Luc 16
16
1Jésus pa are ndjè kao gè tédjé to, Doou kada ke né kinga la nya éh ke ndjè koula ke ngem né la. Nè no tar lo ndjè koula ke ngem né la ke nè ntoudjou né la.
2Nè mmarè mpa narè, Tar nèn ke mo dòi té to tar di wa? Etoura né lom ke i ngem mbata lom, mbata i ase ta kisi ndjè ngem né lom marè ang nga.
3Ndjè ngem né pa mèa té, Mam nda di wa, mbata ebemdjè ata kòrou koula ngem né djim té? Singa lom ta kourou bwa goto, ke ròkoul dam ta koi né dji dooudjé té.
4Ma medji né ke ma ma da ta kare dooudjé waam ke mè kei té lodè, tokou ntoubam koula ngem né té mbä.
5Tokou ban, nè mmar dooudjé ke touna né lo ebèèdjè kada kada. Nè mpa nare yéh ke dongor, I touna né lo ebemdjè ase ban wa?
6Nè mpana, Oubou ke dòdjou djo dòdòkou. Ndjè ngem né pa arè, Etaa maketourou loi, isi nange loshénè loshénè, eda mè maketourou té dòmi.
7Bana nè mpa nare mare kada, I touna né ban wa? Nè mpana, Kandé ko ase karè dòdòkou. Nè mpa narè, Etaa maketourou loi, eda mè maketourou té dòdjidjo.
8Ebèèdjè pa tar ke madji do ndjè ngem né la ke gatang, mbata kemkarè la. Mbata horo gel dooudjé té ke nange nèn ngandè ke ndò té lodè, ndai ngan lokarèdjé ke kemkarè.
9Ma mpa maresè, Waaidjé bokora mbata losè deo té lo narè ke to gaté gaté ang, mbata tokou narè dousè, dèdè da taasè ke kei kisi té ke ndò ke ndò.
10Nè ke nda ke mè ndaa kaï ke né ke ngadji ngadji, nda ke mè ndaa kaï ke né ke bo to. Nè ke nda gatang ke né ke ngadji ngadji, nda gatang ke né ke bo tò.
11Tokou ban, tokou sésè edaidjé ke mè ndaa kaï ang ke narè ke to gaté gaté ang, na a karesè ta ngem né kinga ke tokoro wa?
12Tokou sésè ngemidjé né lo mare doou ke mè ndaa kaï ang, na a karesè né ke to né losè wa?
13Ngonlokisi kada ase ta da koula lo ebèèdjèdèdè djo ang, mbata nè na mbeté yéh ke kada ke na ndiki marè, aséh nè na da kare yéh ke kada madji, ke nè na ko tar lo marè ang. Sésè asidjé da mbata Allah ke mbata narè djokem ang.
14Pharisiendjé wo tar nèn toï, dèdè nkoukè mbata dèdè nto ndjè ndiki narè nya.
15Jésus pa aredè, Sésè etoidjé to dèdè ke epaidjé tar losè ndja to gaté gaté no dooudjé té, a Allah geré mèsè, mbata né ke dooudjé piti horodè té to né ke madjang nya kem Allah té.
16Tar ndedji ke prophètedjé déh leo sar ndò té lo Jean, goukoudang ndè tén lé dèdè mpa tar ke madji lo béh ko lo Allah, ke dooudjé kada kada da ta kao mè té ke singa.
17To ngeng ang mbata kare dara ke nange nèn ta ndai, a ngon tar maketourou ndedji ase ta dé to né ke ba kada ang.
18Dooudjé kada kada toï ke touba dènè lodè ke taa marè, dèdè nda kaiya. Nè ke ntaa dènè ke ngaoèdjè toubè mba, nda kaiya tò.
19Doou kada ke ndjè né kinga nya éh tén. Nè noula koubou ndörè ke koubou lin rè té. Nè nön mourou ke madji nya ke ndò ke ndò.
20Doou kada ke to dangeté ria na Lazare, to tadeo kei té la, rè toï to doo.
21Nè ndiki ta kön kese mourou ke oso nange kò table té lo ndjè né kinga nèn. Bana bisidjé dé ton doo la.
22Dangeté nèn woei, a angedjé otè ao sa kare Abraham té. Ndjè né kinga nya woei tò, a dèdè ndoubè.
23Loou té ke djabao ongou dè nya, nè ntourou kèmè ke tarr, nè no Abraham deo eo nya, ke Lazare to karè té.
24Nè mpa ke tarr, Bòi Abraham, eda mè madji sem, oula Lazare ta kare noula ngaodja man té, nila ndöm té nare woul, mbata ongou dam nya mè pourou té nèn.
25A Abraham pana, Ngon, edji dò tar té loi ke ndò tébe té loi, i inga né ke madji loi, Lazare inga né ke madjang ndò tébe té la. A bashénè nè nisi ke mè woul nèn ke i isi ke né ongou.
26Wota tar nèn, tokou bwa to dana horodjè té, tokou ban dèdè ke ndiki ta kï nèn ta kao ròi té, da kase ang, ke mare kada ase ta kï nou ta ndai dé nèn ang.
27Nè mpana, Tokou ban mam ndoudji nya, Bòi, ta koula Lazare karè nao kei lo bòmdjè.
28Mbata ngakömdjé ke dingao éh mi, tokou ban nase ndedjidè, baa ta kare dèdè ndé loou ongou té nèn ang nga.
29Abraham pana, Moïse ke prophètedjé déh kedè, ase kare dèdè do tar lodè.
30Nè mpana, Ban ang Bòi Abraham, tokou doou kada ï mè bwa yo té ao ròdè té, dèdè da mbeté kedji né da ke madjang lodè.
31Abraham pa arè, Tokou dèdè do tar lo Moïse ke prophètedjé ang, dèdè da ko ang tò tokou mare doou ï mè bwa yo té.
Currently Selected:
Luc 16: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
