Piancilna 46
46
Egypt ah Jacob Pai
1Tua ciangin a neihsa khempeuh tawh Israel kuankhia-a Beersheba a tun ciangin a pa Isaac’ Pasian tungah biakpiaknate pia hi.#Pc 31:42
2 Israel in zanin mang mu a Pasian in, "Jacob, Jacob," ci hi.#Pc 15:1; Job 33:14-15
Amah in, "Hiah ka om hi," ci-in dawng hi.#Pc 22:1
3 Amah in, "Keimah Pasian, na pa’ Pasian ka hi hi; Egypt ah na paisuk ding lau kei in, ahang in, tua lai-ah nang minam lian khat kong suaksak ding hi. 4 Egypt ah nang kong tonpih suk dinga, kong ciahpih kik pelmawh ding hi. Joseph khut in na mit a khupsak ding hi," ci hi.#Pc 12:2; 50:1,24
5 Tua ciangin Jacob in Beersheba nusia a, Israel’ tapate in a pa uh Jacob le a zi a tate uh Pharaoh in ama tuan nadinga a khak lengte tungah a tuangsak uh hi. 6 Amaute in a ganhonte uh zong hawl uh a, Canaan-a, a neihsate uh le a suan-le-khakte khempeuh uh tawh Egypt ah a pai uh hi. 7 Amah in ama suan-le-khakte - a tapate, a tupate le a tanute le a tunute khempeuh Egypt ah tonpih hi.
8 Hihte, Egypt a pai Israel mite (Jacob le a suan-le-khakte) ahi hi.#Pk 1:1
Jacob ta upa pen Reuben.
9 Reuben’ tapate:#1Kh 5:3
Hanoch, Pallu, Hezron, le Carmi.
10 Simeon’ tapate:#Pc 29:33
Jemuel, Jarmin, Ohad, Jakin, Zohar le Canaan numei’ tapa Shaul
11 Levi’ tapate:#Pc 29:34
Gershon, Kohath le Merari.
12 Judah’ tapate:#Pc 29:35
Er, Onan, Shelah, Perez le Zerah (ahi hangin Er le Onan Canaan leitangah si zo hi.)
Perez’ tapate:#1Kh 2:5
Hezron le Hamul.
13 Issachar’ tapate:#Pc 30:18
Tola, Puah, a#46.13 Samaritan Pentateuch le Syraic(Kh.7:1 zong en in) Masoretic Bute ah Puvah Jashub b#46.13 Samaritan Pentateuch le Septuagint khutgelh pawlkhat ah (Ms.26:24 le Kh. 7:1 zong en in) Masoretic Bute ah Iob le Shimron.
14 Zebulun’ tapate:#Pc 30:20
Sered, Elon le Jahleel.
15 Hihte, Paddan Aram c#46.15 Tua pen Masopotamia Sak-nitumna a Leah in Jacob tawh a neih tapate banah ama tanu Dinah ahi hi. Hih ama tanu le tapate a vekin sawm thum le thum ahi hi.
16 Gad’ tapate:#Pc 30:11
Zephon d#46.16 Samaritan Pentateuch le Septuagint(Ms.26:15 zong en in); Masoretic Bu ah Ziphion Haggi, Shuni, Ezbon, Eri, Arodi le Areli.
17 Asher’ tapate:#Pc 30:13
Imnah, Ishvah, Ishvi le
Beriah Amau sanggamnu Serah ahi hi.
Beriah’ tapate:
Heber le Malkiel.
18 Hihte, Laban in a tanu Leah tunga a piak, Zilpah in Jacob tawh a neih tate hi a - a vekin sawm le guk ahi hi.
19 Jacob’ zi Rachel’ tapate:
Joseph le Benjamin. 20 Egypt ah Joseph in On e#46.20 Tua pen Heliopolis a siampi Potiphera’ tanu Asenath tawh Manasseh le Ephraim nei hi.
21 Benjamin’ tapate:
Bela, Beker, Ashbel, Gera, Naaman, Ehi, Rosh, Muppim, Huppim le Ard.
22 Hihte, Jacob pana suak Rachel tapate hi a - a vekin sawm le li ahi hi.
23 Dan’ tapa:
Hushim:
24 Naphtali tapate:
Jahziel, Guni, Jezer le Shillem.
25 Hihte, Laban in a tanu Rachel tunga a piak Bilhah in Jacob tawh a neih tapate hi a - a vekin sagih ahi hi.#Pc 29:29; 30:8
26 Egypt a Jacob tawh a paite khempeuh - a tapate’ zite kisim lo - ama suan-le-khak bekbek - mi sawm guk le guk ahi hi. 27 Egypt a suak Joseph’ tapa f#46.27 Hebrew le Septuagint ah naupang kua gel tawh, Egypt a pai Jacob innkuan peuhmah a vekin sawm sagih g#46.27 Hebrew ( Pai 1:15 le footnote);septuagint (Ns 7:14 zong gen in) sawm sagih le nga ahi hi.#Ns 7:14; Pk 1:5; Tp 10:22
28 Tu-in Jacob in Goshen lam a lak dingin Joseph kiangah Judah a mapaisak hi. Amaute Goshen kual a tun uh ciangin, 29 Joseph in a sakolleng kithawisak-a, a pa Israel dawn dingin Goshen ah pai hi. Ama mai a muh phetin Joseph in a pa h#46.29 Hebrew ah amah pumkawi pumkawi-a sawtveipi kap hi.
30 Israel in Joseph kiangah, "Tu-in nang a nungta lai na hilam kei mahmah in hong mu khin ka hi manin ka si zongin phamawh ka sa kei hi," ci hi.
31 Tua ciangin Joseph in a sanggamte le a pa’ innkuanpihte tungah, "Pharaoh kiangah va pai-in, ‘Canaan gama teng ka sanggamte le ka pa’ innkuanpihte ka kiang hong tung zo hi. 32 Tua mite tuu cingte ahi uh hi; amaute in gan cing uh a, a tuuhonte, a bawnghonte, a neih khempeuh uh hong hawl uh hi,’ ka va ci ding hi. 33 Pharaoh in hong sap-a, ‘Bang sem na hi uh hiam?’ ci-a hong dot ciangin, 34 ‘Na nasemte in ka pa uh sep bang tektekin ka neu tungua kipan gan ka cing uh hi,’ ci-in na dawng ding uh hi. Tua hileh note Goshen ah hong kitengsak ding hi; ahang in, Egypt-te in tuucing peuhmah a kih uh hi," ci hi.#Pc 43:32
Currently Selected:
Piancilna 46: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
