ᓭᐣᐟ ᓬᐅᐠ 6

1 # ᑎᔪᑕᕒᐊᓇᒥ 23:25 ᐁᑯᓯ ᑭ ᐊᔨᑭᐣ ᐯᔭᐠ ᐁ ᐊᔭᒥᐦᐁᑭᓯᑲᐠ, ᐁ ᑭ ᐊᑎ ᓴᐳᐢᑲᕽ ᐸᑫᐧᓯᑲᓂᑲᓂ ᑭᐢᑎᑲᓇ; ᐁᑯᓯ ᐅ ᑭᐢᑭᓄᐦᐊᒪᐋᐧᑲᓇ ᑭ ᒪᒪᓂᐢᑎᑳᐧᓀᐱᑌᔨᐊᐧ ᐸᑫᐧᓯᑲᓂᑳᓇ, ᐁ ᑭ ᒧᐋᐧᒋᐠ, ᐁ ᒥᒥᑯᓈᒋᐠ ᐅ ᒋᒋᐊᐧᕽ. 2ᒫᑲ ᐋᑎᐦᐟ ᐹᕒᐋᓯᐊᐧᐠ ᑭ ᐃᑌᐧᐊᐧᐠ, ᑖᓀᑭ ᑳ ᑐᑕᐦᑭᐠ ᐊᓂᒪ ᐁᑳ ᐁ ᐃᑕᐢᑌᐠ ᑭᑕ ᑐᑕᒥᕽ ᐁ ᐊᔭᒥᐦᐁᑭᓯᑲᐠ? 3ᐁᑯᓯ ᒋᓴᐢ ᑭ ᓇᐢᑫᐧᐊᐧᓯᒣᐤ ᐁ ᑭ ᐃᑖᐟ, ᓇᒪᐃᐧᔭ ᒋ ᑭ ᑭ ᐊᔭᒥᑖᓈᐋᐧᐤ ᐊᐦᐳ ᐅᒪ, ᐊᓂᒪ ᑌᐱᐟ ᑳ ᑭ ᑐᑕᕽ, ᐃᐢᐱ ᐁ ᓄᑌᑲᑌᐟ, ᐃᐧᔭ, ᐊᓯᒋ ᐊᓂᐦᐃ ᑳ ᑭ ᐃᐧᒉᐃᐧᑯᐟ; 4#ᓬᐃᐱᑎᑲᐢ 24:9#1 ᓵᒼᔪᐃᓬ 21:1-6ᑖᓂᓯ ᐁ ᑭ ᐃᓯ ᐱᐦᑐᑫᐟ ᑭᓭᒪᓂᑐ ᐅ ᐊᐧᐢᑲᐦᐃᑲᓂᔨᕽ, ᐁᑯᓯ ᐁ ᑭ ᐅᑎᓈᐟ ᒥᓇ ᐁ ᑭ ᒧᐋᐧᐟ ᑲᓇᒋ ᐸᑫᐧᓯᑲᓇ, ᐁᑯᓯ ᐁ ᑭ ᒥᔮᐟ ᐊᓂᐦᐃ ᑳ ᑭ ᐃᐧᒉᐃᐧᑯᐟ; ᐁᑳ ᑳ ᐃᑕᐢᑌᔨᐠ ᑭᑕ ᒧᐃᐧᐟ ᐱᑯ ᐊᔭᒥᐦᐁᐃᐧᔨᓂᐊᐧᐠ? 5ᐁᑯᓯ ᑭ ᐃᑌᐤ, ᐃᔨᓂᐃᐧᑯᓯᓵᐣ ᑎᐯᔨᑕᒼ ᐁ ᐊᔭᒥᐦᐁᑭᓯᑳᔨᐠ.

