Luc 17
17
1Jésus pa are ndjè kao gè tédjé, Tar kere koso a dé to ke tokoro, a ongou a da doou ke aredè ndé deo té la ndja.
2Doou ke ata kere ngon ke ngadji kada nèn ta karè nda né ke madjang, to madji wota mbata la ta tò tokou biri err gosè té, ké ta kilè mè tokou man té.
3Ngemidjé tar losè madji, tokou ngokoi da né ke madjang, ndangè, tokou nè mbeté kedji né da ke madjang la, ïya tar la.
4Tokou nè nda sei né ke madjang gar shiri ke ndò kada, ke nè ntél ròi té gar shiri mpana, Ma mbeté kedji né da ke madjang lom, to tar loi ta kïya tar la.
5Ndjè kouladjé pa are Mbaibé Seigneur, Aredjè ko mè té boui wota.
6Mbaibé Seigneur pana, Tokou ko mè té losè ase tokou kandé sénevé kada, sésè asidjé ta pa kare kake sycomore nèn, Òrou ke ngirai ndja ao edoubou mè tokou man té, nè na ko tar losè.
7Doou kada ke da horosè té ke éh ke ngonlokisi kada ke ao ndoo té la, aséh ao ngem batidjé la, tokou ngonlokisi tél mè kei té nè na pa karè, Edé loshénè, isi ta table té ta kon mourou wa?
8Nè na pa karè tar nèn ang wa, Eda mourou arem, oula koubou ròi té, eda sem nderèng ma mön mourou ke maih, goukoudang i a kön mourou ke i a kaih?
9Nè na da woio kare ngonlokisi mbata nè nda né ke nè mpa narè mbä wa?
10Tokou ban ke sésè tò, tokou sésè edaidjé né toï ke mpa daresè, epaidjé, Djèdjè nto nganlokisidjé ba, djèdjè nda koula ke to tar lodjè ta da ba.
11Ke deo bo ta kao Jérusalem té, nè nao ndai ngange nange Samarie té ke Galilée.
12Tokou nè ntéh mè béh té kada, dooudjé ke ndjè bandjidjé dòkou dé rè té. Dèdè darr dèbè eo ngadji.
13Dèdè mpa ke tarr, mpana, Jésus, ndjè tòdjou tar, eda mè madji kedjè.
14Tokou nè nodè, nè mpa naredè, Abidjé, etòdjidjé ròsè ndjè kòrdjé. Tokou dèdè da dao, ròdè dé madji.
15Bana doou kada ke horodè té, tokou nè no rè to madji, nè ntél nòsou gadji Allah ke mpa ke tarr.
16Nè noso ke natenè no goi Jésus té, nda woio Jésus. Nè nto Samaritain.
17Bana Jésus pana, Dèdè ke ròdè dé madji ase dòkou ang wa? Maredjé ke djikada éh da wa?
18Mare kada tél ta kòsou gadji Allah ang, sè doou ke dang nèn kadaba wa?
19Jésus pa arè, Ï tarr, ao, ko mè té loi da ròi madji mbä.
20Mbata Pharisiendjé doudjè mbata béh ko lo Allah a dé ke ndò di wa, Jésus tél tar aredè pana, Beh kö lo Allah a dé deo né tòdjou té ke ta ko ang.
21Aséh dèdè da pa ang to, Woidjé, to nèn, aséh, To yon, mbata woidjé, béh ko lo Allah to horosè té nèn.
22Bana nè mpa nare ndjè kao gè tédjé, Ndò ao dé ke sésè a ndikidjé ta ko ndò kada lo Ngon lo doou, a sésè a koèdjé ang.
23Dèdè da pa karesè, Woidjé yon, aséh, Woidjé nèn. Abidjé ang, abidjé godè té ang.
24Mbata tokou ndi ke tél ke arè loou ke dara, ndokoo er kada sar marè, Ngon lo doou to tokou ban ke ndò té la.
25A dongor nè nase kinga né ongou nya, ke gel dooudjé ke loshénè a mbetè.
26Deo kadaba tokou to ndò té lo Noé, a to tokou ban ndò té lo Ngon lo doou.
27Dèdè dön mourou, dèdè daih, dèdè ntaa dènè, dèdè dare dènè dingaodjé sar ndò té ke Noè ao mè to té, ke man ndi ke boui dé tòldè toï.
28Deo kadaba tokou to ndò té lo Lot. Dèdè dön mourou, dèdè daih, dèdè ndoko mare né, dèdè dare dooudjé ta ndoko né, dèdè ndoubou kandé ko, dèdè nda kei.
29A ndè tén ke Lot téh Sodome té ke daka, pourou ke koundou sa ï dara oso, tòldè toï.
30A to tokou ban ndò ke Ngon lo doou a téh.
31Ndò té ke nou, doou ke isi do kei té, ke né la to mè kei té, ase kare nè ndisi ta koun né la ang. Deo kadaba ke doou ke éh mè ndoo té, ase kare nè ntél goukou ang.
32Edjidjé tar lo dènè lo Lot.
33Doou ke sange ta kadji tébe la, nè na nai, a doou ke tébe la nai, nè na ngemè.
34Ma mpa maresè, ke tilè tén ndja dingaodjé djo a to twa té kadaba, da koun yéh ke kada, a da kïya marè ke kada.
35Ndò té ke nou, dènèdjé djo a kourou né naaté, da koun yéh ke kada, a da kïya marè ke kada.
36Dingaodjé djo a kisi mè ndoo té, da koun yéh ke kada, a da kïya marè ke kada.
37Dèdè mpa darè, Loou té ke da wa, Mbaibé Seigneur? Nè mpa naredè, Loou té ke nin to kendé, maldjé a mbòna kendé nou.
Currently Selected:
Luc 17: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
