isihcikēwiniwāwa 12
12
1nāntaw māka ēkospi ērat kihci okimāw ki sowiniskēyiw kita kotakiāt ātiht otayamihāwa. 2ēkosi ki nipaēw cēmisa ociwāmiyiwa cān isawēsk ohci. 3ispi māka wiyāpahtahk ē miywēyitamiyit cowa, ki ati otihtinēw pitara mina. ēkospi māka ki kakisikāwa ēkā ē piswēkasot pakwēsikan. 4#ēksatas 12:1-27ispi māka kā otitināt, ki pakitinēw kipahotowikamikohk, ēkosi ki pakitinamawēw nēw ē nānēwiyit simākanisa kita kanawēyimāyit; ē itēyitahk mwēstas iyikohk ki mayāskotāto wihkohtoki kita wayawitatamawāt ayisiyiniwa. 5pitar māka ki kanawēyimāw kipahotowikamikohk: māka ki ākamēyimowak otayamihāwak ē ayamihēstawācik kisēmanitowa wiya ohci.
6ispi māka ērat ē wi pē wayawitaāt, ēwako ē tipiskāyik pitar ki nipāw tastawic niso simākanisa, niso piwāpiskwa ē ohci takopisot: otasoikēwa māka wayawitimiskwāt ē kanawēyitamiyit kipahotowikamik. 7ēkosi poti, okisikoma kā tipēyihcikēyit ki nipawistāk, mina ki wāstēw kipahotowikamikohk: ki toskiwēpinēw māka pitara opimēyaw, mina ki koskonēw, ē itwēt, waniskā kiyipa. piwāpiskwa māka ki pakitiniyiwa o cihcihk ohci. 8ēkosi okisikowa ki itik, pakwatēho mina pōstaskisinē. ēkosi ki itotam. ki itik māka, akwanao kit aspakon; mina pimitisahon 9ēkosi ki wayawiw mina ki pimitisawēw; namawiya māka kiskēyitam tāpwē ē ikiniyik anima kā itotamiyit okisikowa, māka ē mohci isinamān ki itēyitam.
10ispi māka kā mayāskakik anima nistam mina anima kotak iskwātēm, ki otitamwak anima piwāpisko iskwātēm otēnāhk isi; ēwako sēkē ki yotēpayiw: ēkosi ki wayawiwak, mina ki ati sāpo pimotiwak pēyak pimohtēskanaw; sēmāk māka okisikowa ki nakatik. 11ispi māka pitar mitoni ē āpikawi ayāt, ki itwēw, ēkwa ni kiskēyitēn tāpwē, kā tipēyihcikēt ē ki isitisawāt okisikoma mina ē ki paspiit ocihcihk ohci ērat, mina kahkiyaw ot isi pakosēyimowiniwāw cow ayisiyiniwak.
12ispi māka kā māmitonēyitahk, ki otitam o wāskāhikaniyiw mēri okāwiya cān, mārk kā isi aspiyikāsot; ita mihcēt ē māwaciitocik ē ayamihācik. 13ispi māka o pāpāwaahk iskwātēmis kihci iskwātēmihk, oskinikiskwēw ki pē itohtēw kita naskwēwasitāt rota ē isiyihkāsot, 14ispi māka nēsitotawāt pitara ē ititākosiyit, namawiya yotēnam iskwātēm ē isi mamātākosit, māka ki pihtokēpatāw ēkosi ki wihtam pitara ē nipawiyit iskwātēmihk. 15ki itēwak māka, nama māwiya ki kiskisin. māka ki itwēw ē kēcināot tāpwē ēkosi ē ikiniyik. ēkosi ki itwēwak, okisikoma ētokē. 16māka pitar ācipiko ki pāpāwahikēw: ispi māka kā yotēnikik, ki wāpamēwak, ēkosi ki māmaskātamwak. 17wiya māka, ē itinikēstawāt ēkā kita kitoyit, ki ācimostawēw kā tipēyihcikēyit kā ki isi pē wayawitahikot kipahotowikamikohk ohci. ki itwēw māka, wihtamāhk ohi cēmis, mina ociwāmimāwak. ēkosi ki sipwētēw, mina pitos ita ki itohtēw.
18sēmāk māka ē kisikāk, namāwiya piko apisis opwēkamikisiwak simākanisak, tānitē wiya oma ēyāt pitar. 19ispi māka ērat kā natawēyimāt ēkā māka ē miskawāt, mitoni ki kakwēcimēw kā ki kanawēyimāyit, ēkosi ki itasowēw kita nipaimiht, ki sipwētēw māka cotiyaihk ohci sisariyaihk isi, ēkota māka ki ayāw.
20mistahi māka ki nayētāwēyimēw anihi tāyar mina sāitan kā ayāyit: māka ki pē māmawi nātik, ēkosi, ē ki ociācik pilāstasa kihci okimāwa okanawi nipēwikamikwēma ki natotamwak witaskitowin, cikēmā ki otisiwak ot askiwāhk kihci okimāwa ot askiyihk ohci. 21ē ki oyakitahk māka kisikāw ērat ki posiskam o kihci okimāwi kikiskācikana, ēkosi ki apiw o kihci apiwinihk, mina ki pikiskwātēw ayisiyiniwa. 22ki tēpwēwak māka ē itwēcik, manito ot itwēwin, namawiya ayisiyiniw. 23sēmāk māka kā tipēyihcikēt okisikoma ki pakamaok, cikēmā ēkā kisēmanitowa ē miyāt kistēyitākosiwin: ki mowik māka manicosa, mina ki sipwēcāhkwēw.
24māka ot itwēwin kisēmanito ki yakikiniyiw mina ki yakiomakaniyiw. 25ēkosi pārnapās mina sāl ki kiwēwak cērosalamihk ohci, ispi kā tipitotakik ot atoskēwiniwāw, ē wicēwikocik cān kā isi aspiyikāsot mārk.
Currently Selected:
isihcikēwiniwāwa 12: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