6ᑭ ᐊᔨᑭᐣ ᒫᑲ ᑯᑕᐠ ᐁ ᐊᔭᒥᐦᐁᑭᓯᑲᐠ, ᑭ ᐱᐦᑐᑫᐤ ᐊᔭᒥᐦᐁᐃᐧᑲᒥᑯᕽ. ᐁ ᑭ ᑭᐢᑭᓄᐦᐊᒫᑫᐟ ᒫᑲ: ᐁᑯᓯ ᐁᑯᑕ ᑭ ᐊᔮᐤ ᓈᐯᐤ, ᐅ ᑭᐦᒋᓂᐢᐠ ᐁ ᓂᐳᐃᐧᐊᔭᔨᐠ. 7ᐁᑯᓯ ᒪᓯᓇᐦᐃᑫᐃᐧᔨᓂᐊᐧᐠ ᒥᓇ ᐹᕒᐊᓯᐊᐧᐠ ᑭ ᐊᓴᐋᐧᐸᒣᐊᐧᐠ, ᒪᐦᑎ ᑭᑕ ᐃᔨᓂᑲᐦᐋᔨᐟ ᐁ ᐊᔭᒥᐦᐁᑭᓯᑳᔨᐠ; ᑭᑕ ᒥᐢᑲᐦᑭᐠ ᑖᓂᓯ ᑫ ᐃᓯ ᒪᒥᓯᒫᒋᐠ. 8ᒫᑲ ᑭ ᑭᐢᑫᔨᑕᒼ ᐁ ᐃᓯ ᒫᒥᑐᓀᔨᑕᒥᔨᐟ; ᐁᑯᓯ ᑭ ᐃᑌᐤ ᐊᓂᐦᐃ ᓈᐯᐊᐧ ᑳ ᓂᐳᐃᐧᒋᐦᒉᔨᐟ, ᐸᓯᑯ, ᑖᐊᐧᔨᕽ ᒫᑲ ᓂᐸᐃᐧ ᐁᑯᓯ ᑭ ᐸᓯᑯᔨᐊᐧ ᒥᓇ ᑭ ᓂᐸᐃᐧᔨᐊᐧ. 9ᐁᑯᓯ ᒋᓴᐢ ᑭ ᐃᑌᐤ, ᑭ ᑲᑫᐧᒋᒥᑎᓈᐋᐧᐤ, ᐃᑕᐢᑌᐤ ᒋ ᑭᑕ ᒥᔪᑐᑕᒥᕽ ᐁ ᐊᔭᒥᐦᐁᑭᓯᑲᐠ, ᐊᐁᐧᑳ ᑭᑕ ᒪᔨᑐᑕᒥᕽ? ᑭᑕ ᐱᒫᒋᑕᕽ ᐱᒫᑎᓯᐃᐧᐣ, ᐊᐁᐧᑳ ᑭᑕ ᓂᓯᐊᐧᓈᒋᑖᕽ? 10ᐁᑯᓯ ᑭ ᐋᐧᐢᑳ ᑲᓇᐋᐧᐸᒣᐤ ᑲᐦᑭᔭᐤ, ᐁᑲᐧ ᑭ ᐃᑌᐤ, ᓱᐃᐧᓂᐢᑫᔨ. ᐁᑯᓯ ᒫᑲ ᑭ ᑐᑕᒼ: ᐅᒋᐦᒋ ᒫᑲ ᑭ ᒥᔪ ᐋᔭᐤ. 11ᑭ ᓵᑲᐢᑭᓀᐢᑳᑲᐧᐠ ᒫᑲ ᑭᓯᐋᐧᓯᐃᐧᐣ; ᒥᓇ ᐁ ᑭ ᐃᐧᒋ ᐱᑭᐢᑫᐧᑐᒋᐠ ᑖᓂᓯ ᑫ ᑐᑕᐋᐧᒋᐠ ᒋᓴᓴ. 12ᑭ ᐊᔨᑭᐣ ᒫᑲ ᒣᑳᐧᐨ ᐁᑯᐢᐱ, ᑭ ᐃᑐᐦᑌᐤ ᐊᐧᒋᕽ ᑭᑕ ᐊᔭᒥᐦᐋᐟ; ᐁᑯᓯ ᑲᐯᑎᐱᐢᐠ ᑭ ᒪᐃᐧᒧᐢᑕᐁᐧᐤ ᑭᓭᒪᓂᑐᐊᐧ.

