isihcikēwiniwāwa 10
10
1ki itāw māka pēyak nāpēw sisariyaihk, karniliyas ē isiyihkāsot, simākanisiwikimāw, aniki ē piskitakimicik itāliyan kā isiyihkāticik, 2ē ayamihāwātisit ayisiyiniw, mina towa kā kosikwēyimāt kisēmanitowa kiki kahkiyaw wikihk kā ayāyit, mistahi mēkiwina kā miyāt ayisiyiniwa, mina ē ayamihēstawāt kisēmanitowa tahki. 3ki wāpamēw isinamowinihk mosis, nāntaw kēkāt mitātaht tipaikan ē kisikāk, o kisikoma kā tipēyihcikēt ē pē pitokākot, mina ē itikot, kārniliyas. 4wiya māka, sohki ē kanawāpamāt mina ē sēkisit, ki itwēw, kēkway tēpēyihcikēyan? ēkosi ki itit, kit ayamihāwina mina ki mēkiwina ki ispākēpayiwa kita mani kiskisitotahk kisēmanito. 5ēkwa māka isitisahok nāpēwak cāpaihk, ēkosi kita nātēwak pēyak sāiman, pitar kā isi aspiyikāsot: 6wiciayāmēw sāimana opakēkinokēwa, o wāskāhikaniyiw cikēpēk kihcikamihk kā ayāyik. 7ispi māka anihi okisikowa kā ki kitotikot kā sipwētēyit, ki natomēw niso ot atoskēyākana wikihk kā ayāyit, mina ē ayamihāwātisiyit simākanisa tahki ēwakwani ē pamiiko; 8ispi māka kahkiyaw kēkway kā wihtamawāt, ki isitisawēw cāpaihk.
9ēkwa wiyāpaniyik, ē ati pimohtēcik, mina kisiwāk otēnāhk ē ati ayācik, pitar tahkoci wāskāhikanihk ki itohtēw kita ayamihāt, nāntaw māka nikotwāsik tipaikan: 10ēkosi ki notēkatēw, mina ki wi miciso: māka mēkwāc ē kwayācitāwiht, tāpiskoc ēkā ē kiskēyitahk ki isi ayāw; 11ēkwa māka ki wāpahtam kisik ē yotēnikātēyik, mina asiwacikan ē pē yāsipayik, tāpiskoc kihci ayakaskēkin ē isinākwaniyik, nēwayak ē kakikēyāk ē ohci pakitāpēkinikātēk askihk. 12ēkota māka ē ayācik kahkiyaw nanātohk towa ē nēokātēcik pisiskiwak mina towa kā papāmitācimocik mocihk mina kā papāmiyācik kisikohk. 13ki otihtik māka itwēwin, wāniskā, pitar, minao mina miciso. 14māka pitar ki itwēw, namawiya ēkosi, tēpēyihcikēyan; cikēmā namawiya wikāc noh micin pakwanata kēkway ahpo ēkā ē pēkahk. 15itwēwin māka kitwām mina ki otihtik, anima kisēmanito kā ki pēkitāt, ēkāwiya kiya pakwanata itakita. 16oma māka ki itocikātēw nistwāw: ēkwa kāwi kisikohk ki otinikātēw anima asiwacikan.
17mēkwāc māka pitar ē wawānēyitamiikot tānisi ē itwēmakaniyik anima isinamowin, poti, anihi nāpēwa kārniliyas kā ki isitisawāyit, ki nipawiyiwa kihci iskwātēmihk, 18ēkosi ki tēpwēwak mina ki kakwēcikēmowak kispin sāiman, pitar kā isi aspiyikāsot, ēkota kita wikikēmoyit. 19mēkwāc māka pitar ē māmitonēyitahk anima isinamowin, ahcāhkwa ki itik, cist, nisto nāpēwak ki nanātonākwak. 20waniskā māka, mina nisātawi, mina wicēwik, ēkā kēka ē wawānēyitamiikoyan: cikēmā niya ni ki isitisawāwak. 21pitar māka ki nisātawitotawēw anihi nāpēwa, mina ki itēw, cist, niya kā nanātonawiyēk, kēkway māka ohci kā pē itotēyēk? 22ēkosi ki itwēwak, kārniliyas simākanisiwikimāw, ē kwayaskitātisit ayisiyiniw mina towa kā kosikwēyimāt kisēmanitowa, ē miywācimikot mina kahkiyaw ē itaskānēsiyit cowa, ki sikimik kisēmanitowa kanāci okisikowa ohci, kita isitisahowēt ota oma wāskāhikan kita nātikawiyan, ēkosi māka kita pēhtahk itwēwina kiya ohci. 23ki pihtokē natomēw māka ēkosi ki kapēsimonaēw ēkota.
