah.
8Tokou ban, tokou Pilate wo tar nèn, bel dè nya wota.
9Nè ntél nao kei gange saria té bai, nè mpa nare Jésus, I ï da wa? Jésus tél ilè kendé ang.
10Tokou ban Pilate pa sa, I tél ilam kendé ang wa? I geré ang, ma méh ke singa ta kòri, ke ma méh ke singa ta tòli wa?
11Jésus tél pa sa, I ase ta da sem né kada ang, tokou dari singa ke tarr ang. Tokou ban doou ke waam ari a yéh ke né ke madjang wota.
12Mbata tar nèn, Pilate ndiki ta korè, a Juifdjé pa ke tarr bai, pana, Tokou bo i òrou doou nèn, i to nam César ang. Doou ke pana nè ndja nto mbaibé, nè mbeté César.
13Tokou ban, tokou Pilate wo tar nèn, nè ndé ke Jésus daka. Nè nisi ngèndé gange saria té, loou ke mmar na Pavé, ke tar Hébreu, Gabbatha.
14To ndò da né mbata ndò Pâque, kade dé ngosiba ta karr dana ase misä. Pilate pa ke Juifdjé, Woidjé, Mbaibé losè.
15Tokou ban dèdè mpa ke tarr, Etòlè, etòlè, etòlè do kake dèse té. Pilate pa aredè, Sésè ndikidjé ta karem ntòl mbaibé losè wa? Tòkou ndjè kòrdjé tél pana, Djèdjè djéh ke mare mbaibé ang, bè ndja to César kadaba.
16Tokou ban nè naredè Jésus ta kare dèdè ntòlè do kake dèse té.
17Tokou ban dèdè dwaa Jésus, ke nè nao daka, noto kake yo la ndja. Ntéh né loou té ke mmar na Loou singa do, ria ke tar Hébreu na Golgotha.
18Dèdè doundè do kake té nou, ke mare dooudjé djo sa, kada er kada, kada er kada, ke Jésus éh dana.
19Pilate da maketourou té tò, ke nounda do kake dèse té. Maketourou pana, Jésus ke Nazareth, Mbaibé lo Juifdjé.
20Tokou ban Juifdjé baya toura maketourou nèn, mbata loou ke dèdè ntòl Jésus kendé to ngosiba ke béh. Tar maketourou nèn to ke tar Hébreu ke Latin ke Grec.
21Tokou ban tòkou ndjè kòrdjé lo Juifdjé pa are Pilate, Eda maketourou té, Mbaibé lo Juifdjé ang, a, Doou nèn pana, Mam nto Mbaibé lo Juifdjé.
22Pilate tél pana, Né ke mam nda maketourou té mbä bè nga.
23Tokou ban, goukoudang dèdè ntòl Jésus mbä, ndjè pouroudjé oun koubou la. Dèdè ntir dana sò, ndjè pourou kada oun ngë, ndjè pourou kada oun ngë, ke tòkou koubou la tò. Tòkou kouboun lé deo koulaa to kendé ang, mbata dèdè dounkotè gosè té, dòdjou dourou né mè té.
24Tokou ban dèdè mpa horodè té, Ïyaidjé, etiridjé yéh ke nèn ang, edòòidjé né mbadi bo sè na a bou wa, baa ta kare tar maketourou lo Allah ase ta dé to tar ke tokoro,
Dèdè ntir koubou lom horodè té,
Dèdè ndòò né mbadi ke tòkou koubou lom.
25Tokou ban ndjè pouroudjé a da né nèn. Këndjè ke ngokö këndjè ke dènè, Marie, dènè lo Clopas, ke Marie Magdala dèdè darr ngosiba ke kake dèse lo Jésus.
26Tokou ban, tokou Jésus wo këndjè ke ndjè kao gè té ke nè ndikè darr nou, nè mpa nare këndjè, Dènè, wo ngoni.
27Nè mpa nare ndjè kao gè té nèn, Wo, köindjè. A lé té ndja, ndjè kao gè té nèn tèè ke kei la ndja.
28Gè té nèn, mbata Jésus geré né toï loshénè asenga, mbata tar maketourou lo Allah ase ta dé to tar ke tokoro, nè mpana, Kounda man öm.
29Djo to nou ke vin ke mase dousou. Tokou ban dèdè doun kougal dousou ke vin ke mase, dèdè nto yèn kake hysope té, dèdè doula tè té.
30Tokou ban, gè té ke Jésus aih vin ke mase mbä, nè mpa Bè nga. Nè noula dè, nè noula ndii la.
31Tokou ban, mbata to ndò da né ndò ke bo, mbata ndò sabbat nèn to tokou ndò ke bo, dèdè ndiki ta kare nin to do kake dèse té ndò sabbat té ang. Dèdè ndoudjou Pilate ta tete gòl dooudjé ke doundadè kake té, baa ta kòrou nindè.
32Tokou ban ndjè pouroudjé dé, dèdè ntete gòl doou ke dongor ke mare doou ke doundadè dò kake dèse té deo kadaba sa.
33Tokou dèdè ndé rò Jésus té, dèdè doè nè noei mbä, dèdè ntete gòlè ang.
34Ndjè pourou kada òsou karè ke ninga, mese ke man téh daka ke tòkè.
35Doou ke wo yèn mbä, nè a nòrou nadji, a tar nadji la to tokoro. Nè ngeré nè mpa tokoro, mbata sésè asidjé ko mèsè té tò.
36Mbata né nèn téh tokou ban, baa ta kare tar maketourou lo Allah ase ta dé to tar ke tokoro,
Dèdè da tete singè kada ang.
37Maketourou lo Allah pa mare loou té,
Dèdè da koè nè ke dòsè mbä.
38Go né té nèn, Joseph ke Arimathée, ndjè kao go Jésus té, ke ïyaa tar la loou kiyèè té mbata bel lo Juifdjé dè, nè ndoudjou Pilate ta kao koun nin Jésus, ke Pilate ndiki. Tokou ban nè ndé noun nin Jésus.
39Nicodème, nè ke ndé rò Jésus té leo tilti, nè ndé tò ke yambo myrrhe ke aloès, oi lodè ase dòsò gérè mi.
40Tokou ban dèdè doun nin Jésus, dèdè nkè ke koubou lin. Dèdè dila ndoudjou yambo kendé, deo doubou yo té lodè ke béh lo Juifdjé.
41Ndoo to loou té ke dèdè ntòl Jésus kendé, ke bwa yo ke siki ke yo to mè té ang bai, to mbòr ndoo té nèn.
42Tokou ban dèdè dila nin Jésus kendé, mbata ndò da né ndò ke bo dé ngosiba, ke bwa yon to ngosiba nou.
Currently Selected:
Jean 19: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