13ᐁᑯᓯ ᐃᐢᐱ ᐁ ᑭᓯᑳᔨᐠ, ᑭ ᓇᑐᒣᐤ ᐅ ᑭᐢᑭᓄᐦᐊᒪᐋᐧᑲᓇ; ᐁᑯᓯ ᐁᐊᐧᑲᐧᓂ ᐅᐦᒋ ᑭ ᑲᑫᑭᓀᐤ ᒥᑖᑕᐟ ᓂᓱᓴᑊ, ᐁᐊᐧᑲᐧᓂ ᒫᑲ ᐊᐸᐢᑎᓬᐊᐠ ᑭ ᐃᓯᔨᐦᑳᑌᐤ; 14ᓴᐃᒪᐣ, ᐱᑕᕒ ᒥᓇ ᑳ ᑭ ᐃᓯᔨᐦᑳᑖᐟ; ᒥᓇ ᐅᒋᐋᐧᒪ ᐊᐣᑕᕒᐅ, ᒉᒥᐢ ᒥᓇ ᒑᐣ, ᐱᓬᐃᑊ ᒥᓇ ᐹᕒᑐᓬᐃᒥᐤ, ᒫᑎᔪ ᒥᓇ ᑖᒪᐢ, 15ᒉᒥᐢ ᐋᓬᐱᐊᐢ ᐅᑯᓯᓴ, ᐊᓯᒋ ᓴᐃᒪᐣ ᐅᑕᑲᒣᔨᒧ ᑳ ᑭ ᐃᓯᔨᐦᑳᓱᐟ, 16ᒥᓇ ᒍᑕᐢ ᐅᑯᓯᓴ ᒉᒥᐢ, ᐊᓯᒋ ᒍᑕᐢ ᐃᐢᑳᕒᐃᐊᐟ, ᐁᐊᐧᑯ ᑳ ᑭ ᒥᓯᑫᒧᐟ.

17ᐁᑯᓯ ᑭ ᐯ ᓂᑕᒋᐁᐧᐤ ᐁ ᐃᐧᒉᐋᐧᐟ, ᐁ ᑭ ᓂᐸᐃᐧᐟ ᒫᑲ ᐃᑕ ᐁ ᑕᑕᑲᐧᒑᔨᐠ, ᒥᐦᒉᐟ ᒫᑲ ᐅ ᑭᐢᑭᓄᐦᐊᒪᐋᐧᑲᓇ ᐊᓯᒋ ᒥᐦᒉᐟ ᐊᔨᓯᔨᓂᐊᐧ ᒥᓯᐁᐧ ᒍᑎᔭᐃᕽ ᒥᓇ ᒉᕒᐅᓴᓬᐊᒥᕽ, ᒥᓇ ᓯᓱᓀ ᑭᒋᑲᒥᕽ ᑕᐃᕒᐃᕽ ᒥᓇ ᓴᐃᑕᓂᕽ ᐅᐦᒋ, ᑳ ᐯ ᐃᑐᐦᑌᔨᐟ ᑭᑕ ᓇᑐᐦᑖᑯᐟ, ᒥᓇ ᑭᑕ ᐃᔨᓂᑲᐦᐃᐦᒋᐠ ᐅᐟ ᐃᑖᐢᐱᓀᐃᐧᓂᐊᐧᐊᐧ ᐅᐦᒋ; 18ᒥᓇ ᐊᓂᑭ ᑳ ᑭ ᑲᑲᐧᑕᑭᐃᑯᒋᐠ ᐁᑳ ᐁ ᐯᑭᓯᔨᐟ ᐊᐦᒑᐦᑲᐧ ᑭ ᐃᔨᓂᑲᐋᐊᐧᐠ. 19ᐁᑯᓯ ᑲᐦᑭᔭᐤ ᑳ ᐅᓴᒣᔭᑎᔨᐟ ᐊᔨᓯᔨᓂᐊᐧ ᑭ ᑲᑫᐧ ᓵᒥᓂᐠ: ᒋᑫᒫ ᒪᐢᑲᐃᐧᓯᐃᐧᐣ ᑭ ᐅᐦᒋᐸᔨᔨᐤ, ᑲᐦᑭᔭᐤ ᒫᑲ ᑭ ᐃᔨᓂᑲᐃᑲᐧᐠ.

