Paikhiatna 9
9
Gante tunga Gimna
1Tua ciangin TOPA in Moses tungah, "Pharaoh kiangah pai inla, ‘Hih in TOPA Hebrew-te’ Pasian, cih ahi hi: Kei hong biak theih nadingun ka mite paisak hen," 2 Amaute na paisak nop kei a na letcip lai leh, 3 TOPA khut in gamsunga na gante uh - na sakolte, na laate, na kala-ohte le na bawnghonte le na tuute le na keelte uh tungah a mulkim huai pulpi a tungsak ding hi. 4 Ahi hangin TOPA in Israel-te tawh kisai ganhing peuhmah a sih loh nadingin Israel-te’ ganhing le Egypt-te aa deidanna khat ka nei ding hi,’ ci hi,’ va ci in," a ci hi.#Pk 8:1,22
5 TOPA in hun khat seh a, "Zing ciangin TOPA in leitang ah hih a sem ding hi," a ci hi. 6 A zing ciangin TOPA in a sem hi: Egypt-te’ ganhing khempeuh si a, ahi hangin Israel-te neihsa ganhing peuhmah khat beek a si kei hi. 7 Pharaoh in a kantel dingin mite sawla, Israel-te’ ganhingte khat nangawn a sih loh lam a mu hi. Tua hi napi a lungsim nem tuan lo-a, mite pai ding a phal kei hi.
Meimatum Gimna
8 Tua ciangin TOPA in Moses le Aaron tungah, "Pum meikhuk panin innking khutdim khat pham inla, Pharaoh muh in Moses in huih lakah lawn hen. 9 Egypt gambup tungah leivuinel suak dinga gamsung khempeuh a mihingte le ganhingte tungah kizelin meimatum naitawm a suak ding hi," a ci hi.#Kil 16:2
10 Tua ciangin amaute in pum meikhuk pana innking la-in Pharaoh mai-ah a ding uh hi. Moses in huih lakah lawna, mihing tung le ganhing tungah meimatum naitawm a kizelh hi. 11 Amaute tung le Egypt mi khempeuh tunga meimatumte hangin mitphial siamte Moses mai-ah a ding thei kei uh hi. 12 Ahi hangin TOPA in Pharaoh lungsim khauhsak-a, TOPA cihsa bang tektek in Moses le Aaron thu a ngai kei hi.#Pk 4:21
Gialpi Gimna
13 Tua ciangin TOPA in Moses kiangah, "Zingsangin tho baih inla Pharaoh maituahin ama kiangah, ‘Hih in TOPA Hebrew-te’ Pasian gen ahi hi: Ka mite in kei hong biak theih nadingun paisak in, 14 ahikeh tu tungin nang tung, na uliante le na mite tungah kong gimsak nading a khauh pen kong tungsak dinga, tua ciangin leitung khempeuh ah kei tawh a kibang khatbeek a om loh lam na thei ta ding hi. 15 Ahang in, tu mahmah in ka khut zankhia in, nang le na mite leitung pana hong phiatmang ding pulpi kong tungsak thei hi. 16 Ahi hangin ka vangliatna le leitung khempeuhah ka min a kitangko theih nadingin hih thu hangin nang kong sangsak to b#9.16 Ahikeh nang kong awnghon hi. 17 Nang mahmah in ka mite na langbawla, amaute pai ding na phal kei hi. 18 Tua ahi manin tutunga pen zing ciangin, Egypt a kisat-a kipan tu dong gial kiasate sanga a nasia zaw gialpi ka kiasak ding hi. 19 Inn-a om lo gamsunga om lai mihing ganhing peuhmah tungah gialpi kia-in amaute si ding uh ahi manin na gahhingte le gam sunga na neih khempeuh hawlin a liah ding omna mun khatah a omsak nadingin tu-in thu pia in, ci hi,’ ci-in gen in," a ci hi.#Ro 9:17; Pk 8:10
20 TOPA kammal a kihta Pharaoh uliante in manlangin a silate uh leh a ganhingte uh a sungah a koih uh hi. 21 Ahi hangin TOPA kammal a thudon lote in a silate uh le a ganhingte uh gam sungah a hici omsak uh hi.#Pn 13:13
22 Tua ciangin TOPA in Moses kiangah, "Egypt tung khempeuh - mihing ganhing tung le Egypt-te lo-a po na khempeuh tungah gialpi a kiat nadingin na khut van lamah zankhia in," a ci hi. 23 Moses in a ciangkhut van lamah a viktoh ciangin TOPA in vanging le gialpi sawla leitungah khua a phiasuk hi. Tua ciangin TOPA in Egypt gam tungah gialpi a zusak hi; 24 Gialpi kia a, khua a phia tuah kawikawi hi. Egypt minam khata a om a kipan huihpi nasia pen ahi hi. 25 Egypt gam bupah lo-a na khempeuh - mihing ganhing a denggawp hi; lo sunga po khempeuh dengzan gawpa, singkung peuhmah a heuh khin hi. 26 Gialpi kiat lohna Israel-te omna Goshen gam bek ahi hi.#tg 4; Ph 105:32-33; Jos 10:11
27 Tua ciangin Pharaoh in Moses le Aaron sam-a, amaute kiangah, "Tutungin ka khial hi, TOPA a man hi-a, kei le ka mite a khial ka hi uh hi. 28 Gialpi le vanging ka kham ta uh hi, TOPA kiangah thu ngen un. No kong paisak ta ding hi; tu-a ban na omlai ding uh kisam nawn lo hi," a ci hi.
29 Moses in, "Khuapi pan ka paikhiat ciangin TOPA kiangah thungenin ka khutte ka zak ding hi. Van ging nawn loin gialpi a kia nawn kei ding hi; tua ciangin leitung pen TOPA aa ahilam na thei thei ding hi. 30 Ahi zongin nang le na uliante in Pasian, TOPA na kihta nai kei lai uh hi, cih ka thei hi," a ci hi.#1Ku 8:22,38; Ph 24:1
31 (Pat a pak laitak hi-a, buhmante a vuih laitak ahi manin pat le buhman a kisia hi. 32 Mangbuh le mangbuh-ham min nunung ahi manin a kisia kei hi.)#Ru 1:22
33 Tua ciangin Moses in Pharaoh paisan-a, khuapi pua-ah a paikhia hi. Amah in TOPA lamah a khut a zan hi; vanpi ging le gialpi kia khawl a, leitungah guah a bua nawn kei hi. 34 Pharaoh in guah, vanpi ging le gialpi theu ta cih a muh ciangin a mawh kik hi. Amah le a uliante in a lungsim uh a khauhsak uh hi. 35 Tua ahi ciangin TOPA in Moses tungtawna a gensa bang tektekin Pharaoh lugsim khauh a, Israel-te pai ding a phal kei hi.#Pk 4:21
Currently Selected:
Paikhiatna 9: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
