Piancilna 38
38
Judah le Tamar
1Tua hun laitakin, Judah in a sanggamte nusia-a, Adullam-te Hirah min nei khat tawh a om khawm hi. 2 Tua lai-ah Judah in Canaan mipa Shua’ tanu a mu hi. Amah in tuanu tenpiha, luppih hi. 3 Amah gai-in tapa khat nei-a, a min Er ki phuak hi. 4 Amah in nau paii leuleu a, tapa khat nei in a min Onan phuak hi. 5 Tapa dang khat neih beh lai-a, a min Shelah phuak hi. Tuanu in amah a suahna mun Kezib ahi hi.#1Kh 2:3; 4:21
6 Judah in a ta upa pen Er zi neisaka, tuanu min Tamar ahi hi. 7 Ahi hangin Judah ta upa pen Er, TOPA muhna ah gilo a, TOPA in that hi.#1Kh 2:3
8 Tua ciangin Judah in Onan kiangah, "Na sanggampa’ zi luppih inla, tuanu tungah pasal sanggampa khat tavuan tangtun in," ci hi. 9 Ahi hangin Onan in ama khang kizopna hi lo ding cih thei-a, a sanggampa’ zi a lupih ciangin a sanggampa’ khang a kizop loh nadingin a luppih simin a bawtui lei lakah a buasak hi. 10 TOPA muhna-ah, ama gamtatna hoih lo hi; tua lai-a amah zong a that hi.
11 Tua ciangin Judah in a monu Tamar kiangah, "Ka tapa Shelah a khankhit mateng meigongin na pa’ innah va om phot in," ci hi. Ahang in, "A sanggamte bangin amah zong si kha ding hi," ci-in amah in a ngaihsun hi. Tua ahi ciangin a pa’ inn-a om dingin Tamar ciah hi.#Ru 1:13
12 Tua zawh sawtveipi ciangin Judah’ zi Shua’ tanu a si hi. Judah a dahna teng a kap ciangin ama tuumul mette omna Timnah ah paito a, a lawmpa Adullam mi Hirah in amah zui hi.#Jos 15:10,57
13 Tamar kiangah, "Na tekpa a tuumul met dingin Timnah ah hong pai hi," ci-a a kigen ciangin a meigong puan teng suahkhia-a, 14 a lutun khu-in kizema, Timnah zuatna lampi gei Enaim lutna-ah a na tu hi. Ahang in, Shelah khankhin ta a, amah tawh lah a kitengsak nai loh lam amah in mu hi.#Pc 31:19
15 Judah in amah a muh ciangin tuanu in a mai khuh ahi manin numei kizuak hi, ci-in a ngaihsun hi. 16 Amah a monu ahilam thei lo a, lamgei ama kiangah va pai-in, "Hong pai in, kei tawh lumkhawm ni," a ci hi.#Sp 18:15; 20:12
Tuanu in, "Tua ahileh nang tawh lumkhawm leng bang nong pia ding hiam?" ci-in dong hi.
17 "Ka ganhon lak pan keelno khat kong khak ding hi," ci hi.#Eze 16:33
Tuanu in, "Nong khak mateng kiciamna khat nong pia ding hiam?" ci-in dong hi.
18 Amah in, "Bang kiciamna kong pia ding hiam?" a ci hi.
"Na seal le a awhna khau le na khuta na ciangkhut," ci-in dawng hi. Tua ciangin amah in tuate pia-in amah luppih-a, tuanu a gai hi. 19 A paisan khit ciangin tuanu in a lukhuhna lakhia-a, a meigong puan a silh kik hi.
20 A sawt loin Judah in a lawm Adullam mipa numeinu tunga a kiciamna keelno pia dingin a paisak hi, ahi hangin tuanu a mu zo kei hi. 21 Tua lai-a teng mite donga, "Lampi gei Enaiam a biakbukno a numei kizuaknu koi-ah om hiam?" ci-in a dong hi.#Sp 19:29
"Hih lai-ah biakbukno a kizuak kuamah a om ngei kei hi," ci uh hi.
22 Tua ciangin Judah kiangah ciah kika, "Tuanu ka mu zo kei hi, tua banah tua lai-a tengte in, ‘Hih lai-ah biakbukno a numei kizuak om ngei zenzen lo hi, ci uh hi," ci hi.
23 Tua ciangin Judah in, "Amah hih keelno khak inga, nang amah na va muh zawh loh nungsang; hong kinuihsan kha incin a kepsa teng tang mai hen," ci hi.
24 Tua zawh kha thum bang ciangin Judah kiangah, "Na monu Tamar kizuakin khial-a, tu-in gaii hi," ci-in kigen hi.
Judah in, "Kaikhia unla hallum un," ci hi.
25 Amah in a kikaihkhiat ciangin a tekpa kiangah kam vaikhaka, "Kei hihte neipa tawh a gaii ka hi hi," a ci hi. Tua banah, "En in, hih seal awhna khau le ciangkhutte kua aa cih na thei hiam?" cih beh lai hi.#tg 18
26 Judah in tuate thei a, "Ka ta Shelah tawh ka kitensak loh nungsangin kei sangin amah thuman zaw hi," ci hi. Tua ciangin tuanu a luppih nawn kei hi.#Isa 24:17
27 A suah hun a tun ciangin a naubu sungah pasal nih a peng hi. 28 A suah ciangin amaute khat a khut a dawk masa hi. Tua ciangin naudomnu in khausan khatin a khutdawh ah khih-a, "Hih hong suak masa pen ahi hi," ci hi. 29 Ahi hangin a khut dawk tum kik a, a sanggampa paikhia-in, tuanu in, "Hih pen nangma phutkhapzia ahi hi!" a ci hi. Tua ciangin ama min Perez c#38.29 Perez pen phukham cihna ki phuak hi. 30 Tua ciangin a khutdawh-a khausan kikhih a sanggampa suakkhia-a, a min Zerah d#38.30 Zerah pen dupsan ahikeh tangphutna cihna hikha ding ki phuak hi.#Pc 46:12; Ms 26:20-21; Mt 1:3
Currently Selected:
Piancilna 38: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