20ᐁᑯᓯ ᒫᑲ ᑭ ᑲᓇᐋᐧᐸᒣᐤ ᐅ ᑭᐢᑭᓄᐦᐊᒪᐋᐧᑲᓇ, ᐁ ᑭ ᐃᑌᐧᐟ, ᑭ ᒥᔪ ᐃᑕᑭᒥᑯᐃᐧᓯᓈᐋᐧᐤ ᑭᔭᐋᐧᐤ ᑳ ᑭᑎᒪᑭᓯᔦᐠ: ᒋᑫᒫ ᑭᐟ ᐊᔮᓈᐋᐧᐤ ᐅᐟ ᐅᑌᓇᐃᐧᐃᐧᐣ ᑭᓭᒪᓂᑐ. 21ᑭ ᒥᔪ ᐃᑕᑭᒥᑯᐃᐧᓯᓈᐋᐧᐤ ᑭᔭᐋᐧᐤ ᐊᓄᐦᐨ ᒣᑳᐧᐨ ᑲ ᓄᑌᑲᑌᔦᐠ: ᒋᑫᒫ ᑭ ᑲ ᑭᐢᐳᐃᑲᐃᐧᓈᐋᐧᐤ. ᑭ ᒥᔪ ᐃᑕᑭᒥᑯᐃᐧᓯᓈᐋᐧᐤ ᒣᑳᐧᐨ ᐊᓄᐦᐨ ᑳ ᒫᑐᔦᐠ; ᒋᑫᒫ ᑭ ᑲ ᐹᐱᓈᐋᐧᐤ. 22#1 ᐱᑕᕒ 4:14ᑭ ᒥᔪ ᐃᑕᑭᒥᑯᐃᐧᓯᓈᐋᐧᐤ, ᐃᐢᐱ ᐊᔨᓯᔨᓂᐊᐧᐠ ᐸᑳᐧᑎᑯᔦᑲᐧᐃᐧ, ᒥᓇ ᐁᑳ ᐃᐧ ᐃᐧᒉᐃᐧᑯᔦᑳᐧᐃᐧ, ᒥᓇ ᑕᓯᒥᑯᔦᑲᐧᐃᐧ ᒥᓇ ᐊᐧᔭᐃᐧᐁᐧᐱᓇᑲᐧᐃᐧ ᑭ ᐃᐧᔪᐃᐧᓂᐋᐧᐤ ᑖᐱᐢᑯᐨ ᑫᑲᐧᐩ ᑳ ᒪᒑᔨᐊᐧᕽ, ᐃᔨᓂᐃᐧᑯᓯᓵᐣ ᐅᐦᒋ. 23#2 ᐊᑭᓀ ᐋᒋᒧᐃᐧᓇ 36:16; ᐃᓯᐦᒋᑫᐃᐧᓂᐋᐧᐊᐧ 7:52ᒥᔭᐋᐧᑕᒧᐠ ᐁᑯᐢᐱ, ᒥᓇ ᑲᐧᐢᑫᐧᐸᔨᐅᐠ ᐁ ᒥᔭᐋᐧᑕᒣᐠ: ᐃᐧᔭ ᒫᑎᑲ, ᑭᒑᔨᐊᐧᐣ ᑭ ᑎᐸᐦᐊᒫᑯᐃᐧᓂᐋᐧᐤ ᑭᐦᒋ ᑭᓯᑯᕽ; ᐊᔨᐢ ᐁᑯᓯ ᒣᐧᐦᒋ ᑳ ᑐᑕᐋᐧᔨᐟ ᐅᑕᐃᐧᐋᐧᐊᐧ ᐅᑭᐢᑭᐁᐧᐦᐃᑫᐊᐧ. 24ᒫᑲ ᑭ ᑲᑲᐧᑕᑭᓯᓈᐋᐧᐤ ᑭᔭᐋᐧᐤ ᑳ ᐁᐧᔪᑎᓯᔦᐠ, ᒋᑫᒫ ᑭ ᑭ ᐅᑎᓀᓈᐋᐧᐤ ᑭ ᑲᑭᒋᐃᑯᐃᐧᓂᐋᐧᐤ. 25ᑭ ᑲᑳᐧᑕᑭᓯᓈᐋᐧᐤ, ᑭᔭᐋᐧᐤ ᒣᑳᐧᐨ ᐊᓄᐦᐨ ᑳ ᑭᐢᐳᔦᐠ: ᒋᑫᒫ ᑭ ᑲ ᓄᑌᑲᑖᓈᐋᐧᐤ. ᑭ ᑲᑳᐧᑕᑭᓯᓈᐋᐧᐤ ᑭᔭᐋᐧᐤ ᒣᑳᐧᐨ ᐊᓄᐦᐨ ᑳ ᐸᐱᔦᐠ: ᒋᑫᒫ ᑭ ᑳ ᑭᓯᓈᑌᔨᑌᓈᐋᐧᐤ ᒥᓇ ᑭ ᑲ ᒫᑐᓈᐋᐧᐤ. 26ᑭ ᑲᑲᐧᑕᑭᓯᓈᐋᐧᐤ, ᐃᐢᐱ ᑲᐦᑭᔭᐤ ᐊᔨᓯᔨᓂᐊᐧᐠ ᒪᒥᒋᒥᑯᔦᑲᐧᐃᐧ! ᒋᑫᒫ ᐁᑯᓯ ᒣᐧᐦᒋ ᐅᑕᐃᐧᐋᐧᐊᐧ ᑳ ᑐᑕᐋᐧᔨᐟ ᑭᔭᐢᑭᐃᐧ ᐅᑭᐢᑭᐁᐧᐦᐃᑫᐊᐧ.

