Marc 16
16
1Tokou ndò sabbat ndai mbä, Marie Magdala ke Marie ko Jacques ke Salomé, dèdè ndoko bou yambo, tokou ban dèdè dase kao sa oubou yambo do nin Jésus té.
2Ke sindo, ndò té ke dongor ndò shiri, dèdè dao bwa yo té tokou kade téh.
3Dèdè mpa horodè té, Na baa a ngese err nèn ta bwa yo té karedjè wa?
4Tokou dèdè daa loou, do errn lé ngese ke dang mbä, mbata errn lé boui nya.
5Tokou dèdè dao mè bwa yo té, dèdè do doou ke to basä isi do dji kòlè té, koubou ke ndaa to rè té. Mèdè ounda dò biä.
6Nè mpa naredè, Aridjé mèsè ounda dò biä ang, sésè esangidjé Jésus ke Nazareth, nè ke dèdè ntòlè. Nè nï mbä nga, nè néh nèn ang, woidjé loou ke dilè kendé.
7Abidjé epaidjé are ndjè kao gè tédjé ke Pierre, nè nao ta kao Galilée té kèté dongor karesè. Sésè a koèdjé nou, deo kadaba tokou nè mpa naresè leo.
8Dèdè ntéh bwa yo té, dèdè daïngòrou mbata ròdè isa ke mèdè ounda do biä. Dèdè mpa tar kada dare doou kada ang mbata bel dadè.
9Tokou Jésus ï mbä nga ke sindò ndò té ke dongor ndò shiri, nè ntéh rò Marie té ke Magdala, nè ke Jésus touba ndii ke madjang shiri mèa té leo.
10Dènèn lé ao pa are ndjè ke isi sa leo tokou dèdè dan nnò ke ongou, ke dao nnò ke man kemdè.
11Tokou dèdè do Jésus isi ke tébe, ke dènè nèn woè mbä nga, dèdè ndiki ta ko tar la ang.
12Goukoudang nèn Jésus téh ke rò ke dang inga ndjè la djo, tokou dèdè dao ndja ke deo ke mè ndòò té.
13Dèdè dao mpa dare mare ndjè kao gè tédjé, dèdè ndiki ta ko tar lodè ang tò.
14Gè té Jésus téh rò dèdè dòkou gérè kada té tokou dèdè disi ta kon mourou, nè ndangedè mbata dèdè do mèdè té ang, mbata mèdè ngeng, mbata dèdè ndiki ta ko tar lo ndjè ke woè ang, goukoudang nè ntéh mbä.
15Nè mpa naredè, Abidjé loou toï ke nange nèn, epaidjé tar ke madji lo Allah are dooudjé toï.
16Doou ke wo mèa té a ndjè inga baptême, nè na kinga kadji, doou ke wo mèa té ang a saria a koso dè té.
17Né tòdjou a dé go dooudjé té ke wo mèdè té, dèdè da touba ndii né ke madjang ke ri Jésus. Dèdè da pa tar ke ta ke dang dang.
18Dèdè da kwaa h, ke tokou dèdè daih kouma ke madjang a dadè madjang ngadji ang. Dèdè da kila djidè dò ndjè rò toodjé té, a rò too lodè a goto.
19Tokou ban gè té Mbaibé Jésus pa tar kedè mbä, nè nao dara, nè nisi dò dji kòl Allah té.
20Dèdè dao, dèdè ntòdjou tar ke madji ke loou toï, a Mbaibé Seigneur da kedè, a tòdjou dooudjé tarn lé to tar ke tokoro mbata né tòdjou nèn dé gè té. Amen.
Currently Selected:
Marc 16: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
