isihcikēwiniwāwa 11
11
1ēkwa māka apāstilak mina ociwāmimāwak cotiyaihk kā ayācik ki pētamwak cēntailak mina ē ki miyihcik kisēmanito ot itwēwin. 2ispi māka pitar tēkosihk cērosalamihk, anihi sarkamsisan kā wiciiwēyit ki ānwēyimik, ē itwēyit, 3ki ki pitokawāwak ēkā kā sarkamsaisiwiicik, mina ki ki wicimicisomāwak. 4māka māci pikiskwēw, ēkosi wihtamawēw kahkiyaw akinē, ē itwēt, 5otēnāhk cāpa ē ayāyān ē ayamihāyān: ēkā ē kiskēyitamān ē isi ayāyān, ni wāpahtēn isinamowin, asiwacikan towikān ē pē yāsipayik, tāpiskoc kihci ayakaskēkin nēwayak ē kakikēyāk kisikohk ē ohci pakitāpēkinikātēk; ēkosi ni pē otihtikon: 6ēwako ispi soki kā kanawāpahtamān, ni māmitoniyitēn, ēkosi ni wāpamāwak kā nēokātēcik pisiskiwak askihk kā ayācik mina pikwaci pisiskiwak mina kā papāmitācimocik mina kā papāmiyācik kisikohk. 7ni pētēn mina itwēwin ē itikoyān, waniskā pitar; minao mina miciso. 8māka nit itāw, namawiya ēkosi, tēpēyihcikēyan: cikēmā namawiya wikāc pakwanata kēkway ahpo ēkā ē pēkahk ohci pihtokēmakan nitonihk. 9māka itwēwin ni naskwēwasimikon kitwām kisikohk ohci, anima kisēmanito kā ki pēkitāt ēkāwiya kiya pakwanata itakita. 10oma māka nistwāw ki itocikātēw: ēkosi kahkiyaw mina kisikohk ki isi ispākēpicikātēwa. 11cist māka, kiyipa nisto nāpēwak ki nipawiwak tipiskoc anima wāskāhikan ita ē ayāyāhk, ē ki pē isitisahohcik sisariyaihk ohci kita pē nāsicik. 12ahcāhk māka ni ki wihtamāk kita wicēwakik, ēkā pitos kita itēyimakik. oki māka nikotwāsik mina ociwāmimāwak ni ki wicēwikwak; ēkosi ni ki pitokānān ana nāpēw o wāskāhikanihk: 13ni ki wihtamākonān māka kā ki isi wāpamāt okisikowa ē nipawiyit o wāskāhikanihk, ē itwēyit, isitisahowē cāpaihk, kita nātiht sāiman, pitar kā isi aspiyikāsot; 14ēwako kē wihtamāsk itwēwina, ita kē ohci pimācihoyan, kiya mina kahkiyaw kikihk kā ayācik. 15ispi māka ē māci pikiskwēyān kā kanātisiyit ahcāhkwa ki otihtikwak, tāpiskoc kiyānaw nistam kā ki isi otihtikoyahk 16#isihcikēwiniwāwa 1:5ēkwa ni kiskisopayiwān ot itwēwin kā tipēyihcikēt, kā ki itwēt, cān tāpwē ki ki pāptāisiwiikowāw nipi ohci; māka ki ka pāptāisiwiikawināwāw kā kanātisit ahcāhk ohci. 17kisāspinē māka kisēmanito ē ki miyāt ēko towi mēkiwin kā ki isi miyikoyahk kiyānaw, ispi ē tāpwētawāyahk kā tipēyihcikēt cisas Christ, awēna niya, kita ki nakāskawak kisēmanito? 18ispi māka piyēhtahkik ohi, ki kipitowēwak, mina ki kistakimēwak kisēmanitowa ē itwēcik, ēko ēsāni kisēmanito cēntāila mina kā pakitēyitamawāt kwēskātisiwin pimātisiwinihk isi.
19 #
isihcikēwiniwāwa 8:1-4
aniki māka kā ki piwāmokāticik ispi āyimisiwin kā ki pasikomakahk istipin ohci, ki ayitotēwak pinisiya isko, mina sāiparas, mina āntēāk, ēkā awiya ē wihtamāwācik itwēwin cowa piko. 20māka ātiht, ayisiyiniwak sāiparas mina sāirini ohci, ēwakwanik, ispi tēkosikik āntiyākihk, ki wihtamawēwak karika mina, ē kakēskimācik kā tipēyihcikēyit cisasa ohci. 21ocihciyiw māka kā tipēyihcikēyit ki wicēwikwak: mihcēt māka ē tāpwētahkik ki kwēskistawēwak kā tipēyihcikēyit.
22ēkosi ē ātotākosicik ēwakwanik ki otihtikwak otawakāwāhk otayamihāwak cērosalamihk kā ayācik: ki isitisawēwak māka pārnapāsa āntiyāk isko: 23ēwako, ispi tēkosihk, kā wāpahtahk māka o kisēwātisiwiniyiw kisēmānitowa, ki māmatākosiw; mina ki kakāyomēw kahkiyaw, ēyikokwēyimowinihk kita micimināyit kā tipēyihcikēyit: 24cikēmā ki miyo ayisiyiniwiw, mina ē moskinēt kā kanātisiyit ahcāhkwa mina tāpwēyēyitamowin: mihcēt māka ayisiyiniwa ki takotowāw kā tipēyihcikēt. 25ki itohtēw māka tārsasihk kita natonawāt sāla: 26ēkosi ispi kā miskawāt, ki pēsiwēw anita āntiyākihk. ki ayispayiw māka, mitoni pēyak aski ki mamāwaciitowak ēkota asici otayamihāwa, mina mihcēt ayisiyiniwa ki kiskinohamāwēwak, ēkota māka āntiāk nikān karistiyānak kā ki isiyihkāticik kiskinohamawākanak.
27ēkospi māka ē kakisikāk ki takosinwak ēkota āntiyāk okiskiwēhikēwak cērosalamihk ohci. 28#isihcikēwiniwāwa 21:10ēkosi ki nipawiw pēyak ēwakwanik ākapas ē isiyihkāsot, mina ki wihtam ahcāhkwa ohci kihci notēkatēwin kita ayāk misiwēskamik: ēwako māka ki ihkin mēkwāc ē kihci okimāwit kalātiyās. 29ēkwa kiskinohamawākanak, kahkiyaw ayisiyiniw piko ē isi kaskitāt, ki itēyitamwat kita isitisahamawācik ocistamākēwin ociwāmimāwa cotiyaihk kā ayāyit: 30ēwakwēyiw māka ki itotamwak, ē isitisahamawācik kā nikānēyitākosiyit o cihciyihk ohci pārnapāsa mina sāla.
Currently Selected:
isihcikēwiniwāwa 11: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