27ᒫᑲ ᓂᔭ ᑭᐟ ᐃᑎᓈᐋᐧᐤ ᑳ ᐯᐦᑕᒣᐠ, ᓵᑭᐦᐃᑯᐠ ᑭ ᓄᑎᓈᑲᓂᐋᐧᐊᐧᐠ, ᒥᔪ ᑐᑖᑯᐠ ᑳ ᐸᑳᐧᑎᑯᔦᑲᐧᐤ, 28ᒥᔪ ᑭᐢᐋᐧᑎᑯᐠ ᐊᓂᑭ ᑳ ᒪᒋ ᑭᐢᐋᐧᑎᑯᔦᑲᐧᐤ, ᐊᔭᒥᐦᐁᐢᑕᒫᑯᐠ ᐊᓂᑭ ᑳ ᒪᒋ ᑐᑖᑯᔦᑲᐧᐤ. 29ᐊᓇ ᒥᓇ ᑳ ᐸᑲᒪᐦᐅᐢᐠ ᓇᐸᑌ ᑲᓄᐋᐧᕽ ᐃᔨᓇᒪᐤ ᑫᐧᐢᑭᑌ; ᒥᓇ ᐊᓇ ᑳ ᐅᑎᓇᕽ ᑭᐟ ᐊᑲᐧᓂᐃᐧᐣ ᐁᑳᐃᐧᔭ ᒥᒋᒥᓇᒪᐤ ᑭᐢᑯᑖᑲᐩ. 30ᒥᐩ ᑲᐦᑭᔭᐤ ᐊᐃᐧᔭᐠ ᑳ ᓇᑐᑕᒫᐢᐠ; ᒥᓇ ᑳ ᐅᑎᓇᕽ ᑭᐟ ᐊᔪᐃᐧᓂᓴ ᐁᑳᐃᐧᔭ ᒥᓇ ᓇᑐᑕᒪᐤ. 31#ᒫᐟᔪ 7:12ᒥᓇ ᑳ ᐃᓯ ᐸᑯᓭᔨᒫᔦᑯᐠ ᐊᔨᓯᔨᓂᐊᐧᐠ ᑭᑕ ᐃᑐᑖᑯᔦᑳᐧᐤ, ᐁᑯᓯ ᑭᐢᑕᐋᐧᐤ ᑐᑕᑯᐠ. 32ᑭᐢᐱᐣ ᒫᑲ ᑭ ᓵᑭᐦᐋᐋᐧᐊᐧᐠ ᐊᓂᑭ ᑳ ᓵᑭᐦᐃᑯᔦᑲᐧᐤ, ᑫᑲᐧᐩ ᓇᓈᐢᑯᒥᑯᐃᐧᐣ ᐁᔮᔦᐠ? ᐊᐦᐳ ᒪᒋᑎᐢᑲᐠ ᓵᑭᐦᐁᐊᐧᐠ ᐊᓂᐦᐃ ᑳ ᓵᑭᐦᐃᑯᒋᐠ. 33ᒥᓇ ᑭᐢᐱᐣ ᑭ ᒥᔪ ᑐᑕᐋᐧᐋᐧᐊᐧᐠ ᑳ ᒥᔪ ᑐᑕᑯᔦᑲᐧᐤ, ᑫᑲᐧᐩ ᓇᓈᐢᑯᒥᑯᐃᐧᐣ ᐁᔮᔦᐠ: ᒋᑫᒫ ᐊᐦᐳ ᐅᒪᒋᑎᐢᑲᐠ ᐃᐧᐢᑕᐋᐧᐤ ᐁᑯᓯ ᑐᑕᒪᐧᐠ. 