ēkwa wiyāpaniyik ki pasiko mina ki sēpwēwicēwēw, ātiht māka ociwāmimāwa cāpaihk ohci ki wicēwik. 24ēkosi mina wiyāpaniyik ki ati pihtokēwak sisariyaihk kārniliyasa māka papēik, ē ki natomāt o wākomākana mina kisiwāk ototēma. 25ispi māka ē ayikihk pitara ē pihtokēyit, kārniliyas ki nakiskawēw, mina ositiyihk ki ispayiho ē ocihcikwanistawāt. 26māka pitar ki pasikonēw, ē itwēt, nipawi, nista oma nit ayisiyiniwin. 27ē ati wici pikiskwēmāt māka, ki ati pihtokēw, ēkosi poti mihcēt ki māwaciitoyiwa: 28ki itēw māka, kiyawāw: ki kiskēyitēnāwāw ēkā ē itastēk oyasowēwin ayisiyiniw kā cowit kita wicēwāt ahpo kita pitokawāt kotaka ē itaskānēsiyit ayisiyiniwa; māka niya kisēmanito ni ki wāpahtaik ēkā awiyak ayisiyiniw pikwanata kita isiyihkātak ahpo namawiya pēkisiw: 29ēwako ohci māka namawiya nit ānwētēn kita pē itohtēyān ispi ē natomikawiyān. ni kakwēcikēmon māka, kēkway ohci kā natomiyēk. 30kārniliyas māka ki itēw, nēw kisikāw aspin, isko oma tipaikan, ē kanawēyitamān kēkāt mitātat tipaikan kā ayamihāhk ni wāskāhikanihk; poti, nāpēw ni ki pē otiskawikāpawistāk ē wāpiskiot, 31ēkosi itwēw, kārniliyas, kit ayamihāwin pēhcikātēw, mina ki mēkiwina mani kiskisitocikātēwa ē isi wāpahtahk kisēmanito. 32isitisahowē māka cāpaihk, mina natom kita pē nātisk sāiman, kā isi aspiyikāsot pitar; wikikēmo o wāskāhikaniyihk sāimana opakēkinokēwa, cikipēk kihcikamihk. 33sēmāk māka ni ki isitisahowān kita nātikawiyan; ēkosi ki ki miyo totēn kā pē itotēyan. ēkwa māka kahkiyaw ota nit ayānān ē wapamikoyahk kisēmanito, kita pētamāhk kahkiyaw kēkway kā ki itasowātisk kā tipēyihcikēt. 34#tiyotaranami 10:17ēkwa māka pitar ki pāskitonēyiw mina ki itwēw,
tāpwē ni nisitawinēn kisēmanito ēkā katāc ē kakēkināt awiya: 35māka kahkiyaw kā itatoskānēsit ayisiyiniw anihi kā kosikwēyimikot, mina kā atoskātamiyit kwayaskitātisiwin ē miyo otināt. 36itwēwin kā ki isitisahamawāt isrēil ot awāsimisiyiwa, ē kakēskimiwēt ē isi miywātotākwahk miywācimowin cisas Christ ohci (ēwako kā tipēyitahk kahkiyaw kēkway) 37ēwako itwēwin kiyawāw ki kiskēyitēnāwāw, kā ki wicikātēk misiwē cotiyaihk, ē mācipayik kālalihk, mwēstas iyikohk anima pāptāisiwiwin cān kā ki kakēskimiwēt; 38cisas oti nāsaritihk kā ohcit, kisēmanitowa kā ki isi kistinikot kā kanātisiyit ahcāhkwa ohci mina kaskihēwisiwin: kā ki papāmotēt ē miyototākēt, mina ē iyinikahāt kahkiyaw kā kitimaikoyit macāya; cikēmā kisēmanitowa ki wicēwik. 39niyanān māka nit ātotēnān kahkiyaw kēkwaya kā ki totahk ot askiyihk cowa, mina cērosalamihk; ēwakwani mina kā ki nipahācik ē akotācik mistikohk. 40ēwako kisēmanitowa ki waniskānik ē nisto kisikāyik, mina ki miyik kita nokohisostākēt, 41namawiya kahkiyaw ayisiyiniwa kita wāpamikot, māka otācimowa niyāk kā ki nawasonāt kisēmanito niyanān oti, kā ki wicimicisomāyāhk mina kā ki wiciminikwēmāyāhk mwēstas iyikohk ē ki waniskāt nipowinihk ohci. 42ēkosi ni ki ayākwāmimikonān kita kakēskimāyākik ayisiyiniwak, mina kita ācimoyāhk ēwako awa kā ki oyakimikot kisēmanitowa kita oyasowātāt opimātisiwa mina onipiwa. 43wiya māka kahkiyaw okiskiwēhikēwa kā ki ācimikot, o wiyowin ohci kahkiyaw awiya kā tāpwētākot kita asēnamākowisiyit maciitiwina.
44mēkwāc māka pitar kēyāpic ē tasitahk ohi itwēwina, kā kanātisiyit ahcāhkwa ki otihtikwak kahkiyaw kā pēhtahkik itwēwin. 45aniki māka sarkamsaisiwiwin kā wiciiwēcik kā tāpwētahkik ki māmaskātamwak, tahto kā ki pē wicēwācik pitara, cikēmā cēntailak mina ē sikinamācik anima mēkiwin kā kanātisit ahcāhk. 46cikēmā pētawēwak ē pikiskwēyit nanātohk itowēwinihk, mina ē kistakimāyit kisēmanitowa. 47ēkwa māka naskwēwasiiwēw pitar, awiyak ci ayisiyiniw kita ki kitaamākēw nipi, oki ēkā kita pāptaisiwiicik, kā ki miyikowisicik kā kanātisiyit ahcāhkwa tāpiskoc kiyānaw? 48ki itasowēw māka kita pāptaisiwiimiht o wiyowiniyihk cisas Christa. ēkwa māka ki kakwēcimēwak ēkota kita ayāyit nahi tahto kisikāwa.
Currently Selected:
isihcikēwiniwāwa 10: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