34ᒥᓇ ᑭᐢᐱᐣ ᑭᐟ ᐊᐃᐧᐦᐋᐋᐧᐊᐧᐠ ᐊᓂᑭ ᑳ ᐸᑯᓭᔨᒫᔦᑳᐧᐤ ᑳᐃᐧ ᑭᑕ ᐅᐦᒋ ᐊᔮᔦᐠ, ᑫᑲᐧᐩ ᓇᓈᐢᑯᒥᑯᐃᐧᐣ ᐁᔮᔦᐠ? ᐊᐦᐳ ᐅᒪᒋᑎᐢᑲᐠ ᐊᐃᐧᐦᐁᐊᐧᐠ ᐅᒪᒋᑎᐢᑲ, ᑳᐃᐧ ᑭᑕ ᐊᔮᒋᐠ ᐁᑯᔨᑯᕽ ᒥᓇ. 35ᒫᑲ ᓵᑭᐦᐃᐦᑯᐠ ᑳ ᐸᑳᐧᑎᑯᔦᑯᐠ, ᒥᓇ ᒥᔪ ᑐᑕᑯᐠ, ᐁᑯᓯ ᐊᐃᐧᐃᐁᐧᐠ, ᐁᑳ ᐃᐧᑲᐨ ᐁ ᓄᑌᔦᔨᑕᒪᑫᔦᐠ; ᐁᑯᓯ ᑭ ᑎᐸᐦᐊᒫᑯᐃᐧᓂᐋᐧᐤ ᑭᑕ ᑭᐦᒐᔨᐊᐧᐣ, ᐁᑯᓯ ᑭ ᑲ ᐅᑕᐊᐧᓯᒥᓯᒥᑯᐋᐧᐤ ᒪᒪᐁᐧᔭᐢ ᑳ ᐃᐢᐸᑫᔨᑖᑯᓯᐟ; ᐃᐧᔭ ᐁ ᑭᓭᐊᐧᑐᑕᐊᐧᐟ ᑲ ᒥᑕᐁᐧᐢᑭᔨᐟ ᒥᓇ ᑳ ᓇᔦᑖᐋᐧᑎᓯᔨᐟ. 36ᑭᑎᒪᑫᔨᒋᑫᐠ, ᑖᐱᐢᑯᐨ ᑯᑖᐃᐧᐋᐧᐤ ᑳ ᐃᓯ ᑭᑎᒪᑫᔨᒋᑫᐟ. 37ᒥᓇ ᐁᑳᐃᐧᔭ ᐅᔭᓱᐋᐧᓯᐁᐧᐠ, ᐁᑯᓯ ᓇᒪᐃᐧᔭ ᑭ ᑲ ᐅᔭᓱᐋᐧᑎᑲᐃᐧᓈᐋᐧᐤ: ᒥᓇ ᐁᑳᐃᐧᔭ ᓇᓂᐳᒥᐁᐧᐠ, ᐁᑯᓯ ᓇᒪᐃᐧᔭ ᑭ ᑲ ᓇᓂᐳᒥᑲᐃᐧᓈᐋᐧᐤ: ᐳᓀᔨᑕᒪᑫᐠ, ᐁᑯᓯ ᑭ ᑲ ᐳᓀᔨᑕᒫᑲᐃᐧᓈᐋᐧᐤ 38ᒣᑭᐠ, ᐁᑯᓯ ᑭ ᑲ ᒥᔨᑲᐃᐧᓈᐋᐧᐤ; ᐁ ᒧᐢᑭᓀᐠ ᒥᑐᓂ ᑎᐸᐃᑲᐣ, ᐁ ᒪᒫᑯᓇᒥᕽ, ᐁ ᐊᓴᓂᐸᔨᑖᕽ, ᐁ ᐸᓯᒋᐸᔨᐠ, ᑭ ᑲ ᒥᔨᑯᐋᐧᐊᐧᐠ ᐊᔨᓯᔨᓂᐊᐧᐠ. ᒋᑫᒫ ᐊᓂᒪ ᑎᐸᐃᑲᐣ ᑫ ᐊᐸᒋᑕᔦᐠ ᐁᐊᐧᑲᐧᓂᒪ ᑫ ᐊᐸᒋᑕᕽ ᑭᔭᐋᐧᐤ ᐅᐦᒋ.

39 # ᒫᐟᔪ 15:14 ᐁᑯᓯ ᒥᓇ ᑭ ᐃᐧᐦᑕᒪᐁᐧᐤ ᐋᐁᐧᒋᑲᐣ, ᐁᑳ ᑳ ᐋᐧᐱᐟ ᒋ ᑭᑕ ᑭ ᑭᐢᑭᓄᑕᐁᐤ ᐁᑳ ᑳ ᐋᐧᐱᔨᐟ? ᓇᒪ ᒋ ᐁᓯ ᓂᓯᒋᐠ ᑭᑕ ᐱᒋᐸᔨᐊᐧᐠ ᐊᐧᑎᐠ? 40#ᒫᐟᔪ 10:24,25; ᒑᐣ 13:16; 15:20ᑭᐢᑭᓄᐦᐊᒪᐋᐧᑲᐣ ᓇᒪᐃᐧᔭ ᐊᔨᐊᐧᐠ ᐃᑌᔨᑖᑯᓯᐤ ᐃᐢᐱᐨ ᐅᑭᐢᑭᓄᐦᐊᒫᑫᒪ: ᒫᑲ ᑲᐦᑭᔭᐤ ᐊᐃᐧᔭᐠ ᑭᓯᐃᑯᐃᐧᓯᒋ ᑭᑕ ᐃᓯ ᐊᔮᐤ ᑖᐱᐢᑯᐨ ᐅᑭᐢᑭᓄᐦᐊᒫᑫᒪ. 41ᒥᓇ ᑖᓀᑭ ᑳ ᐱᓯᐢᑳᐸᑕᒪᐧᐟ ᐱᓯᓂᐃᐧᐣ ᑳ ᐊᔮᔨᐠ ᑭᒋᐋᐧᒼ ᐅᐢᑭᓯᑯᕽ ᐁᑯᓯ ᐁᑳ ᐁ ᓇᓇᑲᑕᐁᐧᔨᑕᒪᐣ ᒥᓯ ᒥᐢᑎᐠ ᑳ ᐊᔮᐠ ᑎᐱᔭᐁᐧ ᑭᐢᑭᓯᑯᕽ? 42ᐊᐦᐳ ᑖᓂᓯ ᑫ ᐃᓯ ᑲᐢᑭᑖᔭᐣ ᑭᑕ ᐃᑕᐟ ᑭᒋᐋᐧᒼ, ᓂᒋᐋᐧ, ᒪᐦᑎ ᓂ ᑲ ᐊᐧᔭᐃᐧᐁᐧᐱᓀᐣ ᑲ ᐱᓯᓂᐃᑯᔭᐣ, ᐁᑳᐧ ᑭᔭ ᑎᐱᔭᐁᐧ ᐁᑳ ᐁ ᐋᐧᐸᐦᑕᒪᐣ ᒥᓯ ᒥᐢᑎᐠ ᑭᐢᑭᓯᑯᕽ ᑳ ᐊᔭᐠ? ᑭᔭ ᑳ ᐊᐧᔦᓯᐃᓱᔭᐣ, ᐱᑕ ᐊᐧᔭᐃᐧᐁᐧᐱᓇ ᒥᓯ ᒥᐢᑎᐠ ᑳ ᐊᔮᐠ ᑎᐱᔭᐁᐧ ᑭᐢᑭᓯᑯᕽ, ᐁᑯᓯ ᑭ ᑳ ᐸᑲᑭᓀᐣ ᑭᑕ ᐊᐧᔭᐃᐧᐁᐧᐱᓇᒪᐣ ᑳ ᐱᓯᓂᐃᑯᐟ ᑭᒋᐋᐧᒼ. 43ᒋᑫᒫ ᐁ ᒥᔪᓯᐟ ᒥᐢᑎᐠ ᓇᒪᐃᐧᔭ ᐅᐱᑭᑕᐤ ᒪᒋ ᒥᓂᓴ; ᒥᓇ ᓇᒪᐃᐧᔭ ᒪᒋ ᒥᐢᑎᐠ ᐅᐱᑭᑕᐤ ᒥᔪ ᒥᓂᓴ. 44#ᒫᐟᔪ 12:33ᒋᑫᒫ ᑳ ᐃᑕᓯᐟ ᒥᐢᑎᐠ ᑭᐢᑫᔨᑖᑯᓯᐤ ᐁ ᐃᓯ ᒥᓂᓯᐃᐧᐟ ᐅᐦᒋ. ᐃᐧᔭ ᒥᐢᑎᑯᒥᓈᓈᑎᑯᕽ ᐅᐦᒋ ᓇᒪᐃᐧᔭ ᐊᔨᓯᔨᓂᐊᐧᐠ ᒫᐊᐧᒋᐁᐊᐧᐠ ᑭᐦᒋ ᓱᒥᓇ, ᐊᐦᐳ ᐅᑭᓂᐋᐧᐦᑎᑲᐧᕽ ᓱᒥᓂᓴ. 45#ᒫᐟᔪ 12:34ᐁ ᒥᔮᐧᑎᓯᐟ ᐊᔨᓯᔨᓂᐤ ᑳ ᐃᓯ ᒥᔪ ᐁᐧᔪᑕᓂᔨᐠ ᐅᑌᐦ ᓄᑯᑕᐤ ᐊᓂᒪ ᑳ ᒥᔮᐧᓯᓂᔨᐠ; ᐁᑯᓯ ᒥᓇ ᐁ ᒪᒑᔨᐃᐧᐟ ᐊᔨᓯᔨᓂᐤ ᑳ ᐃᓯ ᒪᒋ ᐁᐧᔪᑕᓂᔨᐠ ᐅᑌᐦ ᓄᑯᑐᐤ ᐊᓂᒪ ᑳ ᒪᒐᔨᐊᐧᓂᔨᐠ: ᐃᐧᔭ ᑳ ᐃᓯ ᐁᐧᔪᒋ ᐊᔮᔨᐠ ᐅᑌᐦᐃᕽ ᐃᓯ ᐱᑭᐢᑫᐧᒪᑲᓂᔨᐤ ᐅᑐᐣ.

46ᒥᓇ ᒫᑲ ᑖᓀᑭ ᑳ ᑎᐯᔨᐦᒋᑫᔭᐣ, ᑳ ᑎᐯᔨᐦᒋᑫᔭᐣ, ᑳ ᐃᓯᔦᐠ, ᐁᑯᓯ ᐁᑳ ᐁ ᑐᑕᒣᐠ ᐊᓂᐦᐃ ᑫᑲᐧᔭ ᑳ ᐃᑌᐧᔮᐣ? 47ᑲᐦᑭᔭᐤ ᑳ ᐯ ᓇᓯᐟ, ᒥᓇ ᑳ ᐯᐦᑕᕽ ᓂ ᐱᑭᐢᑫᐧᐃᐧᓇ, ᒥᓇ ᑳ ᑐᑕᕽ, ᑭ ᑲ ᐋᐧᐸᐦᑕᐃᑎᓈᐋᐧᐤ ᐊᐁᐧᓂᐦᐃ ᓀᓇᐢᐱᑕᐋᐧᐟ: 48ᓇᓈᐢᐱᑕᐁᐧᐤ ᐊᔨᓯᔨᓂᐊᐧ ᑳ ᐅᓯᑖᔨᐟ ᐊᐧᐢᑲᐦᐃᑲᐣ, ᐁ ᑭ ᒧᓇᐃᑫᐟ ᒥᓇ ᐊᑖᒥᕽ ᐁ ᑭ ᐃᑖᑎᑫᐟ, ᐁ ᑭ ᐊᐢᑖᐟ ᐊᓂᒪ ᐅᔭᐢᒋᑫᐃᐧᐣ ᑭᐢᑕᐱᐢᑳᕽ; ᐁᑯᓯ ᐃᐢᐱ ᑳ ᐃᐢᑭᐯᔨᐠ, ᐊᓂᒪ ᑳ ᐱᒥᒋᐊᐧᐠ ᑭ ᐸᑲᒥᐸᔨᐤ ᐁᑯᑕ ᐋᐧᐢᑳᐦᐃᑲᐧᓂᕽ, ᓇᒪᐃᐧᔭ ᒫᑲ ᑭ ᐊᐧᐢᑲᐃᐧᐸᔨᐤ: ᒋᑫᒫ ᑭᐢᑖᐱᐢᑳᕽ ᐁ ᑭ ᒋᒪᑖᓂᐊᐧᕽ. 49ᒫᑲ ᐊᓇ ᑳ ᐯᐦᑕᕽ, ᐁᑯᓯ ᐁᑳ ᑳ ᑐᑕᕽ, ᓇᓈᐢᐱᑕᐁᐧᐤ ᐊᔨᓯᔨᓂᐊᐧ ᐊᓯᐢᑭᕽ ᑳ ᐅᓯᑕᐟ ᐊᐧᐢᑲᐦᐃᑲᐣ ᐁᑳ ᐁ ᐅᔭᐢᒋᑲᑕᕽ; ᐁᑯᓯ ᐁᑯᑕ ᐁ ᐸᑲᒥᐸᔨᐠ ᑳ ᐱᒥᒋᐊᐧᕽ, ᓭᒫᐠ ᑭ ᐸᐦᑭᐦᑎᐣ; ᒥᑐᓂ ᒫᑲ ᐁ ᑭ ᓂᓯᐊᐧᓈᑕᕽ.

Currently Selected:

ᓭᐣᐟ ᓬᐅᐠ 6: KKMs

Highlight

Copy